LUKE 22:30 - Edisana ñwed Abasi Ibom

³⁰ kpasuk ntre ke Ami nnyuŋ nnim nnɔ mbufo nte edia ŋkpɔ enyuŋ eŋwɔŋ ŋkpɔ ke okpokoro Mi ke Obio Ubɔŋ Mi; mbufo eyenyuŋ etie ke ebekpo ekpe ikpe enɔ mme esien Israel duopeba.

LUKE 22:30 ပူးပေါင်းရင်းမြစ်များ

2 SAMUEL 19:28

Koro ofuri ufɔk ete mi mikedige baba ŋkpɔ kiet ke mibɔhɔke mbon mkpa ke iso ɔbɔŋ mi edidem: ndien afo ekesin owo fo ke otu mme andidia ŋkpɔ ke okpokoro fo. Ami nnyene nso ukeme ndien kaŋa nte ŋkpɔtɔŋɔde ntak nseme nnɔ edidem?

ŊWED MME PSALM 49:14

Esin mmɔ ke udi nte otu erɔŋ; mkpa eyedia mmɔ; ndien ndinen owo eyekara mmɔ ke usenubɔk; udi eyenyuŋ enyene ndisio mmɔ ke iduŋ mmɔ nsobo mmɔ idem.

MATTHEW 19:28

Edi Jesus ɔdɔhɔ mmɔ ete, Ke akpanikɔ ke ndɔhɔ mbufo nte, ke ini edinamde ŋkpɔ ekabare edi mbufa, ke adaŋemi Eyen Owo editiede ke ebekpo ubɔŋ Esie, mbufo, emi eketienede Mi, eyenyuŋ etie ke ebekpo duopeba, ekpe ikpe enɔ esien Israel duopeba.

MATTHEW 5:3

Ɔfɔfɔn ɔnɔ mmɔ eke ebuenede ke spirit: koro Obio Ubɔŋ Heaven enyene mmɔ.

MATTHEW 8:11

Edi ndɔhɔ mbufo nte, Ediwak owo eyeto ke edem usiaha-utin ye edem usop-utin, edisuhɔre etetie ye Abraham, ye Isaac, ye Jacob, ke Obio Ubɔŋ Heaven:

LUKE 12:37

Ɔfɔfɔn ɔnɔ mme asaŋutom emi ete mmɔ edidide okut mmɔ etiede ekpeme; ke akpanikɔ ke ndɔhɔ mbufo nte, enye ke idem esie eyefak ɔfɔŋ, anam mmɔ etetie ke okpokoro udia, onyuŋ ada mbet ɔnɔ mmɔ.

LUKE 14:15

Edi kini owo kiet eke etiede ke itie-udia ye Enye okopde mme ikɔ emi, enye ete, Ɔfɔnfɔn ɔnɔ owo emi edidiade ŋkpɔ ke Obio Ubɔŋ Abasi.

2 ŊWED TIMOTHY 2:12

Edieke imede ime, iyeda ubɔŋ ye Enye; Edieke ikaŋde Enye, Enye eyekaŋ nnyin;

JAMES 1:1

JAMES, emi edide owo Abasi ye Ɔbɔŋ Jesus Christ, ewet ɔnɔ esɔk esien duopeba emi esuanade, ete ikɔm mmɔ.

ERIYARARE 19:9

Angel onyuŋ ɔdɔhɔ mi ete, Ɔfɔnfɔn ɔnɔ mmɔ emi ekekotde edi udia ndɔ Eyen-erɔŋ. Enye onyuŋ ɔdɔhɔ mi ete, Ikɔ emi edi ata ikɔ Abasi.

ERIYARARE 3:21

Owo eke akande, nyenɔ enye nditie ye Ami ke ebekpo Mi, kpa nte Ami ŋkakande, nnyuŋ nsuhɔre ntie ye Ete Mi ke ebekpo Esie.

ERIYARARE 4:4

Ebekpo edip ye inaŋ enyuŋ ekan ebekpo oro ekuk; ndien ke mme ebekpo oro mbiowo edip ye inaŋ etie, esine mfia ɔfɔŋidem, enyuŋ eyara anyanya o-gold ke ibuot mmɔ.