LUKE 22:19 - Edisana ñwed Abasi Ibom

¹⁹ Enye onyuŋ emen uyo, ndien ke ama ɔkɔnɔ ekɔm, obuŋ, ɔnɔ mmɔ, ete, Emi edi ikpɔhidem Mi eke enɔde kabaŋa mbufo: enam emi nditi Mi.

LUKE 22:19 ပူးပေါင်းရင်းမြစ်များ

ŊWED MME PSALM 111:4

Enye anam owo eti mme utibe ŋkpɔ esiemɔ: Jehovah ɔfɔn ido, onyuŋ enyene esit mbɔm.

IKWƆ SOLOMON 1:4

Dudi mi, yak nnyin ibine fi. Edidem ama ada mi oduk ke ubet esie: nnyin iyenem esit, inyuŋ idara fi, iyetoro ima fo ikan wine: mmɔ ema fi nte enende.

EZEKIEL 37:11

Ndien enye ɔdɔhɔ mi, ete, Eyen owo, mme ɔkpɔ emi edi ofuri ufɔk Israel. Sese, mmɔ ke edɔhɔ ete, Mme ɔkpɔ nnyin emesat, idorienyin nnyin omonyuŋ atak: emesibe nnyin efep.

EZEKIEL 5:5

Ntem ke Jehovah ɔdɔhɔ, ete, Emi edi Jerusalem: mma ndiɔk enye ke ufɔt mme idut, ndien mme obio ekan enye ekuk.

DANIEL 2:38

Ndien ke kpukpru ebiet emi nditɔ owo eduŋde, ye mme unam ikɔt ye inuen enyɔŋ, enye amada mmɔ esin fi ke ubɔk, onyuŋ onim fi ke ɔbɔŋ mmɔ kpukpru. Afo edi ibuot o-gold oro.

MATTHEW 14:19

Ndien Enye ɔnɔ mme otu owo uyo, ete, esuhɔre etetie ke mbiet; onyuŋ emen uyo ition ye iyak iba oro, emenere enyin ese enyɔŋ, ɔdiɔŋ mmɔ, onyuŋ obuŋ uyo, ayak ɔnɔ mbet, mbet enyuŋ eyak enɔ mme otu owo.

MATTHEW 15:36

onyuŋ emen uyo itiaba ye iyak oro; ndien ke ama ɔkɔnɔ ekɔm, obuŋ, ayak ɔnɔ mbet; mbet enyuŋ enɔ otu owo.

LUKE 22:17

Ekem Enye emen cup, ndien ke ama ɔkɔnɔ ekɔm, ɔdɔhɔ ete, Eda emi edeme ke otu idem mbufo:

LUKE 22:20

Enye anam kpa ntre ye cup, ke ini mmɔ ediade ema, ete, Cup emi edi Obufa Ediomi ke iyip Mi, emi eduɔkde kabaŋa mbufo.

LUKE 24:30

Enye oduk akadaŋ ye mmɔ Ekem ke ini Enye etiede ye mmɔ ke itie-udia, Enye emen uyo, ɔdiɔŋ, obuŋ, ayak ɔnɔ mmɔ.

JOHN 6:23

(Edi mme ubom eto ke Tiberias edikpere ebiet oro mmɔ ekadiade uyo, ke Ɔbɔŋ ama ɔkɔnɔ ekɔm.)

JOHN 6:51

Ami ndi odu uwem uyo emi okotode ke heaven ɔsuhɔre: edieke owo ekededi adiade uyo emi, enye eyedu uwem ke nsinsi: ndien uyo emi ndinɔde edi obukidem Mi, man ererimbot odu uwem.

1 ŊWED CORINTH 10:16

Cup eridiɔŋ eke nnyin idiɔŋde, nte oro idige eribuana iyip Christ? Uyo eke nnyin ibuŋde, nte oro idige eribuana ikpɔhidem Christ?

1 ŊWED CORINTH 10:4

koro mmɔ ekeŋwɔŋ mmɔŋ eke otode ke itiat eke spirit, emi akasasaŋa ye mmɔ; ndien itiat oro ekedi Christ.

ŊWED MBON GALATIA 1:4

Emi akayakde Idem Esie ɔnɔ kabaŋa mme idiɔk-ŋkpɔ nnyin, man Enye akpanyaŋa nnyin osio ke idiɔk eyo emi odude ke emi, nte ekemde ye se Abasi ye Ete nnyin aduakde:

ŊWED MBON GALATIA 4:25

Koro Hagar oro edi Sinai, obot emi odude ke Arabia, Enye asaŋa ekekem ye Jerusalem emi odude ke emi; koro Jerusalem ye nditɔ esie etie ke ufin.

ŊWED MBON EPHESUS 5:2

enyuŋ esaŋa ke ima kpa nte Christ ŋko akamade mbufo, okonyuŋ ayakde Idem Esie ɔnɔ kibuot nnyin, nte enɔ ye uwa emi edade esɔk Abasi, emi osiode ufik eke enemde.

1 ŊWED THESSALONICA 5:18

Enɔ ekɔm ke kpukpru ŋkpɔ; koro emi edi se Abasi amade mbufo enam ke Christ Jesus.

TITUS 2:14

Emi akayakde Idem Esie ɔnɔ kabaŋa nnyin, man Enye afak nnyin osio ke kpukpru mme idiɔk-ŋkpɔ, onyuŋ anam nnyin asak-ubɔk ikɔt Esie, emi isinde esit inam nti utom.

1 PETER 2:24

Enye ke Idem Esie obiom mme idiɔk-ŋkpɔ nnyin ke ikpɔhidem Esie ke eto, man nnyin ikpakpa ikpɔŋ idiɔk-ŋkpɔ, inyuŋ idu uwem inɔ edinen ido.