LUKE 21:15 - Edisana ñwed Abasi Ibom

¹⁵ koro Ami nyenɔ mbufo inua ikɔ ye eti ibuot, eke kpukpru mme asua mbufo midikemeke ndikaŋ mme ndineni.

LUKE 21:15 ပူးပေါင်းရင်းမြစ်များ

MME ŊKE 2:6

Koro Jehovah enyene eti ibuot; ifiɔk ye mbufiɔk eto enye ke inua.

JEREMIAH 1:9

Ndien Jehovah anyanare ubɔk esie otuk mi inua. Jehovah onyuŋ ɔdɔhɔ mi, ete, Sese, mmesin fi ikɔ mi ke inua.

EZEKIEL 29:21

Ke usen oro nyenam nduk otibe ɔnɔ ufɔk Israel nnyuŋ nyak fi aŋwaŋade inua ke otu mmɔ: ndien mmɔ eyefiɔk ete ke ami ndi Jehovah.

LUKE 12:12

koro kpa ke idaha oro Edisana Spirit eyeteme mbufo se mbufo enyenede nditiŋ.

LUKE 21:16

Edi kpa mme ete ye mme eka ye nditɔ-ete ye iman ye mme ufan eyeda mbufo ekayak enɔ; eyenyuŋ enam ewot ndusuk mbufo.

LUKE 24:45

Ndien Enye aŋwaŋare mmɔ ikike, man mmɔ efiɔk ikɔ Abasi;

UTOM MME APOSTLE 2:4

Ndien Edisana Spirit ɔyɔhɔ kpukpru mmɔ ke idem, mmɔ enyuŋ etɔŋɔ ndisem nsio-nsio usem, nte spirit ɔnɔde mmɔ ukeme nditiŋ.

UTOM MME APOSTLE 24:25

Edi ke adaŋemi Paul ebuende ikɔ abaŋa edinen ido, ye mfara idem, ye ikpe eke edidide, Felix edikhe, onyuŋ ɔdɔhɔ Paul ete, Ka okuo kaŋa; mma nnyene ifet, nyetɔŋɔ ntak ŋkot fi edi.

UTOM MME APOSTLE 26:28

Ndien Agrippa ɔdɔhɔ Paul ete, Kpa ke ekpri eritiŋ emi ɔdɔŋ fi ndinam mi ŋkabare ndi Christian.

UTOM MME APOSTLE 6:10

Ndien mmɔ ikemeke ndida ke iso ifiɔk ye

ŊWED MBON EPHESUS 6:19

man enɔ mi ukeme nditat inua ntiŋ ikɔ nyarare ndibe-ŋkpɔ gospel ye uko;

JAMES 1:5

Edi edieke owo mbufo ekededi ananade eti ibuot, yak enye ebeŋe Abasi, emi ɔnɔde kpukpru owo ke ntarubɔk, minyuŋ itɔhɔke owo; ndien Abasi eyenɔ enye.