LUKE 20:36 - Edisana ñwed Abasi Ibom

³⁶ koro mmɔ edi ukem-ukem ye mme angel; enyuŋ edi nditɔ Abasi, sia mmɔ edide nditɔ eriset.

LUKE 20:36 ပူးပေါင်းရင်းမြစ်များ

ISAIAH 25:8

Enye eyemen mkpa ke nsinsi; Ɔbɔŋ Jehovah onyuŋ ɔkwɔhɔre kpukpru iso mmɔŋ eyet efep; eyenyuŋ osio esuene ikɔt esiemɔ ke ofuri ererimbot efep: koro edi Jehovah ɔdɔhɔ.

HOSEA 13:14

Nyefak mmɔ nsio ke ubɔk udi; nyenyaŋa mmɔ nsio ke mkpa: nyedi idiɔk udɔŋɔ fo, O mkpa; nyedi nsobo fo, O udi: erikabare esit eyedibe mi ke enyin.

ZECHARIAH 3:7

Ntem ke Jehovah mme udim ɔdɔhɔ, ete, Edieke afo asaŋaade ke usuŋ mi, onyuŋ onimde ido mi, ndien afo eyekpe ufɔk mi, onyuŋ ekpeme okure mi ŋko, ndien nyenɔ fi ebiet eke afo asaŋade ke otu mme mmɔ emi edade mi.

MATTHEW 22:30

Koro ke eriset ke mkpa mmɔ idɔhɔ ndɔ inyuŋ idaha mmɔ inɔ ke ndɔ, edi mmɔ etie nte mme angel ke heaven.

MARK 12:25

Koro ke adaŋemi owo esetde ke mkpa, mmɔ idɔhɔ ndɔ, inyuŋ idaha mmɔ inɔ ndɔ, edi mmɔ etie nte mme angel emi edude ke heaven.

ŊWED MBON ROME 8:16

Spirit ke Idem Esie etiene spirit nnyin edi ntiense ete, nnyin idi nditɔ Abasi.

1 ŊWED CORINTH 15:26

Akpatre usua emi Enye edisobode edi mkpa.

1 ŊWED CORINTH 15:42

Ntem ke onyuŋ edi ye eriset mme akpa-mkpa. Etɔ ikpɔhidem ke mbiara; enam enye eset nte ŋkpɔ eke mikemeke ndibiara: etɔ enye ke esuene;

1 ŊWED CORINTH 15:49

Ndien kpa nte nnyin ima ikobiom mbiet owo eke otode ntan-isɔŋ, nnyin iyenyuŋ ibiom mbiet owo eke otode heaven ŋko.

ŊWED MBON PHILIPPI 3:21

emi eyetɔŋɔ ntak obot ikpɔhidem nnyin emi odude ke ata usuhɔre-itie, esin ke mbiet idem Esiemɔ emi enyenede ubɔŋ, oto ke odudu Esie, emi Enye ekemede ndida nsuk kpukpru ŋkpɔ nsin ke idak Esie.

ERIYARARE 20:6

Ɔfɔfɔn ɔnɔ owo emi enyenede udeme ke akpa eriset: enye edi edisana; udiana akpa mkpa inyeneke odudu ke idem mmɔ emi: edi mmɔ eyedi mme oku Abasi ye Christ, mmɔ eyenyuŋ eda ubɔŋ ye Enye ke tɔsin isua.

ERIYARARE 21:4

Enye eyekwɔhɔre kpukpru mmɔŋeyet ke enyin mmɔ efep. Mkpa idinyuŋ iduhe aba; eseme ye ntuaŋa ye ubiak idinyuŋ iduhe aba; koro ebe-iso ŋkpɔ ema ebe efep.

ERIYARARE 22:9

Edi enye ɔdɔhɔ mi ete, Kunam: ndi asaŋutom ye afo ye nditɔ-ete fo mme prophet, ye mmɔ emi enimde ikɔ ŋwed emi. Tuak ibuot nɔ Abasi.