LUKE 20:10 - Edisana ñwed Abasi Ibom

¹⁰ Ndien ke edikem ini enye ɔdɔŋ isuŋutom ke ɔtɔ mme ekpeme-iŋwaŋ, man mmɔ enɔ enye udeme mfri iŋwaŋ-vine esie: edi mme ekpeme-iŋwaŋ emia enye, enyuŋ ebin enye ɔnyɔŋ ubɔk-ubɔk.

LUKE 20:10 ပူးပေါင်းရင်းမြစ်များ

1 NDIDEM 22:24

Edi Zedekiah eyen Chenaanah asaŋa ekpere okoyibi Micaiah ke mfuk, onyuŋ ɔdɔhɔ ete, Ke usuŋ ewe ke spirit Jehovah ɔkpɔŋ mi, ebe editiŋ ikɔ inɔ fi?

2 NDIDEM 17:13

Edi Jehovah ada inua kpukpru prophet, ye eke kpukpru mbon ŋkukut, asua ɔnɔ Israel ye Judah, ete, Mbufo ekabare ekpɔŋ mme idiɔk usuŋ mbufo, enyuŋ enim ibet mi, ye item mi, ekem ke kpukpru mme ewuhɔ emi ŋkowukde mme ete mbufo, emi ŋkonyuŋ ntobode mbufo ke ubɔk ikɔt mi mme prophet.

1 CHRONICLES 19:4

Ndien Hanun omum ikɔt David, okporo mmɔ idet, onyuŋ osibe mmɔ ɔfɔŋidem mbio-mbio ke ifuhi, ndien asana mmɔ ayak.

2 CHRONICLES 16:10

Ndien Asa ayat esit ye okut-ŋkukut oro, onyuŋ esin enye ke ufɔk ebuka; koro enye akpahade esit ye enye abaŋa ŋkpɔ emi. Asa onyuŋ otuk ndusuk mbio-obio suk ini oro.

NEHEMIAH 9:26

Ekem mmɔ emiom, emiom, enyuŋ esɔŋ ibuot ye afo, enyuŋ emen ewuhɔ fo eduɔk ke edem mmɔ, enyuŋ ewot mme prophet fo oro ekesuade enɔ mmɔ, ete ida mmɔ ifiak isɔk fi, mmɔ enyuŋ enam ikpɔ ŋkpɔ but.

NEHEMIAH 9:30

Edi afo eme ime ye mmɔ ediwak isua, onyuŋ ada spirit fo asua ɔnɔ mmɔ ke ubɔk mme prophet fo: edi mmɔ ikpaŋke utɔŋ. Ndien afo emen mmɔ esin mbio mme idut ke ubɔk.

ŊWED MME PSALM 1:3

Ndien enye ebiet eto eke etɔde ke mben akpa mmɔŋ, eke osioŋode mfri esie ke ekem ini; ikɔŋ esie inyuŋ ikeŋeke; ndien kpukpru se enye anamde ɔwɔrɔ usuŋ.

JEREMIAH 2:30

Kpukpru mbufo emedue mi. Mmamia nditɔ mbufo ikpikpu; mmɔ ikopke item: ofut mbufo amadia mme prophet mbufo, nte lion eke osobode.

JEREMIAH 20:2

Ndien Pashhur amia Jeremiah prophet, onyuŋ esin enye ke ebuka oro odude ke enyɔŋ-enyɔŋ inua-otop Benjamin emi odude ke ufɔk Jehovah.

JEREMIAH 35:15

Ami ŋko nnyuŋ ndɔŋ kpukpru ikɔt mi mme prophet utom ke ɔtɔ mbufo, mbabak ndɔŋ, nte, Mbɔk, mbufo kpukpru ekabare ekpɔŋ idiɔk usuŋ mbufo, enyuŋ ekabare ido mbufo enam ɔfɔn, ekunyuŋ ebine mme abasi efen ndinam ŋkpɔ nnɔ mmɔ, ndien mbufo eyeduŋ ke isɔŋ emi ŋkɔnɔde mbufo ye mme ete mbufo: ndien mbufo ikpaŋke utɔŋ mbufo, inyuŋ ikopke inɔ mi.

JEREMIAH 5:24

Mmɔ inyuŋ idɔhɔke ke esit mmɔ, ite, Mbɔk, eyak nnyin ibak Jehovah Abasi nnyin emi ɔnɔde edim, kpa mbemiso ye ukperedem edim ke ekem ini mmɔ: enye onim mme urua ukpeŋe eke ekedoride, ɔnɔ nnyin.

LUKE 13:34

O Jerusalem, Jerusalem emi owotde mme prophet, onyuŋ ɔtɔŋɔde mmɔ emi edɔŋde etiene fi ke itiat! Adaŋa ediwak ini didie ke ŋkoyom nditaŋ nditɔ fo mbon ɔtɔ kiet, kpa nte unen obonde nditɔ esie ke idak mba esie, ndien mbufo ikonyimeke!

LUKE 20:11

Ndien enyene-iŋwaŋ-vine osio isuŋutom efen ɔdɔŋ; mmɔ emia enye ŋko, enyuŋ enam enye ido esuene, enyuŋ ebin enye ɔnyɔŋ ubɔk-ubɔk.

LUKE 20:9

Edi Enye ɔtɔŋɔ nditop ŋke emi nnɔ mbio-obio ete, Owo kiet ɔkɔtɔ iŋwaŋ-vine, onyuŋ ayak enye ɔnɔ mme ekpeme-iŋwaŋ, onyuŋ adaha aka idut efen ekebigi do.

JOHN 15:16

Idige mbufo ekemek Mi, edi Ami ŋkemek mbufo nnyuŋ nnim nte mbufo eka ekeŋwum mfri, mfri mbufo okponyuŋ osuk odu: man Ete ɔkpɔnɔ mbufo ŋkpɔ ekededi eke edibeŋede Enye ke enyiŋ Mi.

ŊWED MBON ROME 7:4

Mmɔdo nditɔ-ete mi, ekeda ikpɔhidem Christ esin mbufo ekpaŋa ewɔrɔ ke idak ibet, kpaŋ mbufo ekpekabare ediana ye Owo efen, kpa Enye emi ekesetde ke mkpa, man nnyin isioŋo mfri inɔ Abasi.