LUKE 2:9 - Edisana ñwed Abasi Ibom

⁹ Ndien angel Jehovah edi edikpere mmɔ, ubɔŋ Jehovah onyuŋ ayama akan mmɔ okuk: ndien ndik anam mmɔ eti-eti.

LUKE 2:9 ပူးပေါင်းရင်းမြစ်များ

1 NDIDEM 8:11

ndien obubit enyɔŋ oro iyakke mme oku eda enam ŋkpɔ: koro ubɔŋ Jehovah ɔyɔhɔde ke ufɔk Jehovah.

EXODUS 16:10

Edikem ke ini Aaron osuk ɔdɔhɔde ye ofuri udim nditɔ Israel, mmɔ ewɔŋɔre ese edem wilderness, ndien, sese, ekut ubɔŋ Jehovah ke obubit enyɔŋ oro.

EXODUS 16:7

ndien ke usenubɔk, mbufo eyekut ubɔŋ Jehovah; koro enye okopde uyo emi mbufo esukde Jehovah; ndien nnyin idi mme anie, eke mbufo esukde nnyin uyo?

ISAIAH 35:2

Eyediɔŋ asiaha ikɔŋ, onyuŋ ebre mbre, onyuŋ ɔkwɔ: eyenɔ enye ubɔŋ Lebanon, ye uyai Carmel ye Sharon; mmɔ eyekut ubɔŋ Jehovah, uyai Abasi nnyin.

ISAIAH 40:5

ndien ubɔŋ Jehovah eyeyarare, kpukpru owo ɔtɔ kiet eyenyuŋ ekut enye: koro uyo Jehovah ɔdɔhɔde.

ISAIAH 60:1

DAHA ke enyɔŋ! yama! koro uŋwana fo emedi, ubɔŋ Jehovah omonyuŋ asiaha ɔnɔ fi,

EZEKIEL 3:23

Ndien ndaha ke enyɔŋ, nnyuŋ ŋwɔrɔ ŋka ke ebedeŋ oro: ndien, sese, ubɔŋ Jehovah ke ada do ebiet ubɔŋ oro ŋkokutde ke mben akpa Chebar: ndien nduɔ ke isɔŋ ŋkubi iso mi.

MATTHEW 1:20

Edi ke adaŋemi enye ekerede mme ŋkpɔ emi, sese, angel Jehovah ɔbiɔŋɔre enye ke iso ke ndap, ete enye, Joseph, eyen David, kufehe ndida Mary ŋwan fo nnyɔŋ ufɔk: koro idibi oro enye oyomode oto ke Edisana Spirit.

LUKE 1:28

Ndien angel oduk etiene enye, onyuŋ ɔdɔhɔ ete, Mmɔkɔm fi, afo emi enyenede akwa mfɔn-iso, Jehovah odu ye afo.

LUKE 2:8

Ndien mme ekpemerɔŋ edu ke edem oro, emi etiede ke iŋwaŋ ekpeme erɔŋ mmɔ ke okoneyo.

LUKE 24:4

Ekem nte esit otimerede mmɔ abaŋa ŋkpɔ emi, sese, owo iba emi esinede nsem-nsem ɔfɔŋidem eda mmɔ ke ŋkaŋ:

JOHN 12:41

Isaiah eketiŋ ikɔ emi koro enye okutde ubɔŋ Esie; enye ama onyuŋ etiŋ ŋkpɔ abaŋa Enye.

UTOM MME APOSTLE 12:7

Ndien sese, angel Ɔbɔŋ ada enye ke ŋkaŋ, uŋwana onyuŋ ayama ke ubet oro; enye oro onyuŋ atuak Peter ke ŋkaŋ, edemere enye, ete, Daha ke enyɔŋ iwiwa. Ndien ŋkpɔkɔbi efɔrɔre enye ke ubɔk eduɔ.

UTOM MME APOSTLE 27:23

Koro angel Abasi, emi ndide owo Esie, nnyuŋ nnamde ŋkpɔ nnɔ Enye, akada mi ke ŋkaŋ okoneyo mkpɔŋ, onyuŋ ɔdɔhɔ mi ete, Paul, kufehe ndik;

UTOM MME APOSTLE 5:19

Edi ke okoneyo angel Ɔbɔŋ eberede usuŋ ufɔk-ŋkpɔkɔbi, ada mmɔ ɔwɔrɔ, ete,

2 ŊWED CORINTH 3:18

Edi kpukpru nnyin imada iso emi mikuihi, imum ubɔŋ Ɔbɔŋ ikama, nte ukuriso omumde ŋkpɔ; ntre ke nnyin ikpuhɔre ibe ikabare inyene mbiet Esie, ikɔrɔ ubɔŋ ke ubɔŋ, kpa nte Ɔbɔŋ emi edide Spirit anamde.

2 ŊWED CORINTH 4:6

Sia edide Abasi, emi ɔkɔnɔde uyo ete, Yak uŋwana ayama ke ekim, akayama nnyin ke esit, man Enye aŋwaŋare owo enyin ndifiɔk ubɔŋ Abasi ke iso Jesus Christ.

1ŊWED TIMOTHY 3:16

Owo ikemeke ndineni ete ido Abasi edi akwa ndibe-ŋkpɔ; Edi Enye emi akayararede Idem Esie ke obukidem; Ewut Enye nte edinen ke Spirit; Enye owut idem ɔnɔ mme angel; Ekwɔrɔ Enye ke otu mme idut, Ebuɔt idem ye Enye ke ererimbot. Emen Enye edɔk ke ubɔŋ.

MME HEBREW 12:21

Ofuri ebiet ekenyene ndik eti-eti ndise, tutu Moses ɔdɔhɔ ete, Ŋkop ndik, nnyuŋ nnyek idem eti-eti.

ERIYARARE 18:1

KE ŋkpɔ emi ema ekebe, ŋkut angel eŋwen nte otode ke heaven ɔsuhɔre ye akwa odudu; isɔŋ onyuŋ ayama ke ubɔŋ esie.

ERIYARARE 20:11

Ekem ŋkut akamba afia ebekpo, ye Enye emi etiede ke esit, emi isɔŋ ye ikpa-enyɔŋ efeŋede ekpɔŋ iso Esie, inyuŋ ikwe ufaŋ inɔ mmɔ aba.