LUKE 2:4 - Edisana ñwed Abasi Ibom

⁴ Joseph ŋko oto ke obio Nazareth, ke Galilee, ɔdɔk aka ke Judaea, ke obio David emi ekerede Bethlehem, koro enye edide owo ufɔk ye oruk David, ndisin enyiŋ esie ke ŋwed;

LUKE 2:4 ပူးပေါင်းရင်းမြစ်များ

GENESIS 35:19

Ndien Rachel akpa, ndien ebuk enye ke usuŋ Ephrath, enye edi

GENESIS 48:7

mmɔ. Ndien ami, ke ini oro ntode ke Paddan ndi, Rachel akpa mi ke ubɔk ke isɔŋ Canaan ke usuŋ, ɔsuhɔ esesit okposim Ephrath: ndien mbuk enye do ke usuŋ Ephrath; oro edi Bethlehem.

MICAH 5:2

Ndien afo Beth-lehem Ephrathah, emekpri ke otu mme tɔsin Judah, edi owo eyeto fi ke esit ɔnɔ mi, eke edidide andikara ke Israel; enye emi eriwɔrɔ esie okodude tutuko, kpa ke eyo eset.

MATTHEW 1:20

Edi ke adaŋemi enye ekerede mme ŋkpɔ emi, sese, angel Jehovah ɔbiɔŋɔre enye ke iso ke ndap, ete enye, Joseph, eyen David, kufehe ndida Mary ŋwan fo nnyɔŋ ufɔk: koro idibi oro enye oyomode oto ke Edisana Spirit.

MATTHEW 2:23

enye adaha aka ke isɔŋ Galilee okoduŋ ke obio emi ekerede Nazareth: man osu nte mme prophet ekedɔhɔde ete, Enye edikere Nazarene.

LUKE 2:3

Ndien kpukpru owo eka ke obio mmɔ kiet kiet ndisin enyiŋ ke ŋwed.

LUKE 2:5

Mary emi ekadade enɔ enye ke ndɔ, emi ekperede ndiman eyen, onyuŋ asaŋa ye enye.

LUKE 4:16

Ekem Enye edi ke Nazareth, kpa ke ebiet emi ekebɔkde Enye: ndien nte ido Esie edide, Enye oduk ke synagogue ke usen sabbath, onyuŋ adaha ke enyɔŋ ndikot ŋwed.

JOHN 1:46

Nathanael ete enye, Nte baba eti ŋkpɔ ekeme ndito ke Nazareth? Philip ete enye, Di dise.

JOHN 7:42

Nte Ŋwed Abasi idɔhɔke ite Christ oto ke oruk David, onyuŋ oto ke Bethlehem obio-iŋwaŋ emi David okodude do?

RUTH 1:19

Ndien mmɔ mbiba esaŋa tutu ediwɔrɔ ke Beth-lehem. Ndien edikem ke ini mmɔ esimde Beth-lehem, ofuri obio otime abaŋa mmɔ, ndien mmɔ edɔhɔ ete, Emi akam edi Naomi?

RUTH 2:4

Ndien, sese, Boaz oto ke Beth-lehem edi, ndien enye ɔkɔm mbon ukpeŋe, ete, Jehovah osuk odu ye mbufo. Ndien mmɔ ebɔrɔ enye, ete, Jehovah osuk ɔdiɔŋ fi.

RUTH 4:11

Ndien kpukpru mmɔ emi edude ke inua-otop obio, ye mbiowo oro ŋko, edɔhɔ ete, Ih, nnyin idi ntiense. Yak Jehovah anam ŋwan emi odukde ke ufɔk fo etie nte Rachel ye nte Leah, emi edide mmɔ mbiba ekebɔp ufɔk Israel: nyuŋ nam eti ke Ephrathah, nyuŋ wɔrɔ etop ke Beth-lehem:

RUTH 4:17

Ndien iban, mbɔhiduŋ esie, esio enye enyiŋ, ete, Eyen-eren amana ɔnɔ Naomi; ndien mmɔ esio enye enyiŋ Obed: enye ekedi ete Jesse, ete David.

1 SAMUEL 16:1

EKEM Jehovah ɔdɔhɔ Samuel, ete, Adaŋa didie ke afo editua Saul, sia mma nsio enye mfep ke idaha edidem Israel? Sin aran ke nduk fo yɔhɔ; ndien ka, nyedɔŋ fi utom ke ebiet Jesse eyen Bethlehem: koro mmokut edidem mi ke otu nditɔ-iren esie.

1 SAMUEL 16:4

Ndien Samuel anam se Jehovah ɔkɔhɔde, onyuŋ edi ke Bethlehem. Ndien mbiowo enyek idem ke ini enye ɔbiɔŋɔrede, ndien mmɔ ebup ete, Nte afo edi ke ufan?

1 SAMUEL 17:12

Ndien David edi eyen Ephrathite emi otode ke Bethlehem Judah, emi enyiŋ esie ekerede Jesse: ndien enye enyene nditɔ iren itiaita; enye oro onyuŋ asaŋa ke otu owo nte mbiowo ke eyo Saul.

1 SAMUEL 17:58

Ndien Saul obup enye, ete, Akparawa, afo edi eyen anie owo? Ndien David ɔbɔrɔ ete, Ami ndi eyen owo fo Jesse a-Bethlehem.

1 SAMUEL 20:6

Usɔ ama oyom mi, dɔhɔ ndien, ete, David ekebeŋe mi, ete nyak imɔ ifehe ika Bethlehem obio imɔ: koro ofuri oruk imɔ eyomde ndiwa uwa isua do.