LUKE 2:13 - Edisana ñwed Abasi Ibom

¹³ Ndien idaha oro udim mbon heaven edu ye angel oro; mmɔ enyuŋ etoro Abasi, ete,

LUKE 2:13 ပူးပေါင်းရင်းမြစ်များ

GENESIS 28:12

Ndien enye adaba ndap, ndien, se, udigukot eke adade ke isɔŋ, ibuot esie onyuŋ osim ke enyɔŋ; ndien, sese mme angel Abasi ke edɔk enyuŋ esuhɔre ke esit.

1 NDIDEM 22:19

Ndien enye ɔdɔhɔ ete, Kam kop ndien uyo Jehovah: ŋkokut Jehovah nte enye etiede ke ebekpo esie, kpukpru mme udim enyɔŋ enyuŋ ekpere enye eda ke nnasia ye ke ufien.

ŊWED JOB 38:7

Ke ini mme ntantafiɔŋ usen-ubɔk ekwɔde uyo kiet, kpukpru nditɔ Abasi enyuŋ esiode mkpo.

ŊWED MME PSALM 148:2

Mbufo, kpukpru angel esie, etoro enye; kpukpru mme udim esie etoro enye.

ŊWED MME PSALM 68:17

Mme chariot Abasi edi tɔsin edip, ye utɔŋɔ ntak tɔsin tɔsin:

EZEKIEL 3:12

Ndien spirit emenere mi ke enyɔŋ, ndien ŋkop uyom akwa mkpo ke edem mi, ete, Mbufo etoro ubɔŋ Jehovah emi otode ke ebiet esie.

DANIEL 7:10

Ikaŋ oto enye ke iso ewet nte akpa mmɔŋ: tɔsin tɔsin ke itie tɔsin enam ŋkpɔ enɔ enye; tɔsin duop ke itie tɔsin duop enyuŋ eda enye ke iso: enim ikpe, enyuŋ ekubɔre ŋwed.

LUKE 15:10

Ndɔhɔ mbufo nte, Kpasuk ntre ke idara odu ke iso mme angel Abasi abaŋa owo kiet emi akabarede esit.

LUKE 2:12

Emi onyuŋ edi idiɔŋɔ eke enɔde mbufo; mbufo eyekut nsek-eyen emi ewaŋde ke ɔfɔŋ nte anade ke ebiet usin-udia ufene.

LUKE 2:14

Uboŋ enyene Abasi ke ata enyɔŋ. Emem onyuŋ odu ke isɔŋ ke otu owo emi Enye enende iso ye mmɔ.

ŊWED MBON EPHESUS 3:10

Man oto do ke emi, ekpada ufɔk Abasi enam mme andikara ye mme enyene-odudu emi edude ke mme itie heaven efiɔk uwak-uwak ɔniɔŋ Abasi;

1ŊWED TIMOTHY 3:16

Owo ikemeke ndineni ete ido Abasi edi akwa ndibe-ŋkpɔ; Edi Enye emi akayararede Idem Esie ke obukidem; Ewut Enye nte edinen ke Spirit; Enye owut idem ɔnɔ mme angel; Ekwɔrɔ Enye ke otu mme idut, Ebuɔt idem ye Enye ke ererimbot. Emen Enye edɔk ke ubɔŋ.

MME HEBREW 1:14

Nte mmɔ kpukpru idige mme spirit emi esaŋade utom, emi esiode edɔŋ mmɔ ete, enam ŋkpɔ enɔ mmɔ emi edidade erinyaŋa enyene?

1 PETER 1:12

Ema enyuŋ eyarare ewut mmɔ ete, idige kabaŋa idem mmɔ, edi kabaŋa mbufo, ke mmɔ emen ikɔ oro etiŋ, kpa ikɔ oro ema etaŋa ke emi enɔ mbufo, ke inua mmɔ emi ekwɔrɔde gospel enɔ mbufo ke Edisana Spirit, emi ekɔdɔŋde oto ke heaven edi. Ɔdɔŋ mme angel ndinyuŋɔ ŋkpɔ emi mfiɔk.

ERIYARARE 5:11

Ndien ŋkut nnyuŋ ŋkop uyo ediwak angel, emi ekande ebekpo ye ŋkpɔ-uwem ye mbiowo ekuk; ibat mmɔ osim thousand duop ke itie thousand duop ye mme thousand ke itie thousand;