LUKE 19:46 - Edisana ñwed Abasi Ibom

⁴⁶ Ewet ete, Ufɔk Mi edidi ufɔk akam, edi mbufo emanam enye akabare edi itie mbon ŋwo.

LUKE 19:46 ပူးပေါင်းရင်းမြစ်များ

ŊWED MME PSALM 93:5

Mbet fo esɔŋɔ eda: eti ido odot ufɔk fo, O Jehovah, ke nsinsi-nsinsi.

ISAIAH 56:7

nyeda mmɔ ndi ke edisana obot mi, nnyuŋ nnam mmɔ edat esit ke ufɔk akam mi: ndifɔp uwa mmɔ ye mme uwa emem mmɔ eyedi ŋkpɔ inem ke itie-uwa mi; koro ufɔk mi eyekere, ete, Ufɔk akam kpukpru mme idut.

JEREMIAH 7:11

Nte mbufo ese ete ke ufɔk emi ekerede enyiŋ mi amakabare edi obube mbon-afai? Ami ŋko, sese, mma ŋkut enye. Ke edi Jehovah ɔdɔhɔ.

EZEKIEL 43:12

Emi edi ewuhɔ ufɔk emi; ke enyɔŋ akwa obot ofuri adaŋa esie emi akande okuk edi ata edisana, sese, emi edi ewuhɔ ufɔk emi.

HOSEA 12:7

Owo urua! nsu-nsu udomo ŋkpɔ edu enye ke ubɔk: enye amama owo ndituk.

MATTHEW 21:13

onyuŋ ɔdɔhɔ mmɔ ete, Ewet ete, ufɔk Mi eyekere ete, ufɔk akam, edi mbufo emanam enye akabare edi itie mbon-ŋwo.

MATTHEW 23:13

Edi eyedɔdiɔk ɔnɔ mbufo, mme scribe ye mme Pharisee, mbon mbubik! koro mbufo eberi Obio Ubɔŋ heaven ebaha owo: koro mbufo idukke ke idem mbufo, inyuŋ iyakke mmɔ emi eyomde ndiduk ebe eduk.

MARK 11:17

Ndien Enye ekpep onyuŋ ɔdɔhɔ mmɔ ete, Nte iwetke ite, ufɔk Mi eyekere ete, ufɔk akam kpukpru mme idut? Edi mbufo emanam enye akabare edi itie mbon-ŋwo.