LUKE 19:44 - Edisana ñwed Abasi Ibom

⁴⁴ eyenyuŋ esuhɔre fi enim ke isɔŋ, ye nditɔ fo emi eduŋde fi ke esit; ndien idikpɔŋke itiat kiet ke enyɔŋ itiat eken ke esit fo; koro afo mukɔdiɔŋɔke ini eke Abasi edide edise fi.

LUKE 19:44 ပူးပေါင်းရင်းမြစ်များ

ŊWED MME PSALM 137:9

Ɔfɔfɔn ɔnɔ owo eke edimumde nditɔ-ɔwɔŋ fo oyibi ke itiat.

ISAIAH 10:3

Ndien mbufo edinam nso ke usen ufen, ye ke ini eke nsobo otode ke anyan usuŋ edi? Mbufo edifeŋe etiene anie eyom uŋwam? Ndien ke ebiet ewe ke mbufo edinim ubɔŋ mbufo?

ISAIAH 29:3

Ndien nyenam nna-ekɔŋ ŋkan fi ŋkuk, nnyuŋ nda udim mfik fi, nnyuŋ mmenere ŋkpɔ uŋwana ekɔŋ ŋŋwana ye afo.

JEREMIAH 11:23

ndien baba owo kiet idisuhɔke inɔ mmɔ: koro nyeda idiɔk ntiene mbio-obio Anathoth, kpa isua ufen mmɔ.

ŊWED ESEME 1:8

Jerusalem amanam idiɔk eti-eti; mmɔdo enye akabarede edi edidehe: kpukpru mmɔ eke ekekponode enye ese enye ke ndek, koro mmɔ ekutde enye iferi: enye onyuŋ eseme, onyuŋ akabare afiak edem.

DANIEL 9:24

Edori urua ata ye duop ebaŋa oruk fo, ye edisana obio fo, eke edinamde ndudue okure, edinyuŋ emade idiɔk ido, enyuŋ esiode isop ukwaŋ-ŋkpɔ efep, eke enyuŋ edade nsinsi edinen iso eduk, enyuŋ enimde seal ke ŋkukut ye prophecy, enyuŋ eyetde Ata Edisana ke aran.

DANIEL 9:26

Ndien adaŋemi urua ata ye iba ekurede, eyesibe Messiah efep, edi ibaŋake idem esie; ndien ikɔt ɔbɔŋ emi edidide eyebiat obio ye edisana ebiet; ndien utit esie eyedi ke mmɔŋ ukwɔ; ndien ewuk ete nsobo odu tutu osim ke utit ekɔŋ.

MICAH 3:12

Mmɔdo eyefuŋ Zion nte iŋwaŋ ebaŋa mbufo, Jerusalem eyenyuŋ akabare edi ibombom ŋko, obot ufɔk emi eyenyuŋ akabare edi ŋkokoŋo ebiet akai.

MATTHEW 24:2

Edi Enye ɔbɔrɔ mmɔ ete, Nte mbufo ikwe kpukpru ŋkpɔ emi? Ke akpanikɔ ke ndɔhɔ mbufo, Idikpɔŋke itiat kiet ke enyɔŋ itiat efen eke mididorokere enye iduɔk.

MARK 13:2

Jesus ete enye, Nte omokut ikpɔ ufɔk emi? Idikpɔŋke itiat kiet ke enyɔŋ itiat efen eke mididorokere enye iduɔk.

LUKE 1:68

Itoro enyene Jehovah Abasi Israel; Koro Enye emedi ndise ikɔt Esie, onyuŋ afak mmɔ;

LUKE 1:78

Oto ke esit mbɔm Abasi nnyin, Emi esinde usiere oto ke enyɔŋ edisim nnyin,

LUKE 19:42

Afo ke idem fo akpakam ɔfiɔk ke usen emi mme ŋkpɔ eke ekpanamde fi odu ke emem! Edi ke emi mmɔ emedibe fi ke enyin.

LUKE 21:6

Enye ɔdɔhɔ mmɔ ete, Ama edi mme ŋkpɔ emi mbufo ekutde mi, mme usen eyedi eke midikpɔŋke itiat kiet ke enyɔŋ itiat efen, eke mididorokere enye iduɔk.

1 PETER 2:12

Ekama idem nte odotde ke iso mme Gentile, man ke nde eke mmɔ etiŋde ŋkpɔ ebiat mbufo ete edi mme anam-idiɔk, mmɔ ekpada nti ido mbufo, emi edikutde ke ini eke edide ndidomo mbufo nse, enɔ Abasi ubɔŋ.