LUKE 19:38 - Edisana ñwed Abasi Ibom

³⁸ Itoro enyene Edidem emi edide ke enyiŋ Jehovah: Emem odu ke heaven, ubɔŋ odu ke ata enyɔŋ.

LUKE 19:38 ပူးပေါင်းရင်းမြစ်များ

ZECHARIAH 9:9

O adiaha Zion, dat esit eti-eti; sio mkpo idara, O adiaha Jerusalem: sese, edidem fo eyedi ke ɔtɔ fo; enye enen, onyuŋ onim idem ke andinyaŋa; enye edi suŋ-suŋ, onyuŋ odoro ke ass, ye ke abak ass, eyen uman ass.

MATTHEW 2:2

Enye emi akamanade nte Edidem mme Jew odu mmɔŋ? koro nnyin ikokut ntantafiɔŋ Esie ke edem usiaha-utin, imonyuŋ idi ndituak ibuot nnɔ Enye.

MATTHEW 21:9

Mme otu owo emi ebemde Enye iso ye mmɔ emi etienede ke edem efiori ete, Hosanna enyene Eyen David; Itoro enyene Enye emi edide ke enyiŋ Jehovah; Hosanna ke ata enyɔŋ.

MATTHEW 25:34

Ekem Edidem eyedɔhɔ mmɔ emi edude ke ubɔk nnasia, ete, Edi, mbufo emi Ete Mi ɔdiɔŋde, edida ubɔŋ emi ekonimde enɔ mbufo toto ke eritɔŋɔ ererimbot.

MATTHEW 25:40

Ndien Edidem eyebɔrɔ mmɔ ete, Ke akpanikɔ ke ndɔhɔ mbufo, Adaŋa nte mbufo ekanamde ŋkpɔ emi enɔ kiet ke otu nditɔ-ete Mi, kpa ata ŋkpri emi, mbufo ekanam enɔ Mi.

LUKE 13:35

Sese, eyak ufɔk mbufo ekpɔŋ enɔ mbufo; edi ndɔhɔ mbufo nte, Mbufo idikwe Mi, tutu osim ini eke mbufo edidɔhɔde ete, Itoro enyene Enye emi edide ke enyiŋ Jehovah.

ŊWED MBON ROME 5:1

MMƆDO sia ema ekeda mbuɔtidem enam ikpe etebe nnyin, nnyin imenyene emem ye Abasi oto ke Ɔbɔŋ nnyin Jesus Christ.

ŊWED MBON EPHESUS 1:12

man nnyin, emi ikebemde iso idori enyin ke Christ, ikpakabare inɔ ubɔŋ Esie itoro.

ŊWED MBON EPHESUS 1:6

enem Enye esit ndinam emi, man ɔwɔrɔ itoro ɔnɔ ubɔŋ mfɔn Esie, emi Enye ɔkɔfɔnde ye nnyin ke Eyen Ima Esie.

ŊWED MBON EPHESUS 3:10

Man oto do ke emi, ekpada ufɔk Abasi enam mme andikara ye mme enyene-odudu emi edude ke mme itie heaven efiɔk uwak-uwak ɔniɔŋ Abasi;

ŊWED MBON EPHESUS 3:21

yak ubɔŋ enyene Enye ke ufɔk Abasi ye ke Christ Jesus, ke kpukpru emana ke nsinsi nsinsi. Amen.

ŊWED MBON COLOSSAE 1:20

nnyuŋ nnam kpukpru ŋkpɔ ekabare etie ke emem ye Abasi oto ke Enye (akada iyip cross Esie esin emem) nkɔm oto ke Enye, ye mmɔ edide ŋkpɔ eke edude ke isɔŋ, ye edide ŋkpɔ eke edude ke enyɔŋ.

1ŊWED TIMOTHY 1:17

Yak emen ukpono ye ubɔŋ enɔ Edidem emi akarade ke kpukpru eyo, emi mikemeke ndikpa, enyin minyuŋ ikemeke ndikut Enye, kpa Abasi kierakiet ke nsinsi-nsinsi. Amen.

1 PETER 1:12

Ema enyuŋ eyarare ewut mmɔ ete, idige kabaŋa idem mmɔ, edi kabaŋa mbufo, ke mmɔ emen ikɔ oro etiŋ, kpa ikɔ oro ema etaŋa ke emi enɔ mbufo, ke inua mmɔ emi ekwɔrɔde gospel enɔ mbufo ke Edisana Spirit, emi ekɔdɔŋde oto ke heaven edi. Ɔdɔŋ mme angel ndinyuŋɔ ŋkpɔ emi mfiɔk.