LUKE 19:12 - Edisana ñwed Abasi Ibom

¹² Ntre ke Enye ɔdɔhɔ ete, Ɔbɔŋ kiet akaka anyan idut, ndibɔ ubɔŋ nda mfiak nnyɔŋ.

LUKE 19:12 ပူးပေါင်းရင်းမြစ်များ

MATTHEW 21:38

Edi ke ini mme ekpeme-iŋwaŋ ekutde eyen oro mmɔ eneme ke otu idem mmɔ ete, Emi edi andidia-ufɔk; ekam eyak iwot enye, inyuŋ idia ŋkpɔ-akpa esie.

MATTHEW 28:18

Edi Jesus asaŋa ekpere mmɔ, onyuŋ ɔdɔhɔ mmɔ ete, Enɔ Mi ofuri odudu ke heaven ye ke isɔŋ.

MARK 12:1

EKEM Enye ɔtɔŋɔ ndimen ŋke ntiŋ ikɔ ye mmɔ ete,Owo kiet ɔkɔtɔ iŋwaŋ-vine, onyuŋ ɔbɔp ɔkɔ akan enye okuk, onyuŋ otibi obube unyimi-wine, onyuŋ ɔbɔp tower, onyuŋ ayak enye ɔnɔ mme ekpeme-iŋwaŋ, ndien adaha aka idut efen.

MARK 16:19

Ntre ndien ke Ɔbɔŋ Jesus ama eketiŋ ntem ɔnɔ mmɔ, emen Enye edɔk ke heaven, Enye onyuŋ ɔsuhɔre etie ke ubɔk nnasia Abasi.

LUKE 20:9

Edi Enye ɔtɔŋɔ nditop ŋke emi nnɔ mbio-obio ete, Owo kiet ɔkɔtɔ iŋwaŋ-vine, onyuŋ ayak enye ɔnɔ mme ekpeme-iŋwaŋ, onyuŋ adaha aka idut efen ekebigi do.

LUKE 24:51

Edikem, nte Enye ɔdiɔŋde mmɔ Enye adianare ye mmɔ, enyuŋ emen Enye edɔk eduk ke heaven.

JOHN 18:37

Ntem Pilate obup Enye ete, Nte Afo edi edidem naŋa? Jesus ɔbɔrɔ ete, Omotim etiŋ ete ndi Edidem. Nkamana kabaŋa ntak emi, ŋkonyuŋ nduk ke ererimbot kabaŋa ŋkpɔ emi, man ndi ntiense nnɔ akpanikɔ. Kpukpru mmɔ eke edide eke akpanikɔ, ekop uyo Mi.

UTOM MME APOSTLE 17:31

koro Enye omonim usen eke Enye edikpede ikpe ɔnɔ ererimbot ke edinen ido, ke ubɔk Owo emi Enye ekemekde; Enye onyuŋ ada erinam emi Enye anamde Owo oro eset ke mkpa ayarare owut kpukpru owo ete edidi ntem.

1 ŊWED CORINTH 15:25

Koro Enye enyene ndida ubɔŋ tutu Enye onuk kpukpru mme asua Esie ke idak ikpat.

MME HEBREW 9:28

kpa ntre ŋko Christ, ke ekewade Enye ini kiet ete obiom idiɔk ŋkpɔ ediwak owo, eyetɔŋɔ ntak ɔbiɔŋɔre; edi Enye ididige ndinyene mbubehe ye idiɔk-ŋkpɔ, edi edidi ndinyaŋa mmɔ emi etiede ebet Enye.

1 PETER 3:22

emi ama ɔnyɔŋ ke heaven eketie ke ubɔk nnasia Abasi, ke ema ekosuk mme angel ye mme andikara ye mme odudu esin ke idak Esie.

ERIYARARE 1:7

Sese, Enye ɔmɔŋ asaŋa ke obubit enyɔŋ edi; kpukpru enyin eyenyuŋ ekut Enye, ye mmɔ emi ekekimde Enye; ndien kpukpru mme idut isɔŋ eyeseme Enye. Yak edi ntre, Amen.