LUKE 18:9 - Edisana ñwed Abasi Ibom

⁹ Enye onyuŋ otop ŋke emi ɔnɔ ndusuk owo, emi eburede idem mmɔ efiɔk ete mimɔ idi ndinen owo, enyuŋ esinde mmɔ efen ke ndek:

LUKE 18:9 ပူးပေါင်းရင်းမြစ်များ

MME ŊKE 30:12

Emana odu eke ebatde idem-mmɔ ke edisana, edi iyetke ndek mmɔ ifep.

ISAIAH 65:5

Da do, kusaŋa ukpere mi, koro nsanade ŋkan fi. Mmɔ emi edi nsuŋikaŋ ke ibuo mi, ikaŋ eke asakde ke ofuri usen.

ISAIAH 66:5

Mbufo emi enyekde idem ke ikɔ esie, ekop ikɔ Jehovah: nditɔ-ete mbufo emi esuade mbufo, enyuŋ ebinde mbufo efep, ebaŋa enyiŋ mi, edɔhɔ ete, “Jehovah eyeda ukpono: nnyin iyenyuŋ ise idaresit mbufo;” ndien but eyenam mmɔ.

LEVITICUS 13:32

Ndien yak oku ese udɔŋɔ oro ke ɔyɔhɔ usen itiaba; ndien, sese, ikpɔk oro mitarake, uto-uto idet minyuŋ iduhe ke esit, onyuŋ ebiet nte ikpɔk oro mibuhɔke ke esit ikpɔhidem;

LUKE 10:29

Edi sia owo oro oyomde ndiwut ete imɔ imenen, enye obup Jesus ete, Anie edi mbɔhiduŋ mi naŋa?

LUKE 15:2

Ndien mme Pharisee ye mme scribe esuk uyo ete, Owo emi adadara mme idiɔk owo, onyuŋ adia ŋkpɔ ye mmɔ.

LUKE 16:15

Ndien Enye ɔdɔhɔ mmɔ ete, Mbufo edi mmɔ emi enamde owo ebat mbufo ke nti owo, edi Abasi ɔmɔfiɔk esit mbufo: koro se ikponde owo ke enyin edi mbubiam ke iso Abasi.

LUKE 18:11

Pharisee ada ɔbɔŋ akam ye idem esie, ete, Abasi, mmɔkɔm Fi, koro mmentiehe nte owo eŋwen, mbon nnama, mme anam ukwaŋido, mme esin-efibe, kpa ye nte publican emi.

LUKE 19:7

Edi ke ini mmɔ ekutde, kpukpru mmɔ esuk uyo ete, Enye aka akadaŋ ye owo emi edide idiɔk owo.

LUKE 7:39

Edi ke adaŋemi Pharisee oro okokotde Enye udia okutde ŋkpɔ emi, enye ɔdɔhɔ ke esit esie ete, Edieke owo emi ekpedide prophet, Enye ɔkpɔdiɔŋɔ ŋwan emi otukde Enye, okponyuŋ ɔfiɔk oruk ŋwan eke enye edide, ete enye edi anam-idiɔk-ŋkpɔ.

JOHN 8:48

Mme Jew ebɔrɔ Enye ete, Nte nnyin ineŋekere idɔhɔ ite Afo edi owo Samaria, idat onyuŋ anam Fi?

JOHN 9:28

Mmɔ esuŋi enye ete, Afo edi owo mbet Esie, edi nnyin idi mbet Moses.

JOHN 9:34

Mmɔ ebɔrɔ enye ete, Afo akamana ke idiɔk-ŋkpɔ ofuri-ofuri: nte afo ekpekpep nnyin ŋkpɔ ndien? Ntem ke mmɔ ebin enye eduɔk.

UTOM MME APOSTLE 22:21

Edi Enye ɔdɔhɔ mi ete, Daha: koro nyedɔŋ fi aka anyan usuŋ eketiene mme Gentile.

ŊWED MBON ROME 10:3

Koro sia mmɔ mifiɔkke edinen ido Abasi, enyuŋ eyomde ndinam edinen ido idem mmɔ ɔsɔŋɔ ada, mmɔ inyimeke ndisuk idem nnɔ edinen ido Abasi.

ŊWED MBON ROME 14:10

Nsinam ndien afo ekpede ikpe ɔnɔ eyen-ete fo? mme nsinam afo esede eyen-ete fo ke mbio? Koro kpukpru nnyin iyeda ke iso itie-ikpe Abasi.

ŊWED MBON ROME 14:3

Yak andidia okuse anditre ndidia ke mbio, anditre ndidia okunyuŋ ekpe ikpe ye andidia; koro Abasi ama adara enye.

ŊWED MBON ROME 7:9

Mma ndu uwem tutuko ke ini nnanade ibet: edi ke adaŋemi item edide, idiɔk-ŋkpɔ ɔwɔrɔ owut idem, ndien ami ŋkpa: mmonyuŋ ŋkut nte item,