LUKE 18:32 - Edisana ñwed Abasi Ibom

³² Koro eyeyak Enye enɔ mme Gentile eyeyuŋ esak Enye nsahi, enyuŋ enam Enye but, enyuŋ efiari Enye etap:

LUKE 18:32 ပူးပေါင်းရင်းမြစ်များ

ISAIAH 50:6

Ŋkayak edem mi nnɔ mmɔ eke eyibide, nyak mfuk mi nnɔ mmɔ eke ediberede idet: ndipke iso mi mfehe but ye etap.

ISAIAH 52:14

Kpa nte ediwak owo eyikde ebaŋa fi; iso esie abiara akan eke owo, uyai esie onyuŋ abiara akan eke nditɔ owo:

ISAIAH 53:3

Owo ese enye ke ndek, enyuŋ esin enye; enye edi owo ukut, onyuŋ emehe ke mfuhɔ; onyuŋ etie nte owo eke odipde nnyin iso; esin enye ke ndek, nnyin inyuŋ ibatke enye ke owo.

MICAH 5:1

SƆP idem, ndien, O adiaha udim: enye akan nnyin okuk: mmɔ eda eto eyibi ebier-ikpe Israel ke mbaŋ.

MATTHEW 16:21

Toto ke ini oro Jesus ɔtɔŋɔ ndiwut mbet Esie ete, Imɔ inyene ndika ke Jerusalem ŋkokut ediwak ukut ke ubɔk mbiowo ye ikpɔ oku ye mme scribe; mmɔ eyenyuŋ ewot Imɔ, ndien ke ɔyɔhɔ usen ita Abasi eyenam Imɔ iset.

MATTHEW 20:19

Ete iwot Enye, eyenyuŋ eyak Enye enɔ mme Gentile, ete esak Enye nsahi, enyuŋ emia enye, ewot ke cross: ndien Abasi eyenam Enye eset ke mkpa ke ɔyɔhɔ usen ita.

MATTHEW 22:6

ndien mmɔ emi esukde emum ikɔt esie, enam mmɔ ido esuene, enyuŋ ewot mmɔ.

MATTHEW 26:67

Ekem mmɔ etɔ Enye etap ke iso, enyuŋ etɔŋɔ Enye ita:

MATTHEW 27:2

ndien mmɔ ebɔp Enye ubɔk, eda Enye edaha ekayak enɔ Pilate andikara.

MARK 14:65

Ekem ndusuk mmɔ etɔŋɔ nditɔ Enye etap, ndinyuŋ mfuk iso Esie, nnyuŋ ntuai Enye, nnyuŋ ndɔhɔ Enye ete, Tiŋ nte prophet: mme asaŋutom enyuŋ ebɔ Enye ke ubɔk mmɔ oro ye ufia.

MARK 15:1

EKEM eyo ekesesiere, ikpɔ oku ye mbiowo ye mme scribe ye ofuri esop esobo ibuot, ebɔp Jesus, eda Enye edaha ekeyak enɔ Pilate.

LUKE 18:33

ndien ke ini ekemiade Enye ema, eyewot Enye: ndien ke ɔyɔhɔ usen ita Enye eyeset ke mkpa.

LUKE 23:1

EKEM mmɔ kpukpru edaha, eda Enye eka ke iso Pilate.

LUKE 23:11

Herod ye mbon-ekɔŋ esie enyuŋ esak Enye nsahi, enyuŋ ebiaŋa Enye; ndien esine Enye ɔfɔŋidem edidem, ɔnɔ Enye efiak esɔk Pilate.

LUKE 23:35

Mbio-obio edada ese. Mbɔŋ enyuŋ esak Enye nsahi ete, Akanyaŋa owo efen; yak Enye anyaŋa Idem Esie edieke Enye edide Christ Abasi, emi Abasi ekemekde.

JOHN 18:22

Ndien ke ini Enye ɔdɔhɔde ntem, asaŋutom kiet emi adade ŋkpet-ŋkpet, oyibi Jesus ufia, ete, Nte ɔbɔrɔ akwa oku ikɔ ntre?

JOHN 18:28

Ntem ke mmɔ eda Jesus ewɔrɔ ekpɔŋ Caiaphas, eka ke ufɔk andikara. Eyo ama esiere. Mmɔ ke idem mmɔ inyuŋ idukke ufɔk andikara mbak edisabare idem, ete idia passover.

JOHN 18:30

Mmɔ ɔbɔrɔ enye ete, Edieke owo emi mikpedige anam-idiɔk, nnyin ikpadaha Enye idisin fi ke ubɔk.

JOHN 18:32

man ikɔ nte Jesus eketiŋde owut oruk mkpa eke Enye edikpade osu.

JOHN 18:35

Pilate ɔbɔrɔ ete, Nte ndi Jew? Ikɔt Fo ye ikpɔ oku ekada Fi esin mi ke ubɔk: akanam nso?

UTOM MME APOSTLE 2:23

ke ɔkpɔsɔŋ uduak ye mbe-iso ifiɔk Abasi ke ekeda kpa Jesus emi eyak ke ubɔk mme anana-ibet, ekɔŋ ke cross ewot.

UTOM MME APOSTLE 3:13

Abasi Abraham ye eke Isaac ye eke Jacob, Abasi mme ete nnyin, amada ubɔŋ ɔnɔ Owo Esie Jesus; emi mbufo ekedade enɔ, enyuŋ ekaŋde ke iso Pilate, ke ini enye aduakde ndisana Enye nyak.