LUKE 18:14 - Edisana ñwed Abasi Ibom

¹⁴ Ndɔhɔ mbufo nte, owo emi ɔsuhɔre ɔnyɔŋ ufɔk enyene utebe-ikpe akan enye eken: koro kpukpru owo eke emenerede idem esie, ke eyesuhɔre enye enim; edi owo eke ɔsuhɔrede idem esie, ke eyemenere enye.

LUKE 18:14 ပူးပေါင်းရင်းမြစ်များ

ŊWED JOB 22:29

Ke ini emende owo eduɔk ke isɔŋ, afo eyedɔhɔ, ete, Emenere enim ke enyɔŋ: ndien eyenyaŋa owo eke ɔfuhɔde.

ŊWED JOB 25:4

Ndien owo anam didie enen ye Abasi?

ŊWED JOB 9:20

Ŋkpenen, inua mi ɔkpɔdɔhɔ ete, Ndɔdiɔk: ŋkpɔfɔn mma, enye akpanam ikpe otip mi.

ŊWED MME PSALM 138:6

Koro Jehovah okoŋde, ndien enye ese mbon nsukidem; edi etie nsan-nsan ɔdiɔŋɔ mbon iseri.

ŊWED MME PSALM 143:2

Kunyuŋ ukot owo fo ikpe: koro ikpe misanake baba andidu uwem kiet ke iso fo.

EXODUS 18:11

Ke emi mmɔfiɔk nte Jehovah okponde akan kpukpru mme abasi: kpa ke idem ŋkpɔ emi mmɔ ekeseride ye mmɔ.

MME ŊKE 15:33

Uteŋe Jehovah edi item mbufiɔk: nsukidem onyuŋ ebem ubɔŋ iso-

MME ŊKE 18:12

Esit owo okpon, ndien nsobo edi: edi nsukesit ebem ubɔŋ iso.

MME ŊKE 25:7

Koro ɔfɔnde nte edɔhɔde fi, ete, “Dɔk di ken,” akan nte esuhɔrede fi ke iso ɔbɔŋ emi enyin fo ekutde.

MME ŊKE 29:23

Iseri owo eyesuhɔre enye: edi nsukesit eyeda ukpono.

MME ŊKE 3:34

Ke ini enye asakde mbon nsahi, enye ɔfɔn ido ndien ye mme osuk-esit.

ECCLESIASTES 9:7

Ka kadia udia fo ke idaresit, nyuŋ ŋwɔŋ wine fo ke inemesit: koro utom fo ama enem Abasi esit ama.

ISAIAH 45:25

Ikpe eyesana ofuri ubon Israel, mmɔ eyenyuŋ ebure ke Jehovah.

ISAIAH 53:11

Enye eyekut se itode ke ukut ukpɔŋ eise ɔyuhɔ: edinen owo mi eyeda ifiɔk esie anam ikɔ asana ediwak owo; eyenyuŋ obiom mme idiɔk ido mmɔ.

ISAIAH 57:15

Koro emi edi uyo Enye emi okoŋde, onyuŋ emenerede ke enyɔŋ, emi oduŋde ke nsinsi, enyiŋ esie onyuŋ edi edisana, ete, Ami nyeduŋ ke edikoŋ ye edisana ebiet, nyenyuŋ nduŋ ye enye emi otukde onyuŋ ɔsuhɔrede spirit esiemɔ, nte ndemere spirit mmɔ eke esuhɔrede idem mmɔ enim, nnyuŋ ndemere esit mmɔ eke etukde idem mmɔ.

ISAIAH 66:2

Ndien Jehovah ɔdɔhɔ, ete, Ubɔk mi akanam kpukpru ŋkpɔ, ndien kpukpru mmɔ emi edu: ndien nyewuk enyin nse owo emi, kpa eyen ukut, emi esit onyuŋ ɔtuhɔde, emi onyuŋ enyekde abaŋa ikɔ mi.

DANIEL 4:37

Ke emi ami Nebuchadnezzar ŋkɔm nnyuŋ ntoro nnyuŋ ŋkpono Edidem enyɔŋ, emi kpukpru se enye anamde edide akpanikɔ; mme usuŋ esie enyuŋ edi ikpe: ndien enye emekeme ndisuhɔre mmɔ eke esaŋade ke iseri.

HABAKKUK 2:4

Sese, owo ntaŋidem! ukpɔŋ esie inenke enye ke idem: ndien edinen owo eyedu uwem ke mbuɔtidem esie.

MATTHEW 23:12

Edi owo ekededi eke edimenerede idem, eyesuhɔre enye enim; edi owo ekededi eke edisuhɔrede idem, eyemenere enye.

MATTHEW 5:3

Ɔfɔfɔn ɔnɔ mmɔ eke ebuenede ke spirit: koro Obio Ubɔŋ Heaven enyene mmɔ.

LUKE 1:52

Enye ekemen mbɔŋ efep ke ebekpo mmɔ, Onyuŋ ofori mmɔ emi ekpride.

LUKE 10:29

Edi sia owo oro oyomde ndiwut ete imɔ imenen, enye obup Jesus ete, Anie edi mbɔhiduŋ mi naŋa?

LUKE 14:11

Koro kpukpru owo eke emenerede idem esie, eyesuhɔre enye enim; ndien owo eke ɔsuhɔrede idem esie, eyemenere enye.

LUKE 16:15

Ndien Enye ɔdɔhɔ mmɔ ete, Mbufo edi mmɔ emi enamde owo ebat mbufo ke nti owo, edi Abasi ɔmɔfiɔk esit mbufo: koro se ikponde owo ke enyin edi mbubiam ke iso Abasi.

ŊWED MBON ROME 3:20

koro ikpe iditebeke baba owo kiet ke iso Esie kabaŋa erinam utom ibet, koro ifiɔk idiɔk-ŋkpɔ otode ke ibet.

ŊWED MBON ROME 4:5

Edi ye owo eke minamke utom, edi ɔbuɔtde idem ye Enye emi anamde ikpe etebe mme idiɔk owo, ebat mbuɔtidem esie ke edinen ido.

ŊWED MBON ROME 5:1

MMƆDO sia ema ekeda mbuɔtidem enam ikpe etebe nnyin, nnyin imenyene emem ye Abasi oto ke Ɔbɔŋ nnyin Jesus Christ.

ŊWED MBON ROME 8:33

Anie edidori ndimek ikɔt Abasi ikɔ?

ŊWED MBON GALATIA 2:16

ifiɔkde ite inɔŋɔ owo utebe-ikpe ke ntak erinam utom ibet, edi ke ntak mbuɔtidem eke enye enyenede ke Christ Jesus ikpɔŋ-ikpɔŋ, kpa nnyin ŋko ikɔbuɔt idem ye Christ Jesus, man ikpe ekpetebe nnyin ke ntak mbuɔtidem nnyin ye Christ, idige ke ntak erinam utom ibet; koro baba owo kiet midikwe utebe-ikpe ke ntak erinam utom ibet.

JAMES 4:10

Esuhɔre idem ke iso Ɔbɔŋ, ndien Enye eyemen mbufo onim ke enyɔŋ.

JAMES 4:6

Edi Enye ɔnɔ mfɔn awak akan. Mmɔdo ewetde ete, Abasi ɔbiɔŋɔ mbon iseri, edi ɔnɔ mbon nsuhɔre-idem mfɔn.

1 SAMUEL 1:18

Ndien enye (ŋwan) ɔdɔhɔ ete, Nen iso ye eyen fo aŋwan. Ntre ke ŋwan oro ɔnyɔŋ esiemɔ, onyuŋ adia ŋkpɔ, ndien iso ifuhɔke aba enye.