LUKE 18:11 - Edisana ñwed Abasi Ibom

¹¹ Pharisee ada ɔbɔŋ akam ye idem esie, ete, Abasi, mmɔkɔm Fi, koro mmentiehe nte owo eŋwen, mbon nnama, mme anam ukwaŋido, mme esin-efibe, kpa ye nte publican emi.

LUKE 18:11 ပူးပေါင်းရင်းမြစ်များ

ŊWED MME PSALM 134:1

SESE, mbufo kpukpru ikɔt Jehovah, emi edade ke ufɔk Jehovah ke okoneyo, etoro Jehovah.

ŊWED MME PSALM 135:2

emi edade ke ufɔk Jehovah, ke okure ufɔk Abasi nnyin.

MME ŊKE 20:6

Ediwak owo ke idem mmɔ ekwɔrɔ mfɔnido mmɔ: edi anie edikut owo akpanikɔ?

MME ŊKE 30:12

Emana odu eke ebatde idem-mmɔ ke edisana, edi iyetke ndek mmɔ ifep.

ISAIAH 1:15

Ndien ke ini mbufo emenerede ubɔk mbufo, ndip mbufo enyin mi: ndien ŋko ke ini mbufo ewakde ndibɔŋ akam, ami ŋkopke: iyip ɔmɔyɔhɔ mbufo ke ubɔk.

ISAIAH 58:2

Ndien mmɔ eyeyom mi kpukpru usen, ifiɔk usuŋ mi eyenyuŋ enem mmɔ esit, nte idut eke anamde edinen ido, minyuŋ ikpɔŋke ikpe Abasi mmɔ. Mmɔ eyebeŋe mi mme ikpe eke enende: eritiene Abasi eyenem mmɔ esit.

ISAIAH 65:5

Da do, kusaŋa ukpere mi, koro nsanade ŋkan fi. Mmɔ emi edi nsuŋikaŋ ke ibuo mi, ikaŋ eke asakde ke ofuri usen.

JEREMIAH 2:28

Ndien mme abasi fo oro afo akanamde ɔnɔ idem fo edu mmɔŋ? Yak mmɔ edaha ke enyɔŋ, edieke mmɔ edikemede ndinyaŋa fi ke ini ukut fo: koro mme abasi fo ekemde ibat mme obio fo, O Judah.

JEREMIAH 2:35

Ndien afo ɔdɔhɔ, ete, Koro mmennyeneke se nduede, ŋkɔm enye eyemen mi iyaresit esie ke idem efep. Sese, ami nyekpe ikpe ye afo: koro afo ɔdɔhɔde, ete, nnamke idiɔk.

EZEKIEL 33:31

ndien mmɔ edi ke ɔtɔ fo, kpa nte mbio-obio edide, enyuŋ etie ke iso fo, kpa nte ikɔt mi etiede, mmɔ enyuŋ ekop ikɔ fo; edi inamke mmɔ: koro mmɔ enamde nte mbon-ima ke mkpɔk-inua mmɔ, edi esit mmɔ ebine udori mmɔ.

MICAH 3:11

Mme etubom esie ebiere ikɔ ke okuk, mme oku esie enyuŋ eteme owo ke inyene, mme prophet esie enyuŋ ebre mfa ke silver: ndien mmɔ ebere edem ye Jehovah, ete, Nte Jehovah iduhe ke otu nnyin? Idiɔk-ŋkpɔ idisimke nnyin.

MATTHEW 10:3

Philip ye Bartholomew; Thomas ye Matthew emi edide publican; James eyen Alphaeus ye Thaddaues;

MATTHEW 5:20

Koro ndɔhɔ mbufo nte Edieke edinen ido mbufo mikanke eke mme scribe ye mme Pharisee, mbufo ididukke ke Obio Ubɔŋ heaven.

MATTHEW 6:5

Ke ini mbufo enyuŋ ebɔŋde akam, ekubiet mbon mbubik: koro mmɔ ema ndida ke mme synagogue ye ke mme inuk efak mbɔŋ akam, ete iwut owo idem. Ke akpanikɔ ke ndɔhɔ mbufo, Mmɔ ema ebɔ utip mmɔ.

MARK 11:25

Ndien ini ekededi eke mbufo edade ebɔŋ akam, edieke mbufo enyenede ikɔ ye owo, edahado enɔ enye;

LUKE 20:47

mmɔ emi ediade ufɔk mme ebe-akpa, enyuŋ ebɔŋde nyan akam ke mbubik: mmɔ eyebɔ ubiom-ikpe emi okponde akan.

LUKE 22:41

Ndien Enye esehere ɔkpɔŋ mmɔ adaŋa nte ubɔk iyurɔ kiet; onyuŋ ɔtɔŋɔ edɔŋ ɔbɔŋ akam ete,

ŊWED MBON GALATIA 3:10

Koro kpukpru mmɔ eke erinam utom ibet edu ke idak isuŋi: koro ewetde ete, Ɔdɔdiɔk ɔnɔ kpukpru owo emi miyireke ke kpukpru mme item eke ewetde ke ŋwed ibet, ite inim mmɔ.

ŊWED MBON PHILIPPI 3:6

ke ikɔ ibet, ndi Pharisee; ke ikɔ ifiopesit, mma ŋkɔbɔ ufɔk Abasi; ke ikɔ eti ido eke otode ke erinim ibet, owo ikwe ŋkpɔ ndibiom ke idem mi.

ERIYARARE 3:17

Koro ɔdɔhɔde ete, Mmenyene inyene, mmonyuŋ ŋkɔ inyene, nnyuŋ nnanake ŋkpɔ; ndien udiɔŋɔke ete idi ata nditaha owo, emi enyenede mbɔm, inyuŋ ibuene, inyuŋ idɔŋɔ nnan, inyuŋ inana edisine-ŋkpɔ;