LUKE 17:3 - Edisana ñwed Abasi Ibom

³ Etim ekpeme idem mbufo; edieke eyen-ete fo eduede fi, sua nɔ enye; ndien edieke enye atuade mkpɔfiɔk dahado nɔ enye.

LUKE 17:3 ပူးပေါင်းရင်းမြစ်များ

ŊWED MME PSALM 141:5

Yak owo eti ido amia mi ke ima, onyuŋ asua ɔnɔ mi: aran ibuot ke ibuot mi idisinke, koro osuk edide: ndien nyebɔŋ akam mbaŋa mme idiɔk ŋkpɔ mmɔ.

EXODUS 34:12

Kpeme idem fo, mbak edidiomi ediomi ye mme andiduŋ edem emi afo akade do, mbak enye edikabare edi afia ke ufɔt fo.

MME ŊKE 17:10

Nduari oduk asian ke idem, akan ubɔk ikpa ikie eke emiŋade owo ndisime.

MME ŊKE 27:5

Atatai nduari ɔfɔn akan ndibe ima.

MME ŊKE 9:8

Kusua unɔ asak-nsahi, mbak edisua fi: sua nɔ owo eti ibuot, ndien enye eyema fi.

LEVITICUS 19:17

Kusua eyen usɔ ke esit fo; edi kutre ndisua nɔ mbɔhiduŋ fo, mbak afo edidue isop abaŋa enye.

MATTHEW 18:21

Ekem Peter edi edidɔhɔ Enye ete, Ɔbɔŋ, ikafaŋ ke eyen-ete mi edidue mi, ndien ndahado nnɔ enye?

LUKE 21:34

Edi ekpeme idem mbufo, mbak uyuhɔ udia ye mmin ye ekikere uwem emi edinam esit mbufo odobi, ndien usen oro edibuat mbufo nte ekpɔ;

ŊWED MBON EPHESUS 5:15

Mmɔdo etiŋ enyin ekpeme nte esaŋade: ekusaŋa nte ndisime, edi esaŋa nte mbon eti ibuot.

DEUTERONOMY 4:15

Mbufo etim ndien ekpeme idem mbufo eti-eti: koro mbufo mikekwe baba mbiet ŋkpɔ kiet ke usen oro Jehovah eketiede ke ufɔt ikaŋ oro ɔdɔhɔ ye mbufo ke Horeb:

DEUTERONOMY 4:23

Mbufo ekpeme idem, mbak edifre ediomi Jehovah Abasi mbufo, emi enye okodiomide ye mbufo, ndien eka ekenam edisɔi mbiet ŋkpɔ ekededi ke idem mbufo, emi Jehovah Abasi fo akpande fi.

DEUTERONOMY 4:9

Edi kpeme idem fo, nyuŋ tim kpeme ukpɔŋ fo, man afo okufre ŋkpɔ emi enyin fo ekekutde, man mmɔ ekunyuŋ ewɔrɔ ke esit fo, ofuri ini uwem fo: ndien da mmɔ kpep nditɔ fo, ye nditɔ nditɔ fo:

MME HEBREW 12:15

Etim ese mbak owo ekededi editaba mfɔn Abasi; mbak oruŋ eke edide ndot-ndot editibe otimere mbufo, onyuŋ asabare ediwak owo ke otu mbufo;

JAMES 5:19

Nditɔ-ete mi, edieke owo mbufo ekededi oyode ɔkpɔŋ akpanikɔ, ndien owo efen akabarede enye; efiɔk ete,

2 JOHN 1:8

Ekpeme idem mbak mbufo edibiat se nnyin ikanamde utom ibaŋa enye, edi man ekpɔbɔ utip ɔyɔhɔ-ɔyɔhɔ.