LUKE 16:22 - Edisana ñwed Abasi Ibom

²² Ekem ebeŋe-ebeŋe oro akpa, ndien mme angel emen enye ekonim ke ikpanesit Abraham. Owo inyene oro onyuŋ akpa ŋko, ndien ebuk enye.

LUKE 16:22 ပူးပေါင်းရင်းမြစ်များ

ŊWED JOB 21:13

Edia eyo mmɔ ke mfɔniso, ndien ke idaha kiet mmɔ esuhɔre ke udi.

MME ŊKE 14:32

Idiɔk ido idiɔk owo onuk enye efep: edi eti owo enyene mbuɔtidem ke mkpa esie.

ECCLESIASTES 8:10

Ndien ke ini ŋkpɔ etiede ntre, nnyuŋ ŋkut nte mme idiɔk owo ebuhɔde, ndien edi, enyuŋ edaŋa ke edisana ebiet; ndien edifre mmɔ ke obio eke mmɔ ekenamde ntre. Emi onyuŋ edi ikpikpu.

ISAIAH 14:18

Kpukpru ndidem mme idut, kpukpru mmɔ, ena ke ubɔŋ, kiet kiet ke ufɔk mmɔ:

ISAIAH 22:16

Afo enyene nso mi? onyuŋ enyene anie mi, eke esinde fi otibi udi ɔnɔ idem fo mi? Enye otibi udi esiemɔ ke enyɔŋ, otuŋ iduŋ ke itiat ɔnɔ idem esie.

MATTHEW 18:10

Etiŋ enyin ekusin kiet ke otu ŋkpri nditɔwɔŋ emi ke ndek: koro ndɔhɔ mbufo nte, mme angel mmɔ ke heaven esuk ekut iso Ete Mi emi odude ke Heaven

MATTHEW 24:31

Ndien Enye eyesio mme angel Esie ɔdɔŋ ye akwa uyom ukorowo, mmɔ eyenyuŋ etaŋ ndimek ikɔt Esie ke ikpehe ofim mbinaŋ ebon ɔtɔ kiet, ɔtɔŋɔde ke utit heaven kiet tutu osim eken.

MATTHEW 8:11

Edi ndɔhɔ mbufo nte, Ediwak owo eyeto ke edem usiaha-utin ye edem usop-utin, edisuhɔre etetie ye Abraham, ye Isaac, ye Jacob, ke Obio Ubɔŋ Heaven:

MARK 8:36

Koro edidori owo nso edieke enye adiade ɔfuri ererimbot, ndien ada uwem esie osio isop?

LUKE 12:20

Edi Abasi ɔdɔhɔ enye ete, Afo anana ibuot, eye-kpak ukpɔŋ fo ke ubɔk fo ke okoneyo emi; ndien anie edidia ŋkpɔ eke ɔkɔkɔde onim?

LUKE 16:21

enye onyuŋ oyom eda mbubek udia eke eduɔŋɔde ke okpokoro owo inyene oro ebɔk enye; edi kpa mme ebua esidedi edidei inia esie.

JOHN 1:18

Akanam baba owo kiet ikwe Abasi; ikpoŋ-ikpɔŋ Eyen emi Abasi obonde, emi odude ke ikpanesit Ete, kpa Enye amayarare Abasi.

JOHN 13:23

Mbet kiet emi Jesus amade odu ke okpokoro, etie ebere Jesus ke ikpanesit.

JOHN 21:20

Peter ɔwɔŋɔre, okut mbet emi Jesus amade nte asaŋade etiene mmɔ, kpa mbet oro ekebeherede ana ke ikpanesit Jesus ke itie-udia okonyuŋ obupde ete, Ɔbɔŋ, anie edida Fi ɔnɔ?

MME HEBREW 1:14

Nte mmɔ kpukpru idige mme spirit emi esaŋade utom, emi esiode edɔŋ mmɔ ete, enam ŋkpɔ enɔ mmɔ emi edidade erinyaŋa enyene?

MME HEBREW 2:14

Sia nditɔ ebuanade ndien ke iyip ye obuk, Jesus ke Idem Esie ŋko etiene ada iyip ye obuk kpa ntre; man Enye akpasaŋa ke mkpa osobo enye emi akamade odudu mkpa,

JAMES 1:11

Koro utin asiahade asaŋa ye ufiop-ufiop ofim ɔfɔp mbiet; ndien ndiye ikɔŋ esie ekibe eduɔŋɔ, uyai mmɔ onyuŋ abiara: ntre ke owo inyene edinyuŋ eyemere ke mbubine esie.

1 PETER 2:24

Enye ke Idem Esie obiom mme idiɔk-ŋkpɔ nnyin ke ikpɔhidem Esie ke eto, man nnyin ikpakpa ikpɔŋ idiɔk-ŋkpɔ, inyuŋ idu uwem inɔ edinen ido.

ERIYARARE 14:13

Ekem ŋkop uyo emi otode ke heaven ɔdɔhɔ ete, Wet ete, Ɔfɔfɔn ɔnɔ mme akpa-mkpa emi ekpade ke Ɔbɔŋ, ɔtɔŋɔde ke ini emi: Spirit ete, Edi ntre; man mmɔ eduɔk odudu ke ɔkpɔsɔŋ utom mmɔ; koro se mmɔ ekenamde etiene mmɔ ke edem.