LUKE 16:2 - Edisana ñwed Abasi Ibom

² Ntre ke enye okot owo oro onyuŋ ɔdɔhɔ enye ete, Nso idi emi ke ŋkop mbaŋa fi? nɔ mi ibat ŋkpɔ eke afo akamade, koro mudukaha iso aba ndikama ukpɔhɔre.

LUKE 16:2 ပူးပေါင်းရင်းမြစ်များ

ECCLESIASTES 12:14

Koro Abasi eyekot kpukpru ŋkpɔ emi enamde edi ikpe, ɔkɔrɔ ke kpukpru ndibe-ndibe ŋkpɔ, edide eti, eyuŋ edide mme idiɔk.

MATTHEW 12:36

Mmonyuŋ ndɔhɔ mbufo nte, Ke usen ikpe mme owo eyenɔ mbuk ebaŋa kpukpru ikpikpu ikɔ eke mmɔ etiŋde.

MATTHEW 20:8

Enye ete mmɔ, Mbufo nde eduk ke iŋwaŋ-vine. Ekem ke ini osimde mbubreyo, enyene-iŋwaŋ-vine ɔdɔhɔ akama-ukpɔhɔre esie ete, Kot mbon-utom edi, nyuŋ nɔ mmɔ okuk mmɔ, ɔtɔŋɔde ke ekperedem osim ebe-iso.

LUKE 12:20

Edi Abasi ɔdɔhɔ enye ete, Afo anana ibuot, eye-kpak ukpɔŋ fo ke ubɔk fo ke okoneyo emi; ndien anie edidia ŋkpɔ eke ɔkɔkɔde onim?

LUKE 12:42

Ndien Ɔbɔŋ ɔdɔhɔ ete, Anie ndien edi akama-ukpɔhɔre, emi anamde akpanikɔ onyuŋ edide ɔniɔŋ, emi ete-ufɔk esie edinimde enye nte andikara kpukpru mbon ufɔk esie, man enye edeme udia ɔnɔ mmɔ ke edikem ini?

LUKE 16:1

ENYE ɔdɔhɔ mbet Esie ŋko ete, Owo inyene kiet okodu emi enyenede akama-ukpɔhɔre; ndien etiŋ enɔ enye ete, akama-ukpɔhɔre oro ke asuan inyene esie.

LUKE 16:3

Ekem akama-ukpɔhɔre ɔdɔhɔ ke esit esie ete, Ndinam didie, koro ete ɔbɔde mi itie-akama-ukpɔhɔre? nnyeneke idem ndifuŋ isɔŋ; ndibeŋe ebeŋe edi mi ŋkpɔ but.

ŊWED MBON ROME 14:12

Mmɔdo ndien kpukpru nnyin kiet kiet iyebuk mbuk ibaŋa idem nnyin inɔ Abasi.

1 ŊWED CORINTH 1:11

Koro mbon ufɔk Chloe ema esian mi ebaŋa mbufo, nditɔ-ete mi, ete utɔk ke odu ke otu mbufo.

1 ŊWED CORINTH 4:2

Ŋkɔm owo eyom ete mme akama-ukpɔhɔre edi mme anam-akpanikɔ.

1 ŊWED CORINTH 4:5

Andidomo mi edi Ɔbɔŋ. Mmɔdo ekuben ini iso ebiere ikɔ, tutu Ɔbɔŋ edi: Enye eyeda se idibede ke ekim ɔwɔrɔ edi ke uŋwana, onyuŋ ayarare uduak eke esinede owo ke esit. Adaŋoro ndien ke kpukpru owo kiet kiet edibɔ itoro ke ubɔk Abasi.

2 ŊWED CORINTH 5:10

Koro kpukpru nnyin inyene ndiwɔrɔ nyarare ke iso itie-ikpe Christ; man owo kiet kiet ɔbɔ utip eke ekemde ye se enye akanamde ke ikpɔhidem, ye ŋkpɔ oro edide eti, ye onyuŋ edide idiɔk.

1ŊWED TIMOTHY 4:14

Kuyak enɔ eke esinde fi ke idem uduɔk, emi ekadade prophecy ye udori-ubɔk presbytery enɔ fi.

1ŊWED TIMOTHY 5:24

Idiɔk-ŋkpɔ ndusuk owo eyarare, ebem iso ewɔrɔ ubiere-ikpe; edi idiɔk-ŋkpɔ ke etiene ndusuk owo ke edem.

1 PETER 4:10

Adaŋa nte mbufo kiet kiet ema ekebɔ enɔ ke ubɔk Abasi, eda enam ŋkpɔ enɔ kiet eken nte nti mme akama-ukpɔhɔre nsio-nsio ufɔn Abasi.

1 PETER 4:5

Edi mmɔ eyenyene ndibɔrɔ mbaŋa ŋkpɔ emi nnɔ Enye emi etiede ebet ndikpe mme odu uwem ye mme akpa-mkpa.

ERIYARARE 20:12

Ndien ŋkut mme akpa-mkpa, ikpɔ ye ŋkpri, nte edade ke iso ebekpo. Ndien ekibɔre mme ŋwed; enyuŋ ekibɔre mme ŋwed mme ŋwed eŋwen, emi edide ŋwed uwem; enyuŋ eda se ewetde esin ke ŋwed oro ekpe ikpe mme akpa-mkpa, nte ekemde ye se mmɔ ekenamde.