LUKE 16:15 - Edisana ñwed Abasi Ibom

¹⁵ Ndien Enye ɔdɔhɔ mmɔ ete, Mbufo edi mmɔ emi enamde owo ebat mbufo ke nti owo, edi Abasi ɔmɔfiɔk esit mbufo: koro se ikponde owo ke enyin edi mbubiam ke iso Abasi.

LUKE 16:15 ပူးပေါင်းရင်းမြစ်များ

1 CHRONICLES 29:17

Mmonyuŋ mfiɔk, O Abasi mi, nte afo odomode esit, onyuŋ amade mmɔ eke enende. Ami ŋkatat ubɔk mi nnɔ kpukpru ŋkpɔ emi ke edinen esit: ndien ke emi ke ndat esit ndikut ikɔt fo emi edude mi, nte etatde ubɔk enɔ fi,

2 CHRONICLES 6:30

afo tie ndien ke enyɔŋ, ke ebiet-iduŋ fo, kop, nyuŋ dahado, nyuŋ nɔ owo kpa nte ekemde ye kpukpru ido enye emi afo ɔfiɔkde esit esie: (koro afo ikpɔŋ-ikpɔŋ ɔfiɔkde esit nditɔ Adam:)

ŊWED MME PSALM 10:3

Koro idiɔk owo oburede ke udɔŋ ukpɔŋ esie; onyuŋ otoro uŋwo,

ŊWED MME PSALM 49:13

Emi edi usuŋ mmɔ; ndisime anam mmɔ: ndien ubon mmɔ emi etienede mmɔ edem eyema uyo mmɔ. [Selah.]

ŊWED MME PSALM 49:18

Koro enye eyediɔŋ ukpɔŋ esie ke uwem esie: ndien owo eyetoro fi, koro afo ɔfɔnde ido ye idem fo.

ŊWED MME PSALM 7:9

Mbɔk, nam idiɔk ido mme idiɔk owo etre, nyuŋ nam edinen owo ɔsɔŋ ada: afo, edinen Abasi, onyuŋ odomo esit ye ekput.

MME ŊKE 16:5

Jehovah abat kpukpru okpon-esit ke mbubiam: ubɔk okposuk adadiana ye ubɔk enye idibɔhɔke.

MME ŊKE 20:6

Ediwak owo ke idem mmɔ ekwɔrɔ mfɔnido mmɔ: edi anie edikut owo akpanikɔ?

MME ŊKE 21:2

Kpukpru usuŋ owo enen ke enyin owo: edi Jehovah odomo esit.

JEREMIAH 17:10

Ami Jehovah nduŋɔre esit, ndomo ŋkpɔ esit idem, man nnɔ kpukpru owo nte ekemde ke usuŋ mmɔ, ye nte ekemde ke mfri utom mmɔ.

MALACHI 3:15

Ndien ke emi nnyin ibat ite ke ɔfɔn ye mbon iseri; enyuŋ efori mme anam-idiɔk ŋko; mmɔ enyuŋ edomo Abasi ŋko, ndien ebɔhɔ.

MATTHEW 23:5

Edi mmɔ enam kpukpru mme utom mmɔ man owo ekut: koro mmɔ enam mme phylactery mmɔ eŋwaŋa, enyuŋ enam nyeriye ɔfɔŋ-idem mmɔ ekpon,

MATTHEW 6:16

Edi ke ini mbufo etrede udia, ekunim iso mfuhɔ-mfuhɔ, nte mbio mbubik enamde; koro mmɔ ekpuhɔre iso mmɔ, man owo ekut ete mmɔ ke etre udia. Ke akpanikɔ ke ndɔhɔ mbufo, Mmɔ ema ebɔ utip mmɔ.

MATTHEW 6:2

Mmɔdo ke ini ɔnɔde eyen ubuene ŋkpɔ, kutaŋ ese, nte mbio mbubik enamde ke mme synagogue ye mme efak, ete owo ekpono mme imɔ. Ke akpanikɔ ke ndɔhɔ mbufo, Mmɔ ema ebɔ utip mmɔ.

MATTHEW 6:5

Ke ini mbufo enyuŋ ebɔŋde akam, ekubiet mbon mbubik: koro mmɔ ema ndida ke mme synagogue ye ke mme inuk efak mbɔŋ akam, ete iwut owo idem. Ke akpanikɔ ke ndɔhɔ mbufo, Mmɔ ema ebɔ utip mmɔ.

LUKE 10:29

Edi sia owo oro oyomde ndiwut ete imɔ imenen, enye obup Jesus ete, Anie edi mbɔhiduŋ mi naŋa?

LUKE 11:39

Edi Ɔbɔŋ ɔdɔhɔ enye ete, Ke emi ke mbufo mme Pharisee enanam edem cup ye usan asana; edi esit mbufo ɔyɔhɔ ye ŋwo ye udu.

LUKE 18:11

Pharisee ada ɔbɔŋ akam ye idem esie, ete, Abasi, mmɔkɔm Fi, koro mmentiehe nte owo eŋwen, mbon nnama, mme anam ukwaŋido, mme esin-efibe, kpa ye nte publican emi.

LUKE 18:14

Ndɔhɔ mbufo nte, owo emi ɔsuhɔre ɔnyɔŋ ufɔk enyene utebe-ikpe akan enye eken: koro kpukpru owo eke emenerede idem esie, ke eyesuhɔre enye enim; edi owo eke ɔsuhɔrede idem esie, ke eyemenere enye.

LUKE 18:21

Ɔbɔŋ oro ɔdɔhɔ ete, Mma nnonim kpukpru emi toto ke uyen mi.

LUKE 18:9

Enye onyuŋ otop ŋke emi ɔnɔ ndusuk owo, emi eburede idem mmɔ efiɔk ete mimɔ idi ndinen owo, enyuŋ esinde mmɔ efen ke ndek:

LUKE 20:20

Ekem mmɔ etiŋ enyin ekpeme Enye, enyuŋ edɔŋ mbon-uyep, emi ewutde idem ete idi ndinen owo, man mmɔ emum Enye ikɔ inua, man oto do eyak Enye esin ke ubɔk andikara ndikpe ikpe ye Enye.

LUKE 20:47

mmɔ emi ediade ufɔk mme ebe-akpa, enyuŋ ebɔŋde nyan akam ke mbubik: mmɔ eyebɔ ubiom-ikpe emi okponde akan.

JOHN 2:25

koro Enye ɔfiɔkde kpukpru owo, minyuŋ iyomke baba owo kiet etiŋ ɔnɔ Enye abaŋa owo; koro Enye ke Idem Esie ɔfiɔkde se idude owo ke esit.

JOHN 21:17

Jesus obup enye ɔyɔhɔ utim ikata, ete, Simon eyen John nte amama Mi? Peter ɔfuhɔ, koro Enye obupde ɔyɔhɔ ikata, ete, Nte amama Mi? Enye onyuŋ ɔdɔhɔ Jesus ete, Ɔbɔŋ, ɔmɔfiɔk kpukpru ŋkpɔ; Afo ɔmɔfiɔk ete mmama Fi. Jesus ete enye, Bɔk mme erɔŋ Mi.

UTOM MME APOSTLE 1:18

(Owo emi ada utip ukwaŋido esie edep iŋwaŋ; ndien idem ofut enye, idibi esie onyuŋ asiaha, ndien ofuri nsia esie ewɔŋɔ.

UTOM MME APOSTLE 1:24

Mmɔ enyuŋ ebɔŋ akam ete, Afo, ɔbɔŋ, emi ɔfiɔkde esit kpukpru owo, wut enye emi ekemekde ke otu owo iba emi,

UTOM MME APOSTLE 15:8

Ndien Abasi emi ɔfiɔkde esit owo ekedi ntiense ɔnɔ mmɔ, ke erinɔ mmɔ Edisana Spirit kpa nte ɔkɔnɔde nnyin;

ŊWED MBON ROME 3:20

koro ikpe iditebeke baba owo kiet ke iso Esie kabaŋa erinam utom ibet, koro ifiɔk idiɔk-ŋkpɔ otode ke ibet.

ŊWED MBON ROME 8:27

Enye emi ɔduŋɔrede esit owo omonyuŋ ɔfiɔk se ekikere Spirit edide, koro spirit anamde mkpe-ubɔk ɔnɔ ikɔt Abasi nte ekemde ye uduak Abasi.

1 ŊWED CORINTH 4:5

Andidomo mi edi Ɔbɔŋ. Mmɔdo ekuben ini iso ebiere ikɔ, tutu Ɔbɔŋ edi: Enye eyeda se idibede ke ekim ɔwɔrɔ edi ke uŋwana, onyuŋ ayarare uduak eke esinede owo ke esit. Adaŋoro ndien ke kpukpru owo kiet kiet edibɔ itoro ke ubɔk Abasi.

1 PETER 3:4

edi eda edisine-ŋkpɔ eke midibiarake, kpa suŋ-suŋ spirit eke enyenede iso but, ebana idem ke esit-esit uwem mbufo; koro oro edi se isɔŋde urua ke enyin Abasi.

1 PETER 5:5

Kpasuk ntre, mbufo mkparawa, esuk idem enɔ mbiowo. Kpukpru mbufo enyuŋ ebɔbɔ nsukidem ke idem nte mbɔbɔ, enam ŋkpɔ enɔ kiet eken: koro Abasi aŋwaŋwana ye mbon iseri, edi ɔfɔn ido ye mbon nsukidem.

ERIYARARE 2:23

nyenyuŋ nda mkpa ŋwot nditɔ esie; ndien kpukpru mme ufɔk Abasi eyefiɔk ete ke Ami ndi Andiduŋɔre ekput ye esit; nyenyuŋ nnɔ kpukpru mbufo kiet kiet nte ekemde ye utom mbufo.

1 SAMUEL 16:7

Edi Jehovah ɔdɔhɔ Samuel, ete, Kuse enye iso, kunyuŋ use nte enye okoŋde idaha; koro mmesin enye: koro (mmensehe) nte owo esede; koro owo esede enyin, edi Jehovah ese esit.