LUKE 16:10 - Edisana ñwed Abasi Ibom

¹⁰ Owo eke anamde akpanikɔ ke ata ekpri ŋkpɔ onyuŋ anam akpanikɔ ke akamba ŋkpɔ; owo eke akwaŋade ke ata ekpri ŋkpɔ onyuŋ akwaŋa ke akamba ŋkpɔ.

LUKE 16:10 ပူးပေါင်းရင်းမြစ်များ

MATTHEW 24:45

Anie ndien edi asaŋutom emi anamde akpanikɔ, onyuŋ enyenede ɔniɔŋ, emi ete esie okonimde ete, akara mbon ufɔk imɔ, onyuŋ ɔnɔ mmɔ udia ke edikem ini?

MATTHEW 25:21

Ɔbɔŋ esie ete, Omotim anam, afo eti asaŋutom ye owo akpanikɔ: akanam akpanikɔ ke se miwakke; nyenim fi ekpeme ediwak ŋkpɔ; duk ke idara ɔbɔŋ fo.

MATTHEW 25:23

Ɔbɔŋ esie ete, Omotim anam, afo eti asaŋutom ye owo akpanikɔ: afo akanam akpanikɔ ke se miwakke; nyenim fi ekpeme ediwak ŋkpɔ; duk ke idara ɔbɔŋ fo.

LUKE 19:17

Ndien ɔbɔŋ esie ɔdɔhɔ enye ete, Omotim anam, afo eti owo: sia afo akanamde akpanikɔ ke ekpri ŋkpɔ, di andikara obio duop.

JOHN 12:6

Edi enye idɔhɔke ntem koro enye ekerede mme ubuene; edi ɔdɔhɔ koro enye edide inɔ, onyuŋ akamade ekpat okuk, onyuŋ ososio se isinede ke esit.

JOHN 13:2

Ndien ke ini udia mbubreyo, ke Satan ama okotop ekikere esin ke esit Judas Iscariot eyen Simon ete, ada Enye ɔnɔ;

JOHN 13:27

Ndien ke Judas ama ɔkɔbɔ uyo oro, ekem Satan oduk enye esit. Ntem ke Jesus ɔdɔhɔ enye ete, Wara nam se aduakde ndinam.

MME HEBREW 3:2

emi akanamde akpanikɔ ye Abasi emi ekemekde Enye onim, kpa nte Moses okonyuŋ anamde akpanikɔ ke ofuri ufɔk Abasi.