LUKE 15:24 - Edisana ñwed Abasi Ibom

²⁴ koro eyen mi emi ama akpa, onyuŋ ɔtɔŋɔ ntak odu uwem; enye ama osop, ndien ikut enye. Ntre ke mmɔ etɔŋɔ ndinam mbre.

LUKE 15:24 ပူးပေါင်းရင်းမြစ်များ

GENESIS 45:28

Ndien Israel ete, Ekem; Joseph eyen mi ke osuk odu uwem: nyeka ŋkese enye, ndien ndikpa.

ISAIAH 35:10

ndien mmɔ eke Jehovah akafakde eyefiak edi ke Zion ekwɔ ikwɔ, nsinsi idaresit onyuŋ ayara mmɔ ke ibuot: mbre ye idaresit eyesim mmɔ, mfuhɔ ye eseme eyefeŋe.

ISAIAH 66:11

man mbufo ewap eba ndɔŋesit esie eyuhɔ: man mbufo enyimi uyuhɔ ubɔŋ esie enyuŋ edat esit.

EZEKIEL 34:16

Nyeyom se isopde, nnyuŋ nda se ekebinde efep mfiak ndi, nnyuŋ mbɔp se ibuŋɔde, nnyuŋ nsɔŋ se idem ememde enye: nnyuŋ nsobo se ikponde ye se isɔŋde; nnyuŋ nda ikpe mbɔk mmɔ.

EZEKIEL 34:4

Mbufo isɔŋke mmɔ emi idem emende mmɔ, inyuŋ ikɔkke mmɔ emi edɔŋɔde, inyuŋ ibɔpke mmɔ emi ebuŋɔde, inyuŋ imenke mmɔ emi ebinde efep ifiak idi, inyuŋ iyomke mmɔ eke esopde; edi ekan mmɔ ke nsɔŋ-ubɔk ye ke nnama.

MATTHEW 8:22

Edi Jesus ete enye, Tiene Mi; nyuŋ yak mme akpa-mkpa ebuk mme akpa-mkpa mmɔ.

MARK 8:22

Ekem mmɔ edi ke Bethsaida. Ndien mmɔ eda owo nnan esɔk Enye, enyuŋ ekpe Enye ubɔk ete otuk enye.

LUKE 10:19

Sese, mmɔnɔ mbufo odudu ndidigi urukikɔt ye ikpeyen ke ikpat, nnyuŋ ŋkara ofuri odudu usua: ndien baba ŋkpɔ kiet idinamke mbufo idiɔk.

LUKE 15:23

enyuŋ eda-enaŋ emi enyenede isek ewot, eyak nnyin idia inyuŋ idat esit:

LUKE 15:25

Edi akpan esie odu ke iŋwaŋ: ndien nte enye asaŋade ekpere ufɔk, okop ikwɔ ye unek;

LUKE 15:32

Edi odot nnyin ndidara nnyuŋ nnem esit, koro eyen-eka fo emi ama akpa, onyuŋ odu uwem: ama osop, ndien ikut enye.

LUKE 15:4

Ewe owo ke otu mbufo edinyene erɔŋ ikie, ndien kiet osop, idikpɔŋke anaŋ ye efurenaŋ ke desert, ibine erɔŋ oro osopde, tutu okut.

LUKE 19:10

Koro Eyen Owo ekedi ndiyom ndinyuŋ nnyaŋa se isopde.

LUKE 9:60

Edi Jesus ɔdɔhɔ ete, Yak mme akpa-mkpa ebuk mme akpa-mkpa mmɔ; edi afo, ka kɔkwɔrɔ Ubɔŋ Abasi.

JOHN 11:25

Jesus ɔdɔhɔ enye ete, Ami ndi eriset ye uwem: owo eke ɔbuɔtde idem ye Ami, okposuk edi nte enye ama akpa, enye eyedu uwem:

JOHN 5:21

Koro nte Ete anamde mme akpa-mkpa eset ɔnɔ mmɔ uwem, kpa ntre ke Eyen anam owo eke Enye amade odu uwem.

ŊWED MBON ROME 11:15

Koro edieke eriduɔk emi eduɔkde mmɔ akabare ɔwɔrɔ erinam ererimbot etie ke emem ye Abasi, erida mmɔ nduk ke Obio Ubɔŋ Abasi ndien ediwɔrɔ nso ke mibɔhɔke erito ke mkpa ndu uwem.

ŊWED MBON ROME 12:15

Edara ye mmɔ emi edarade; etuaŋa ye mmɔ emi etuaŋade.

ŊWED MBON ROME 6:11

Kpa ntre ŋko ke mbufo ebat ete, ima ikpa iwɔrɔ ikpɔŋ idiɔk-ŋkpɔ, edi ke idu uwem inɔ Abasi ke Christ Jesus.

ŊWED MBON ROME 6:13

ekunyuŋ eyak mbak idem mbufo enɔ idiɔk-ŋkpɔ ndida nnam ukwaŋkpɔ; edi eyak idem mbufo enɔ Abasi nte mmɔ emi ema eset ke mkpa, enyuŋ eyak mbak idem mbufo enɔ Abasi ndida nnam edinen ido.

ŊWED MBON ROME 8:2

Koro ibet Spirit uwem ke Christ Jesus ama anam mi mbɔhɔ ibet ndiɔk-ŋkpɔ ye mkpa.

1 ŊWED CORINTH 12:26

Ntem edieke ndido kiet okopde ndutuhɔ kpukpru ndido eken etiene enye ekop ndutuhɔ; edieke enyuŋ enɔde ndido kiet ubɔŋ, kpukpru ndido eken etiene enye edara.

ŊWED MBON EPHESUS 2:1

MBUFO nde ekenyuŋ ekpaŋa ke ndudue ye mme idiɔk-ŋkpɔ mbufo,

ŊWED MBON EPHESUS 2:5

akanam nnyin emi ikakpaŋade ke mme ukwaŋkpɔ nnyin idu uwem ke Christ (ke mfɔn ke ema enyaŋa mbufo),

ŊWED MBON EPHESUS 5:14

koro sededi eke eyararede akabare edi uŋwana. Mmɔdo ɔdɔhɔde ete, Demere, afo emi edede idap, Nyuŋ set ke mkpa, Ndien Christ eyeyama ɔnɔ fi.

ŊWED MBON COLOSSAE 2:13

Mbufo emi ekekpaŋade ke eribiat ibet, ye ke eritre ndina mbobi ke obukidem, kpa mbufo ke Abasi okonyuŋ anam edu uwem ye Enye: Enye emefen kpukpru eribiat ibet eke nnyin ikabiatde;

1ŊWED TIMOTHY 5:6

Edi ebe-akpa eke ɔduɔde oduk ke mbre amakpa ke eyo uwem.

JUDE 1:12

Mmɔ edi ndibe-ndibe itiat ke itie usɔrɔ-ima mbufo, ke ini mmɔ ediade udia ye mbufo; inamke mmɔ ndik ndibɔk idem mmɔ. Mmɔ edi idiɔk enyɔŋ eke misioŋoke edim, eke ofim onyuŋ ɔkpɔride ada ebe; mmɔ ebiet eto ndaeyo eke minyeneke mfri, eke ama akpa ama, owobere ɔduɔ;

ERIYARARE 3:1

NYUŊ nɔ ŋwed esɔk angel ufɔk Abasi emi odude ke Sardis, ete: Ntem ke Enye emi enyenede mme Spirit Abasi itiaba, ye ntantafiɔŋ itiaba, ɔdɔhɔ ete; Mmɔfiɔk mme utom fo, nte emenyene enyiŋ, ete ke odu uwem, ndien ama akpa.