LUKE 15:17 - Edisana ñwed Abasi Ibom

¹⁷ Edi ke ini enyin aŋwaŋade enye, enye okut idem sie, ete, Sese, adaŋa ediwak mbio-utom ete mi enyene udia eke awakde akan mmɔ ndidia edi se mi mi, mmɔŋ ndikpa ye biɔŋ.

LUKE 15:17 ပူးပေါင်းရင်းမြစ်များ

ŊWED MME PSALM 119:59

Ŋkekere usuŋ fo, nnyuŋ ŋkabare ukot mi nsin ke uyo fo.

ŊWED MME PSALM 73:20

Nte ndap ke ntop-ndemere; Ɔbɔŋ, afo eyesin mbiet mmɔ ke ndek, ke ini afo edemerede.

ECCLESIASTES 9:3

Emi ɔdiɔk ke kpukpru se mmɔ enamde ke idak utin, emi ŋkpɔ kiet ɔnɔmɔde kpukpru: ndien ŋko idiɔk ɔyɔhɔ nditɔ owo ke esit, idat onyuŋ odu mmɔ ke esit, ke uwem mmɔ; ndien ke ini oro ebede, mmɔ eka mkpa.

JEREMIAH 31:19

Ŋkɔm, ke adaŋemi ŋkabarede, ntua mkpɔfiɔk: ndien ke adaŋemi esiande mi, nyibi ifuhi mi: but ye ndutime enam mi: koro mbiomde esuene uyen mi.

ŊWED ESEME 1:7

Jerusalem eti kpukpru ŋkpɔ-uto esie eke ekedude ke ini eset, ke ini eke etukde enye enyuŋ ekɔbɔde enye, ke ini ikɔt esie eduɔŋɔde ke ubɔk mme asua, ndien baba owo kiet eke aŋwamde enye miduhe: mme asua esie ekut enye enyuŋ esak ŋwure esie.

EZEKIEL 18:28

Koro enye abakde, onyuŋ ɔkpɔŋde kpukpru mme idiɔk ido esie eke enye akanamde, afiak, enye iditreke ndidu uwem, idikpaha.

HOSEA 2:7

Ndien enye eyebine mmɔ eke emade enye, edi idisimke mmɔ; eyenyuŋ oyom mmɔ, edi idikwe. Ndien enye eyedɔhɔ, ete, Nyefiak ntiene akpa ebe mi: koro ɔkɔfɔnde ye ami ini oro akan emi.

LUKE 15:16

Enye onyuŋ oyom ndidia ikpɔk udia, eke mme edi ediade, nyuhɔ; owo inyuŋ inɔŋɔ enye ŋkpɔ.

LUKE 16:23

Ndien ke Hades enye odu ke ndutuhɔ, onyuŋ emenere enyin esie okut Abraham anyan ebiet, ye Lazarus ke ikpanesit esie.

LUKE 8:35

Mbio-obio enyuŋ ewɔŋɔ edi ndise se ikotibede: mmɔ edi edisim Jesus, enyuŋ ekut owo, emi mme demon ekɔwɔŋɔde enye ke idem, etiede tie ke ukot Jesus, esine ɔfɔŋ, onyuŋ enyene eti ibuot: ndien ndik anam mmɔ.

UTOM MME APOSTLE 12:11

Ke adaŋemi enyin eŋwaŋade Peter, enye ɔdɔhɔ ete, Ke emi mmobure mfiɔk nte Ɔbɔŋ ama ɔdɔŋ angel Esie, onyuŋ anyaŋa mi osio ke ubɔk Herod ye ke ofuri idori-enyin mme Jew.

UTOM MME APOSTLE 2:37

Kadaŋemi mmɔ ekopde ikɔ emi, esit amia mmɔ, mmɔ enyuŋ edɔhɔ Peter ye mme apostle eken ete, Nditɔ-ete, inam didie?

ŊWED MBON EPHESUS 5:14

koro sededi eke eyararede akabare edi uŋwana. Mmɔdo ɔdɔhɔde ete, Demere, afo emi edede idap, Nyuŋ set ke mkpa, Ndien Christ eyeyama ɔnɔ fi.