LUKE 15:15 - Edisana ñwed Abasi Ibom

¹⁵ Ndien enye aka akadian idem ye eyen idut oro, enye oro onyuŋ ɔdɔŋ enye aka iŋwaŋ ɔkɔbɔk mme edi.

LUKE 15:15 ပူးပေါင်းရင်းမြစ်များ

2 CHRONICLES 28:22

Ekem ke ini emi efikde enye, enye ɔdɔdiɔŋ edue Jehovah, enye edidem Ahaz.

EXODUS 10:3

Ndien Moses ye Aaron eka ke ebiet Pharaoh, ekedɔhɔ enye, ete, ntem ke Jehovah Abasi mme Hebrew ɔdɔhɔ ete, adaŋa didie ke afo edisin ndisuk idem ke iso mi? yak ikɔt mi eka, man ekenam ŋkpɔ enɔ mi.

ISAIAH 1:5

Edinam didie esuk emia mbufo? Mbufo edediɔŋ ekabare ekpɔŋ mi: ofuri ibuot ke ɔdɔŋɔ, ofuri esit ke onyuŋ akpa.

ISAIAH 57:17

Ŋkayat esit mbaŋa idiɔk mbumek esie, nnyuŋ mmiŋa enye: ŋkedibe nnyuŋ nyat esit: ndien enye asaŋa akabare akabare ke usuŋ esit esiemɔ.

JEREMIAH 5:3

O Jehovah, nte enyin fo isehe akpanikɔ? Afo ɔkɔtɔ mmɔ, edi mmɔ ikopke ubiak; afo okosobo mmɔ, mmɔ inyimeke ndikop item: esɔŋɔ iso mmɔ ekan itiat; inyimeke ndifiak ndi.

EZEKIEL 16:52

Afo ŋko emi ekekpede ikpe ɔnɔ nditɔ-uka iban, ke mme idiɔk ido fo emi afo akanamde mbubiam akan mmɔ, biom but fo: mmɔ emenen ekan fi: kop esuene ŋko, nyuŋ biom but fo: koro afo akakaŋde nditɔ-uka iban.

EZEKIEL 16:63

man afo eti onyuŋ okut but, okunyuŋ ekeme ndikubɔre inua abaŋa esuene fo, ke ini ami ndidahadedo nnɔ fi ke kpukpru se afo anamde. Emi edi uyo Ɔbɔŋ Jehovah.

NAHUM 3:6

nnyuŋ nduɔk fi ŋkpɔ ndek ke idem, nnyuŋ nsin fi ke ndek, nnyuŋ nnim fi ke ŋkpɔ ndise.

MALACHI 2:9

Ndien ami ŋko mmonyuŋ nnim mbufo ke se kpukpru owo esede ke ndek ye ke mbukpo, kpa nte mbufo minimke ido mi, edi eteŋe owo enyin ke ewuhɔ.

MATTHEW 7:6

Ekumen edisana ŋkpɔ enɔ ebua, Ekunyuŋ eduɔŋɔ ŋkpɔ-uto mbufo ke iso mme edi, mbak mmɔ edi-digi ŋkpɔ oro ke ikpat, enyuŋ ewɔŋɔre ediwai mbufo.

LUKE 15:13

Ibigike bigi udɔ ataŋ kpukpru se enyenede, adaha aka anyan idut; ndien do ke enye asuan inyene esie ke eridu otime uwem.

LUKE 15:14

Edi ke ini enye ama akasuan kpukpru ama, ɔkpɔsɔŋ akaŋ otibe ke idut oro; enye onyuŋ ɔtɔŋɔ ndidu ke unana.

LUKE 15:16

Enye onyuŋ oyom ndidia ikpɔk udia, eke mme edi ediade, nyuhɔ; owo inyuŋ inɔŋɔ enye ŋkpɔ.

ŊWED MBON ROME 6:22

Edi ke emi ema ekosio mbufo itie-ufin idiɔk-ŋkpɔ, enyuŋ enam mbufo edi ikɔt Abasi, mbufo esioŋo mfri eke ɔwɔrɔde edisana ido ɔnɔ mbufo, utit esie onyuŋ edi nsinsi uwem.

TITUS 3:3

Koro nnyin ke idem nnyin ima inana ibuot tutuko, ima itut-utɔŋ, inyuŋ idue; iduk ufin inɔ nsio-nsio idiɔk udɔŋ ye mbre; ima idu uwem inam ibak, inyuŋ ifibeufup; nnyin ikedi se owo esuade, nnyin ikonyuŋ isua kiet eken.