LUKE 15:13 - Edisana ñwed Abasi Ibom

¹³ Ibigike bigi udɔ ataŋ kpukpru se enyenede, adaha aka anyan idut; ndien do ke enye asuan inyene esie ke eridu otime uwem.

LUKE 15:13 ပူးပေါင်းရင်းမြစ်များ

ŊWED MME PSALM 73:27

Koro, sese, mmɔ eke edianarede ekpɔŋ fi anyan usuŋ, eyetak: afo omosobo mmɔ eke ekpɔŋde fi enam use.

MME ŊKE 18:9

Owo ŋko eke ɔnuɔnde ubɔk ke utom esie edi eyen-eka owo eke ɔduɔŋɔde ŋkpɔ.

MME ŊKE 21:17

Owo eke amade mbre eyedi owo unana: owo eke amade wine ye aran idiforoke.

MME ŊKE 21:20

Ŋkpɔ-uto ye aran edu ke ufɔk enyene-ibuot owo, edi ndisime owo adia esie.

MME ŊKE 27:8

Ntarusuŋ eke oyode ɔkpɔŋ efɔk esie, ebiet owo eke oyode ɔkpɔŋ ebiet esie.

MME ŊKE 28:7

Owo eke onimde mbet edi eyen asian: edi nsaŋa mme ɔduɔŋɔ-ŋkpɔ eyesin ete esie but.

MME ŊKE 29:3

Owo eke amade ifiɔk adat ete esie esit: edi nsaŋa kpara asuan inyene.

MME ŊKE 6:26

Koro akpara aŋwan esinde owo ɔsuhɔre osim ŋkeŋe kiet: ama edi ŋwan owo, enye ebine edima uwem.

ISAIAH 1:4

Ɔdiɔk ɔnɔ idut emi anamde idiɔk, mbio emi ebiomde idiɔk ido, ubon mme oburobut owo, nditɔ emi ekabarede ediɔk! Mmɔ emekpɔŋ Jehovah, emesin Edisana Abasi Israel ke ndek, emekabare efiak edem.

ISAIAH 22:13

Ndien sese mbre ye idara, ke ewot enaŋ, ke ewot erɔŋ, ke eta unam, enyuŋ eŋwɔŋ wine: “Eyak nnyin ita inyuŋ iŋwɔŋ, koro iyekpa mkpa mkpɔŋ.”

ISAIAH 30:11

mbufo ewɔŋɔre ekpɔŋ usuŋ, ewaha ekpɔŋ ɔkpɔ-usuŋ, enam Edisana Abasi Israel okudu aba ke iso nnyin.

ISAIAH 56:12

“Mbufo edi! nyeda wine ndi, ndien nnyin iyeŋwɔŋ mmin ikpa; ndien mkpɔŋ eyetie kpa nte mfin, akamba, awak akaha.”

JEREMIAH 2:13

Koro ikɔt mi emenam idiɔk ŋkpɔ iba; emekpɔŋ mi idim mmɔŋ uwem, enyuŋ etibi obube enɔ idem mmɔ, kpa ndisiaha obube eke mikamake mmɔŋ.

JEREMIAH 2:31

O emana, mbufo ekut uyo Jehovah. Nte ami ŋkedi wilderness nnɔ Israel? Nte ŋkedi isɔŋ ekim? Nsinam ikɔt mi ekedɔhɔde, ete, Nnyin imɔŋ iyɔrɔ kpukpru ebiet; nnyin ididige aba ke ɔtɔ fo?

JEREMIAH 2:5

ntem ke Jehovah ɔdɔhɔ ete, Mme ete mbufo ekekut nso ukwaŋ-ŋkpɔ ye ami eke mmɔ ekpɔŋde mi anyan usuŋ, enyuŋ ebinede ikpikpu ŋkpɔ, enyuŋ ekabare edi oburobut? Inyuŋ idɔhɔke ite,

MICAH 6:3

O ikɔt mi, nnam mbufo nso ŋkpɔ? Nnyuŋ nda nso mfek mbufo? Mbufo ebɔrɔ ebaŋa mi.

LUKE 15:12

ndien udɔ ɔdɔhɔ ete esie ete, Ete, nɔ mi udeme ŋkpɔ eke edinyenede mi. Ntem ke ete edeme inyene esie ɔnɔ mmɔ.

LUKE 15:14

Edi ke ini enye ama akasuan kpukpru ama, ɔkpɔsɔŋ akaŋ otibe ke idut oro; enye onyuŋ ɔtɔŋɔ ndidu ke unana.

LUKE 15:30

edi ke adaŋami eyen fo emi ama ekedi, emi akadiade inyene fo ye mme akpara, afo ama owot eyen-enaŋ eke enyenede isek ɔnɔ enye.

LUKE 16:1

ENYE ɔdɔhɔ mbet Esie ŋko ete, Owo inyene kiet okodu emi enyenede akama-ukpɔhɔre; ndien etiŋ enɔ enye ete, akama-ukpɔhɔre oro ke asuan inyene esie.

LUKE 16:19

Owo inyene kiet okodu emi esinede eti ididuot ɔfɔŋ-idem ye eti ɔfɔŋ linen, onyuŋ adiade edinem udia kpukpru usen.

ŊWED MBON EPHESUS 2:13

Edi ke emi, ke Christ Jesus, ema enam mbufo, emi ekadade nsan-nsan ke ini oko, esaŋa ekpere ke iyip Christ.

ŊWED MBON EPHESUS 2:17

Ndien Enye ama edi edikwɔrɔ emem ɔnɔ mbufo emi ekedude nsan-nsan, ye mmɔ emi edude mkpet-mkpet;

2 PETER 2:13

Mmɔ ebat ete edi ŋkpɔ inemesit ndidu otime uwem ke uwemeyo; mmɔ edi ɔkɔp ye ndo, emi enamde ido otime-otime ke usɔrɔ ima mmɔ, ke ini mmɔ ediade udia ye mbufo.