LUKE 14:23 - Edisana ñwed Abasi Ibom

²³ Ɔbɔŋ oro ɔdɔhɔ isuŋutom esie ete, Wɔrɔ ke mme ɔkpɔusuŋ ye ke mme mben-ɔkɔ, nyuŋ yire mmɔ eduk edi, man ufɔk mi ɔyɔhɔ.

LUKE 14:23 ပူးပေါင်းရင်းမြစ်များ

ŊWED MME PSALM 110:3

Ikɔt fo edi enɔ ima-esit ke usen odudu fo, ke edisana mbanaoto ke idibi usiere, afo emenyene mbara uyen fo.

ŊWED MME PSALM 98:3

Enye emeti ima esie ye akpanikɔ esie emi enye enyenede ye ufɔk Israel: kpukpru mme utit ererimbot emekut erinyaŋa Abasi nnyin.

ISAIAH 11:10

Ndien ama ekem ke usen oro, mme idut eyetiene oruŋ Jesse emi adade nte banner mme idut: ndien itie nduɔk-odudu esie eyedi ubɔŋ.

ISAIAH 27:13

Ama onyuŋ ekem ke usen oro, eyefuri akwa ukorowo, ndien mmɔ eke esopde ke isɔŋ Assyria, ye mmɔ eke esuanade ke isɔŋ Egypt, eyedi edituak ibuot enɔ Jehovah ke edisana obot ke Jerusalem.

MALACHI 1:11

Koro enyiŋ mi eyekpon ke otu mme idut ɔtɔŋɔde ke edem usiaha-utin tutu osim ke edem usop; ndien mmɔ eyefɔp incense ye edisana uwa enɔ enyiŋ mi ke kpukpru ebiet: koro enyiŋ mi eyekpon ke otu mme idut, Jehovah mme udim ɔdɔhɔ.

MATTHEW 21:43

Mmɔdo ndɔhɔ mbufo nte, Eyebɔ mbufo Obio Ubɔŋ Abasi, eyak enɔ idut emi ediŋwumde mfri esie.

MATTHEW 5:41

Owo ama onyuŋ esin fi asaŋa mile kiet, saŋa iba ye enye.

LUKE 14:22

Ndien isuŋutom oro edidɔhɔ ete, Ɔbɔŋ, ema enam nte ɔkɔdɔhɔde, edi itie ke ɔsɔsuhɔ kaŋa.

LUKE 14:24

Koro ndɔhɔ mbufo nte, baba owo kiet ke otu mmɔ emi ekekotde iditabike udia mi.

LUKE 24:29

Edi mmɔ eyire Enye ete, Daŋ ye nnyin; koro ke ekpere mbubreyo, ndien eyo ɔmɔŋ okut.

UTOM MME APOSTLE 16:15

Edi ke ini enimde enye ye ufɔk esie baptism, enye ekpe ye nnyin ete, Edieke mbufo ebatde ete ndi owo akpanikɔ nnɔ Ɔbɔŋ, edi ke ufɔk mi editie do. Enye onyuŋ eyire nnyin.

UTOM MME APOSTLE 18:6

Edi ke mmɔ enenide ye enye ɔkpɔsɔŋ enyuŋ esuŋide, enye ekeŋ ɔfɔŋidem esie onyuŋ ɔdɔhɔ mmɔ ete, Iyip mbufo osuk ɔkɔbɔ mbufo; nsaŋake do; ɔtɔŋɔde ke emi mmetiene mme Gentile.

UTOM MME APOSTLE 28:28

Efiɔk emi ndien, ete, enɔ erinyaŋa Abasi emi esɔk mme Gentile: mmɔ eyenyuŋ ekpaŋ utɔŋ ekop.

UTOM MME APOSTLE 9:15

Edi Ɔbɔŋ ete enye, Kam ka: koro enye edi anam-utom eke mmekde, nte akama enyiŋ Mi aka ke iso mme Gentile ye mbɔŋ, ye nditɔ Israel:

ŊWED MBON ROME 10:18

Edi mmɔdɔhɔ nte, Nte mmɔ ikokopke? Ke akpanikɔ mmɔ ema ekop. Uyom mmɔ ɔmɔwɔrɔ ke ofuri isɔŋ, Ikɔ mmɔ enyuŋ esim utit ererimbot.

2 ŊWED CORINTH 5:11

Sia nnyin ifiɔkde ndik Ɔbɔŋ ndien, imekpe ye owo, edi imayarare iwut Abasi idem; mmonyuŋ ndori enyin nte nnyin iyarare ke esit mbufo nde.

2 ŊWED CORINTH 5:20

Ntre ke nnyin idi mme isuŋutom emi edide ke enyiŋ Christ, nte ŋkpɔ eke Abasi adade nnyin ekpe ye mbufo; imekpe mbufo ubɔk ke ibuot Christ, ekabare etie ke emem ye Abasi.

2 ŊWED CORINTH 6:1

NTE mme abuana-utom ye Abasi, nnyin ikpe mbufo ubɔk ite, ekuyak mfɔn Abasi, emi mbufo ekɔbɔde, ɔwɔrɔ ikpikpu;

ŊWED MBON COLOSSAE 1:23

Edieke mbufo eyirede ke mbuɔtidem enyene iwuk enyuŋ esɔŋɔ eda, mindinyuŋ iyakke ŋkpɔ anam mbufo edianare ekpɔŋ idori-enyin gospel emi mbufo ekekopde; kpa gospel emi ekɔkwɔrɔde enɔ kpukpru owo ke idak ikpa-enyɔŋ: emi ekonyuŋ enɔde mi Paul ete ŋkwɔrɔ.

ŊWED MBON COLOSSAE 1:28

Emi nnyin ikwɔrɔde, ida kpukpru eti ibuot iteme inyuŋ ikpep kpupru owo, man nnyin ida kpukpru owo inim ke iso Abasi nte efɔnde ema ke Christ.

2 ŊWED TIMOTHY 4:2

Sin ifik nam emi, ke edide ekem ini, ye ke minyuŋ idige ekem ini, wut mme owo ndudue mmɔ, sua nɔ mmɔ, kpe ye mmɔ; saŋa ye ofuri ime ye erikpep nam utom emi.