LUKE 14:13 - Edisana ñwed Abasi Ibom

¹³ Edi ke ini afo anamde udia, kot mme ubuene, ye mmɔ emi edade unan, ye mbuŋɔ, ye nnan;

LUKE 14:13 ပူးပေါင်းရင်းမြစ်များ

2 SAMUEL 6:19

Enye onyuŋ edeme kpukpru owo ŋkpɔ, kpa ofuri otu Israel, ye eren ye ŋwan, ɔnɔ kpukpru owo obukpa uyo kiet, ye ŋwa unam, ye ebok edisat grape. Ndien kpukpru owo enyɔŋɔ ufɔk mmɔ.

2 CHRONICLES 30:24

Koro Hezekiah edidem Judah ɔnɔde esop oro tɔsin enaŋ ye tɔsin ŋkpri ufene itiaba: mbɔŋ ŋko enyuŋ enɔ esop tɔsin enaŋ ye tɔsin ŋkpri ufene duop: ediwak oku enyuŋ enam idem mmɔ esana.

NEHEMIAH 8:10

Ndien enye ɔdɔhɔ mmɔ, ete, Mbufo eka eketa isek, enyuŋ eŋwɔŋ iniŋe, enyuŋ enɔ enɔ esɔk owo eke mitimke baba ŋkpɔ kiet ibeŋe enye: koro mfin emi edide edisana usen Ɔbɔŋ nnyin: mbufo ekufuhɔ ndien; koro idaresit Jehovah edide odudu mbufo.

NEHEMIAH 8:12

Ndien kpukpru owo eka ndidia ŋkpɔ, nnyuŋ ŋŋwɔŋ, nnyuŋ nnɔ enɔ esɔk owo, nnyuŋ nnam akamba idara: koro mmɔ etimde efiɔk ikɔ emi esiakde enɔ mmɔ.

ŊWED JOB 29:13

Ekɔm owo eke oyomde nditak osim mi; ami nnyuŋ ndat ebe-akpa esit.

MME ŊKE 14:31

Owo eke efikde eyen ubuene esue Andibot enye: edi atua ubuene mbɔm okpono Enye.

MME ŊKE 22:9

Edi enyin mfɔn edikut mfɔn: koro enye adade udia esie ɔnɔ ubuene.

ISAIAH 58:10

afo ama onyuŋ osio ukpɔŋ fo ɔnɔ owo biɔŋ, onyuŋ ɔyuhɔ ukpɔŋ eke ɔtuhɔde; ndien uŋwana fo eyesiaha ke edim, mbubreyo fo eyebiet ufɔt uwem-eyo:

ISAIAH 58:7

Nte idige ndibuŋ uyo fo nnɔ owo biɔŋ, afo eyenyuŋ ada mme ubuene eke ediyode edi ke ufɔk, ke afo okutde owo iferi, ndien ofuk enye, ndien mudibeke obukidem fo.

MATTHEW 15:30

Ndien ata ediwak otu owo etiene Enye, eke edade mbuŋɔ, ye nnan, ye imum, ye mmɔ emi edade unan, ye ediwak owo efen, edinim Enye ke ukot; ndien Enye anam udɔŋɔ okure mmɔ;

MATTHEW 22:10

Ndien ikɔt esie ewɔŋɔ eka ke ɔkpɔusuŋ ekataŋ kpukpru owo, adaŋa nte mmɔ ekutde, mme idiɔk ye nti ŋko, edibon ɔtɔ kiet: ndien ubet udia ɔyɔhɔ ye mmɔ emi etiede ke okpokoro.

LUKE 11:41

Ekam eda mme ŋkpɔ eke edude ke esit mmɔ enɔ mme ubuene, ndien sese, kpukpru ŋkpɔ esana enɔ mbufo.

LUKE 14:12

Enye onyuŋ ɔdɔhɔ owo emi okokotde Enye udia ete, Ke adaŋemi afo anamde udia uwemeyo mme udia mbubreyo, kukot mme ufan fo mme nditɔ-usɔ, mme imanfo, mme mbɔhiduŋ fo emi edide mme enyene-ŋkpɔ; mbak ndusuk mmɔ edikot fi ŋko, enyuŋ esio usiene enɔ fi.

LUKE 14:14

ndien eyefɔn ye afo: koro mmɔ minyeneke se edidade esio fi usiene: edi eyenɔ fi usiene ke ini eriset nti owo.

LUKE 14:21

Isuŋutom oro edi editiŋ mme ŋkpɔ emi ɔnɔ ete esie. Ekem ete-ufɔk ayat esit, onyuŋ ɔdɔhɔ isuŋutom oro ete, Wawara wɔrɔ ka ke mme efak, ye ŋkpri efak obio, nyuŋ da mme ubuene, ye mmɔ emi edade unan ye nnan ye mbuŋɔ, duk di.

UTOM MME APOSTLE 9:39

Ntem ke Peter adaha asaŋa ye mmɔ aka. Ndien ke adaŋemi enye osimde mmɔ, eda enye eduk ke ubet enyɔŋ; ndien kpukpru mme ebe-akpa eda ekpere okpo etua eyet, enyuŋ ewut ɔfɔŋidem ye edisine-ŋkpɔ emi Dorcas okokimde, ke ini enye odude ye mmɔ.

DEUTERONOMY 14:29

ndien Levite, (koro enye minyeneke ubak ye udeme ye afo,) ye esen owo, ye eyen-akpa, ye ebe-akpa, eke edude ke mme obio fo, edi edidia eyuhɔ; man Jehovah Abasi ɔdiɔŋ fi ke kpukpru utom ubɔk fo eke afo edinamde.

DEUTERONOMY 16:11

ndien dat esit ke iso Jehovah Abasi fo, afo, ye eyen eren fo, ye eyen fo aŋwan, ye ofin eren fo, ye ofin aŋwaŋ fo, ye Levite eke odude ke obio fo, ye esen owo, ye eyen-akpa, ye ebe-akpa eke edude ke otu fo, ke ebiet emi Jehovah Abasi edimekde ndinim enyiŋ esiemɔ do.

DEUTERONOMY 16:14

ndien dat esit ke usɔrɔ fo, afo, ye eyen eren fo, ye eyen fo aŋwan, ye ofin eren fo, ye ofin aŋwan fo, ye Levite ye esen owo, ye eyen-akpa, ye ebe-akpa, eke edude ke obio fo.

1ŊWED TIMOTHY 3:2

Ndien ada-idaha ufɔk Abasi enyene ndien ndidi owo emi owo mikemeke ndidori enye ikɔ; enyene ndidi ebe ŋwan kiet; enyene ndidi owo emi afarade ke idem, onyuŋ enyenede eti ibuot, onyuŋ otimde asaŋa, onyuŋ akamade isen owo, onyuŋ amade ndikpep owo ŋkpɔ.

1ŊWED TIMOTHY 5:10

Enye enyene ndidi ŋwan emi ɔkɔdɔde ebe kiet, onyuŋ enyene ndiwɔrɔ eti etop mbaŋa nti utom esie, ete edi ŋwan emi ɔkɔbɔkde nditɔ, okonyuŋ akamade isen owo, onyuŋ eyetde ukot ikɔt Abasi, onyuŋ aŋwamde mbon ukut, onyuŋ esinde idem anam kpukpru oruk nti utom.

TITUS 1:8

Enye enyene ndidi owo eke amade ndikama isen owo, ama eti ido, enyene eti ibuot, enyene edinen ido, enyene edisana ido, enyene mfara ke idem:

PHILEMON 1:7

Ima fo ama anam mi nnyene akwa idaresit ye ndɔŋesit, koro afo akanamde ikɔt Abasi ekop inemesit, eyen-ete mi.

MME HEBREW 13:2

Ekufre ndikama isen owo, koro ndusuk owo ema esaŋa ntem eda mme angel eduk ufɔk, idiɔŋɔke.