LUKE 13:7 - Edisana ñwed Abasi Ibom

⁷ Ekem enye ɔdɔhɔ ekpeme-iŋwaŋ-vine esie, ete, Sese, mmedi isua ita emi nyom mfri ke eto emi, ndien ŋkwe: kpi enye duɔk; enye ada mi didie onyuŋ abiat isɔŋ ikpikpu?

LUKE 13:7 ပူးပေါင်းရင်းမြစ်များ

EXODUS 32:10

kam yak mi, ndien, man iyaresit mi asak nte ikaŋ ye mmɔ, man nnyuŋ nsobo mmɔ; ndien nyenam fi akabare edi akamba idut.

DANIEL 4:14

enye ofiori ɔkpɔsɔŋ, onyuŋ ɔdɔhɔ ntem, ete, Mbufo ekpi eto emi, enyuŋ ekpok ŋkɔk esie, ekeŋ ikɔŋ esie, enyuŋ eduɔŋɔ mfri esie: yak mme unam edaŋa ekpɔŋ mfut esie, yak mme inuen enyuŋ ekpɔŋ ŋkɔk esie:

LEVITICUS 19:23

Ndien ŋko ke mbufo edidukde ke isɔŋ oro, edinyuŋ etɔde kpukpru oruk eto mfri eke ediade, ndien mbufo enim mfri esie ke edut: mbufo ebat enye ke edut ke ofuri isua ita: ekudia ke esit.

LEVITICUS 25:21

ndien nyewuk ufɔn mi nte etiene mbufo ke ɔyɔhɔ isua itiɔkiet, ndien enye eyeŋwum se ikemde ye isua ita.

MATTHEW 7:19

Ekpi kpukpru eto eke miŋwumke eti mfri eduɔk, emen, etop, esin ke ikaŋ.

LUKE 13:8

Edi ekpeme-iŋwaŋ-vine ɔbɔrɔ enye ete, Ɔbɔŋ mi, yak enye ada do ke isua emi iŋko, tutu ntibi isɔŋ ŋkanare enye ŋkuk, nnyuŋ nduɔŋɔ mbio ke esit:

LUKE 3:9

Edi kpa idahemi emenim ekudi ke etak eto: ntre ke ekpi kpukpru eto eke miŋwomke eti mfri eduɔk, emen, esin ke ikaŋ.

JOHN 15:2

Kpukpru ŋkɔk ke idem Mi eke miŋwumke mfri, Enye osibe efep; ndien kpukpru ŋkɔk eke oŋwumde mfri, Enye ɔdiɔŋ, man oŋwum mfri awak akan.

JOHN 15:6

Edieke owo miduŋke Mi ke idem, esio enye efep nte ŋkɔk, enye onyuŋ akabare asat; ndien etaŋ mme ŋkɔk oro esin ke ikaŋ, enyuŋ efɔp mmɔ.