LUKE 13:34 - Edisana ñwed Abasi Ibom

³⁴ O Jerusalem, Jerusalem emi owotde mme prophet, onyuŋ ɔtɔŋɔde mmɔ emi edɔŋde etiene fi ke itiat! Adaŋa ediwak ini didie ke ŋkoyom nditaŋ nditɔ fo mbon ɔtɔ kiet, kpa nte unen obonde nditɔ esie ke idak mba esie, ndien mbufo ikonyimeke!

LUKE 13:34 ပူးပေါင်းရင်းမြစ်များ

NEHEMIAH 9:26

Ekem mmɔ emiom, emiom, enyuŋ esɔŋ ibuot ye afo, enyuŋ emen ewuhɔ fo eduɔk ke edem mmɔ, enyuŋ ewot mme prophet fo oro ekesuade enɔ mmɔ, ete ida mmɔ ifiak isɔk fi, mmɔ enyuŋ enam ikpɔ ŋkpɔ but.

NEHEMIAH 9:30

Edi afo eme ime ye mmɔ ediwak isua, onyuŋ ada spirit fo asua ɔnɔ mmɔ ke ubɔk mme prophet fo: edi mmɔ ikpaŋke utɔŋ. Ndien afo emen mmɔ esin mbio mme idut ke ubɔk.

ŊWED MME PSALM 149:2

Yak Israel adat esit abaŋa andibot enye: yak nditɔ Zion ebre ebaŋa edidem mmɔ.

ŊWED MME PSALM 17:8

Kpeme mi nte eyen enyin, fuk mi ke mfut mba fo,

ŊWED MME PSALM 36:7

O Abasi, ima fo ɔsɔŋ urua adaŋa didie! nditɔ owo enyuŋ ebuɔt idem mmɔ ke mfut mba fo.

ŊWED MME PSALM 57:1

TUA mi mbɔm, O Abasi, tua mi mbɔm, koro ukpɔŋ mi ɔbuɔtde idem ye afo: ami nnyuŋ mbuɔt idem ke mfut mba fo tutu mme idiɔk-ŋkpɔ emi efehe ebe.

ŊWED MME PSALM 81:13

Ikɔt mi ekpekam ekop uyo mi, Israel ekpekam enyuŋ esaŋa ke usuŋ mi!

ŊWED MME PSALM 91:4

Enye eyeda ntaŋ esie ofuk fi, afo eyenyuŋ efehe oduk ke idak mba esie: akpanikɔ esie edi otu-ekɔŋ eke ekpemede fi.

ISAIAH 30:15

Koro ntem ke Ɔbɔŋ Jehovah, Edisana Abasi Israel, ɔdɔhɔ, ete, Ke erikabare ye ke nduɔk-odudu ke mbufo edikeme ndibɔhɔ; ke eritie suŋ, ye ke mbuɔtidem, ke odudu mbufo edidu: edi mbufo ikonyimeke.

ISAIAH 50:2

Nsinam baba owo kiet miduhe ke ini ŋkedide? Nsinam ŋkotde, ndien baba owo kiet miyereke? Nte ubɔk mi amakabare ɔmuhɔ akan nte ŋkemede ndifak? Nte baba odudu iduhe mi ke idem, eke mmeŋkemeke ndinyaŋa? Sese, nyenam inyaŋ asat ke nduari mi, nnyuŋ ŋkabare mme akpa mmɔŋ edi wilderness: iyak mmɔ eyetebe, koro mmɔŋ miduhe, enyuŋ ekpaŋa ke nsat-itɔŋ.

JEREMIAH 2:30

Kpukpru mbufo emedue mi. Mmamia nditɔ mbufo ikpikpu; mmɔ ikopke item: ofut mbufo amadia mme prophet mbufo, nte lion eke osobode.

JEREMIAH 26:23

Ndien mmɔ eda Uriah ke Egypt esio, enyuŋ emen enye esɔk edidem Jehoiakim; ndien enye owot enye ke ofut, onyuŋ emen okpo esie ɔduɔk esin ke udi mbio-obio.

JEREMIAH 35:14

Ke enim uyo Jonadab eyen Rechab emi enye eketemede nditɔ esie, ete ekuŋwɔŋ wine; ndien mmɔ iŋwɔŋke tutu osim mfin emi; koro mmɔ ekopde ewuhɔ ete mmɔ. Edi ami ŋkɔdɔhɔ mbufo, mbabak ndɔhɔ; ndien mbufo ikopke uyo mi.

JEREMIAH 35:17

mmɔdo ntem ke Jehovah Abasi mme udim Abasi Israel ɔdɔhɔ, ete, Sese, ami mmɔŋ nda ofuri idiɔk ŋkpɔ emi ŋkɔdɔhɔde mbaŋa mmɔ, ntiene Judah ye kpukpru mme andiduŋ Jerusalem: koro mma ndɔhɔ ye mmɔ, ndien mmɔ ikopke: mma nnyuŋ ŋkot mmɔ, ndien mmɔ iyereke.

JEREMIAH 6:16

Ntem ke Jehovah ɔdɔhɔ ete, Mbufo eda ke mme usuŋ, enyuŋ ese, enyuŋ ebup ebaŋa mme ɔkpɔ-usuŋ eset, ete, Eti usuŋ, enye? ndien mbufo esaŋa ke esit, enyuŋ ekut nduɔk-odudu ukpɔŋ mbufo. Edi mmɔ edɔhɔ ete, “Nnyin idisaŋake.”

ŊWED ESEME 1:16

Ŋkpɔ emi esin mi ntua eyet; enyin mi, enyin mi ayak mmɔŋ ɔsuhɔre, koro andidɔŋ mi esit ye owo eke edemerede mi esit ɔkpɔŋde mi anyan usuŋ: nditɔ mi emesobo koro asua akande.

ŊWED ESEME 4:13

Mme idiɔk ido mme prophet esie, mme ukwaŋ-ŋkpɔ mme oku esie, eke ekeduɔkde iyip mme andinen owo ke ufɔt esie,

HOSEA 11:2

Mmɔ ekot mmɔ, ntem ke mmɔ edaha ekpɔŋ mmɔ: mmɔ ewa uwa enɔ Baal, enyuŋ efɔp ŋkpɔ enɔ ndisɔi mbiet.

HOSEA 11:7

Ndien ikɔt mi esuk ekɔbɔ ndifiak edem ŋkpɔŋ mi: ndien ekot mmɔ etiene Ata Edikoŋ, edi baba owo kiet itoroke enye.

JOEL 2:23

Mbufo nditɔ Zion ebre ndien mbre, enyuŋ edara Jehovah Abasi mbufo; koro enye ɔnɔde mbufo akpa edim nte enende, onyuŋ anam akpa edim ye akpatre edep ɔnɔ mbufo, kpa nte eke akpa.

ZECHARIAH 1:4

Mbufo ekubiet mme ete mbufo emi akpa prophet ekekotde mmɔ, ete, Ntem ke Jehovah mme udim ɔdɔhɔ, ete, Mbɔk, mbufo ekabare ekpɔŋ mme idiɔk usuŋ mbufo, ye mme idiɔk ido mbufo: edi mmɔ ikopke, inyuŋ ikpaŋke utɔŋ inɔ mi: ke edi uyo Jehovah.

MATTHEW 22:3

enye onyuŋ ɔdɔŋ ikɔt esie edidɔhɔ mmɔ emi ekokotde edi udia: ndien mmɔ inyimeke ndidi.

MATTHEW 22:6

ndien mmɔ emi esukde emum ikɔt esie, enam mmɔ ido esuene, enyuŋ ewot mmɔ.

LUKE 15:28

Edi akpan oro akpaha esit, inyuŋ inyimeke ndiduk; ntre ke ete esie ɔwɔrɔ edi edikpe ye enye.

LUKE 19:44

eyenyuŋ esuhɔre fi enim ke isɔŋ, ye nditɔ fo emi eduŋde fi ke esit; ndien idikpɔŋke itiat kiet ke enyɔŋ itiat eken ke esit fo; koro afo mukɔdiɔŋɔke ini eke Abasi edide edise fi.

LUKE 23:28

Edi Jesus ɔwɔŋɔre ese mmɔ, onyuŋ ɔdɔhɔ mmɔ ete, Nditɔ-iban Jerusalem, ekutua Mi; etua idem mbufo ye nditɔ mbufo.

UTOM MME APOSTLE 7:52

Ewe prophet ke mme ete mbufo mikɔkɔbɔke? Mmɔ ekenyuŋ ewot mmɔ eke ebemde iso ekwɔrɔ ete, Ata Edinen eyedi; ndien ke emi mbufo emenyuŋ ekabare edi mme andida Enye nnɔ ye mme andiwot Enye;

UTOM MME APOSTLE 7:59

Ndien mmɔ etɔŋɔ Stephen ke itiat, nte enye esemede okot Ɔbɔŋ, ete Ɔbɔŋ Jesus, bɔ ukpɔŋ mi.

UTOM MME APOSTLE 8:1

EDI Saul onyime ewot enye. Ke usen oro akwa isin-enyin onyuŋ otibe ye ufɔk Abasi emi odude ke Jerusalem; kpukpru mmɔ enyuŋ esuana ke edem Judaea ye Samaria, ke mibɔhɔke mme, apostle.

DEUTERONOMY 32:29

Ema ekpenyene ibuot, mmɔ ekpetim efiɔk emi, ekpekere utit mmɔ!

DEUTERONOMY 5:29

Oh, mmɔ ekpekam enyene oruk esit emi ke idem mmɔ, eke ebakde mi, enyuŋ enimde ofuri mbet mi kpukpru ini, kpaŋ ŋkpɔfɔn ye mmɔ, ye nditɔ mmɔ ke nsinsi!

ERIYARARE 11:8

Okpo mmɔ eyenyuŋ ena ke efak akwa obio oro esiode enye enyiŋ Sodom ye Egypt ke usem spirit, kpa obio oro Ɔbɔŋ mmɔ nde ɔkɔkɔŋɔde ke cross ke esit.

RUTH 2:12

Jehovah osuk ɔnɔ fi usiene utom fo, Jehovah Abasi Israel emi afo edide ndibuɔt idem fo ke idak mba esie, osuk ɔnɔ fi ofuri ŋkpɔ eyen-utom fo ŋko.