LUKE 13:32 - Edisana ñwed Abasi Ibom

³² Edi Enye ɔdɔhɔ mmɔ ete, Eka ekɔdɔhɔ ebua-ikɔt oro ete, Sese, mmebin demon nduɔk, nnyuŋ nnam udɔŋɔ ekure mfin ye mkpɔŋ, ndien ke ɔyɔhɔ usen ita eyenam Mi mfɔn mma.

LUKE 13:32 ပူးပေါင်းရင်းမြစ်များ

IKWƆ SOLOMON 2:15

Mbufo emum mme jackal enɔ nnyin, ŋkpri jackal emi ebiatde iŋwaŋ-vine: koro mme vine nnyin emetop mfri.

EZEKIEL 13:4

O Israel, prophet fo ebiet jackal ke desert.

ZEPHANIAH 3:3

Mbɔŋ esie ke ufɔt esie edi lion mfriori: mme ebierikpe esie edi wolf mbubreyo; mmɔ isuhɔke baba ŋkpɔ kiet inɔ usenubɔk.

MARK 6:14

Ekem edidem Herod okop; koro enyiŋ Jesus ɔwɔrɔde etop: Herod onyuŋ ɔdɔhɔ ete, John Baptist emeset ke mkpa, mmɔdo mme odudu emi enamde utom enye ke idem.

JOHN 10:32

Jesus ɔbɔrɔ mmɔ ete, Ŋkowut mbufo ediwak nti utom eke etode Ete; mbufo etɔ Mi ke itiat kabaŋa utom ewe ke otu mmɔ?

JOHN 19:30

Ndien ke adaŋemi Jesus ɔbɔde vinegar, Enye ete, Okure: ndien onuk ibuot, onyuŋ ayak ukpɔŋ Esie.

MME HEBREW 2:10

Koro odotde Enye, emi kpukpru ŋkpɔ esuŋɔde ye Enye, kpukpru ŋkpɔ enyuŋ etode ke Enye, ke erida ediwak nditɔ nduk ubɔŋ ndinam asiakusuŋ eriyaŋa mmɔ asaŋa ke ndutuhɔ akabare ɔfɔn ama

MME HEBREW 5:9

ndien ke ema ekenam Enye ɔfɔn ama, Enye akabare edi ntak nsinsi erinyaŋa ɔnɔ kpukpru owo emi ekopde uyo Esie;

MME HEBREW 7:28

Koro ibet emekde mme owo, emi enyenede mmem-idem, onim ke ikpɔ oku; edi ikɔ uŋwɔŋɔ, eke etienede ibet ke edem, emek Eyen onim, emi ema enam Enye ɔfɔn ama ke nsinsi.