LUKE 13:25 - Edisana ñwed Abasi Ibom

²⁵ Ke adaŋemi ete-ufɔk adahade ke enyɔŋ eberi usuŋ, ndien mbufo etɔŋɔ ndida ke aŋwa ntuak usuŋ, ete, Ɔbɔŋ, sio usuŋ nɔ nnyin; ndien Enye eyebɔrɔ mbufo ete, Mfiɔkke ebiet eke mbufo etode;

LUKE 13:25 ပူးပေါင်းရင်းမြစ်များ

GENESIS 7:16

Ndien mmɔ emi edukde, ayara ye uman ke kpukpru obukidem, eduk kpa nte Abasi eketemede enye: ndien Jehovah esiri usuŋ abaha enye.

ŊWED MME PSALM 32:6

Emi eyesin kpukpru mbon-ima fo ekpe fi ubɔk ke ini eke edikutde fi: ŋkɔm ke ini ukwɔ akamba mmɔŋ, mmɔ idisimke enye.

ISAIAH 55:6

Mbufo eyom Jehovah, ke ini ekemede ndikut enye, eseme ekot enye, ke ini enye ekperede:

MATTHEW 25:41

Ekem Enye eyedɔhɔ mmɔ emi edude ke ubɔk ufien, ete, Edianare Mi, mbufo emi edide mbon nsobo, ekoduk ke nsinsi ikaŋ, emi ekonimde enɔ Satan ye mme angel esie.

LUKE 13:27

Ndien Enye eyebɔrɔ ete, ndɔhɔ mbufo nte, Mfiɔkke ebiet eke mbufo etode; edianare Mi, kpukpru mbufo mme anam-ukwaŋkpɔ.

LUKE 3:8

Esioŋo naŋa ndien mfri eke odotde erikabare esit; ekunyuŋ etɔŋɔ ndidɔhɔ ke esit mbufo ete, Ŋkɔm imenyene Abraham ke ete: koro ndɔhɔ mbufo nte, Abasi emekeme ndinam mme itiat emi edaha eda edi nditɔ Abraham.

LUKE 6:46

Nsinam mbufo ekotde Mi ete, Ɔbɔŋ, Ɔbɔŋ, ndien minamke se ndɔhɔde?

2 ŊWED CORINTH 6:2

(koro Enye ɔdɔhɔ ntem ete, Mma nyere fi ke ini mfɔn-ido, Mma nnyuŋ nnyaŋa fi ke usen erinyaŋa. Sese, ini mfɔn-ido mi; sese, usen erinyaŋa mi).

MME HEBREW 12:17

Mbufo efiɔk ete, ke ukperedem, ke ini enye okoyomde ndibɔ eridiɔŋ nda, ekpɔnɔre enye enim ke ŋkaŋ kiet (enye ikonyuŋ ikwe ifet ndikabare esit), okposuk edi nte oyomde eridiɔŋ oro ye mmɔŋeyet.