LUKE 12:45 - Edisana ñwed Abasi Ibom

⁴⁵ Edi edieke asaŋutom oro edidɔhɔde ke esit esie ete, Ete-ufɔk mi ebigi eridi, edinyuŋ ɔtɔŋɔde ndimia ifin iren ye ifin iban eken, ndinyuŋ ndia ŋkpɔ, nnyuŋ ŋŋwɔŋ mmin nyuhɔ;

LUKE 12:45 ပူးပေါင်းရင်းမြစ်များ

ŊWED JOB 24:23

Enye (Abasi) ɔnɔ enye ifure, ndien enye eberi edem; Enye onyuŋ etiŋ enyin ke usuŋ mmɔ.

ISAIAH 65:6

Jehovah ɔdɔhɔ ete, Sese, emewet enye ke iso mi: ndidopke uyo, ibɔhɔke ini nsosio usiene, nsosio mme idiɔk ido mbufo, ye eke mme idiɔk ido mme ete mbufo, ini kiet, nsin mmɔ ke ikpanesit;

JEREMIAH 20:2

Ndien Pashhur amia Jeremiah prophet, onyuŋ esin enye ke ebuka oro odude ke enyɔŋ-enyɔŋ inua-otop Benjamin emi odude ke ufɔk Jehovah.

EZEKIEL 12:22

Eyen owo, nso ŋke ke mbufo etop emi ebaŋa isɔŋ Israel, ete ke mme usen ebigi, kpukpru ŋkukut enyuŋ etak?

EZEKIEL 34:8

Ɔbɔŋ Jehovah ɔdɔhɔ, ete, Ma uwem mi, koro ufene mi ekabarede edi mbume, ufene mi enyuŋ ekabare edi udia kpukpru mme unam ikɔt, koro owo eke ekpemede miduhe, mme ɔbɔk-ufene mi minyuŋ ibineke ufene mi, mme ɔbɔk enyuŋ ebɔk idem mmɔ ndien ibɔkke ufene mi;

MATTHEW 22:6

ndien mmɔ emi esukde emum ikɔt esie, enam mmɔ ido esuene, enyuŋ ewot mmɔ.

LUKE 12:44

Ke akpanikɔ ke ndɔhɔ mbufo nte, ete ufɔk esie eyenam enye edi andikara kpukpru se enyenede.

LUKE 12:46

ete-ufɔk owo oro eyedi ke usen eke enye midorike enyin, ye ke hour eke enye mifiɔkke, eyenyuŋ amia enye akamba ufen, onyuŋ ɔnɔ enye udeme ke otu mmɔ emi minimke ke akpanikɔ.

LUKE 21:34

Edi ekpeme idem mbufo, mbak uyuhɔ udia ye mmin ye ekikere uwem emi edinam esit mbufo odobi, ndien usen oro edibuat mbufo nte ekpɔ;

JOHN 2:10

Kpukpru owo ebem iso ɔnɔ owo eti wine; ndien ke ini mme owo ema ekeŋwɔŋ ediwak, ɔnɔ mmɔ se mifɔnke ikan; afo omomum eti wine onim tutu osim emi.

UTOM MME APOSTLE 2:18

Ke eyo oro nyeŋwaŋa Spirit Mi Ndori ifin iren Mi ye ifin iban Mi; Mmɔ eyenyuŋ etiŋ prophecy.

ŊWED MBON ROME 16:18

Edianare ekpɔŋ mmɔ. Koro mmɔ emi etiede ntre inamke utom inɔ Ɔbɔŋ nnyin Christ, edi enam enɔ mme idiɔk udɔŋ mmɔ: ndien mmɔ eda nnem-inua ye inem-inem ndutiŋ eyut mme ɔkɔi esit ekabare.

2 ŊWED CORINTH 11:20

Mbufo eme ime ye owo, ye enye adade mbufo oduk ufin, ye enye adiade inyene mbufo, ye enye adade ŋkari omum mbufo, ye enye ataŋde idem, ye enye oyibide mbufo ke mbaŋ.

DEUTERONOMY 12:12

ndien mbufo, ye nditɔ-iren mbufo, ye nditɔ mbufo iban, ye ifin iren mbufo, ye ifin iban mbufo, eyedat esit ke iso Jehovah, ye mme Levite emi edude ke mme obio mbufo: koro mmɔ midaha ubak ye udeme ke otu mbufo.

1 ŊWED THESSALONICA 5:7

Koro mmɔ eke edede idap ede ke okoneyo; mmɔ eke enyuŋ ekpade mmin ekpa mmin ke okoneyo.

2 PETER 2:13

Mmɔ ebat ete edi ŋkpɔ inemesit ndidu otime uwem ke uwemeyo; mmɔ edi ɔkɔp ye ndo, emi enamde ido otime-otime ke usɔrɔ ima mmɔ, ke ini mmɔ ediade udia ye mbufo.

2 PETER 2:19

Mmɔ eŋwɔŋɔ enɔ mmɔ ete iyenam mmɔ ebɔhɔ ufin, kpa ke ini mmɔ ke idem mmɔ edukde ufin enɔ nsobo; koro owo odukde ufin ɔnɔ ŋkpɔ ekededi eke akande enye.

ERIYARARE 16:6

koro owo ema eduɔk iyip nti ikɔt Fo ye mme prophet Fo; ndien Afo omonyuŋ ɔnɔ mmɔ iyip eŋwɔŋ: mmɔ edot ufen emi.

ERIYARARE 18:24

ndien ke obio emi ema ekut iyip mme prophet ye nti ikɔt Abasi, ye iyip kpukpru mmɔ emi owo ekewotde ke isɔŋ.