LUKE 12:42 - Edisana ñwed Abasi Ibom

⁴² Ndien Ɔbɔŋ ɔdɔhɔ ete, Anie ndien edi akama-ukpɔhɔre, emi anamde akpanikɔ onyuŋ edide ɔniɔŋ, emi ete-ufɔk esie edinimde enye nte andikara kpukpru mbon ufɔk esie, man enye edeme udia ɔnɔ mmɔ ke edikem ini?

LUKE 12:42 ပူးပေါင်းရင်းမြစ်များ

EXODUS 36:4

Ekem kpukpru mbon eti ibuot, emi enamde kpukpru utom edisana efe, kiet kiet ekpɔŋ utom mmɔ emi mmɔ enamde;

MME ŊKE 12:8

Adaŋa nte owo asiande, ke eda etoro enye: edi eyesuene owo eke akwaŋade ke esit.

MME ŊKE 15:23

Owo enyene inemesit ke ibɔrɔ inua esie: ndien ikɔ ke ekem ini nsifɔn ntem?

MME ŊKE 27:18

Owo eke ekpemede eto fig eyedia mfri esie: ndien owo eke ebetde ete esie eyenyuŋ ada ukpono.

MME ŊKE 31:15

Adaha ke enyɔŋ ke edide kaŋa okoneyo, ɔnɔ ufɔk esie udia, ɔnɔ nditɔ-iban esie udeme.

ISAIAH 50:4

Ɔbɔŋ Jehovah ɔmɔnɔ mi edeme mmɔ eke ekpepde ŋkpɔ, man mfiɔk ndida ikɔ ŋŋwam mmɔ eke ekpade mba: enye eyedemere, eyedemere mi utɔŋ kpukpru usen-ubɔk, man ŋkop kpa nte mmɔ eke ekpepde ŋkpɔ.

JEREMIAH 23:4

Ndien nyedori mme ɔbɔk eke edibɔkde mmɔ, ndien mmɔ idifeheke aba ndik, idem idinyuŋ ikpaha aba mmɔ, mmɔ idinyuŋ isopke: ke edi Jehovah ɔdɔhɔ.

EZEKIEL 34:3

Mbufo edia mmɔŋ eba enyuŋ esine idet ke idem, ewot mmɔ eke ekponide; edi ibɔkke ufene.

MATTHEW 13:52

Mmɔ ete Enye, Nnyin imɔfiɔk, Ɔbɔŋ. Edi Enye ɔdɔhɔ mmɔ ete, Kpukpru scribe ndien, emi enamde enye edi owo mbet ke Obio Ubɔŋ Heaven, ebiet enyene-ufɔk, eke osioŋode mbufa ŋkpɔ ye ŋkani ŋkpɔ ke ubet-unim-inyene esie.

MATTHEW 20:8

Enye ete mmɔ, Mbufo nde eduk ke iŋwaŋ-vine. Ekem ke ini osimde mbubreyo, enyene-iŋwaŋ-vine ɔdɔhɔ akama-ukpɔhɔre esie ete, Kot mbon-utom edi, nyuŋ nɔ mmɔ okuk mmɔ, ɔtɔŋɔde ke ekperedem osim ebe-iso.

LUKE 12:43

Ɔfɔfɔn ɔnɔ asaŋutom oro ete-ufɔk esie edidide okut enye anamde ntem.

LUKE 7:13

Ndien ke adaŋemi Ɔbɔŋ okutde ŋwan oro, atua enye mbɔm, onyuŋ ɔdɔhɔ enye ete, Kutua.

LUKE 7:19

Ndien John okot owo iba ke otu mbet esie, onyuŋ ɔdɔŋ mmɔ etiene Ɔbɔŋ ekebup Enye ete,

UTOM MME APOSTLE 20:28

Etim ese idem mbufo, ye ofuri otu erɔŋ, emi Edisana Spirit okonimde mbufo ke mme andikpeme mmɔ, ete ebɔk mbon ufɔk Abasi, emi Enye ekedepde ke iyip Esie.

1ŊWED TIMOTHY 3:15

edi edieke mbigide ndidi, ŋwet man afo ɔfiɔk usuŋ nte owo ekpedude uwem ke ufɔk Abasi; emi edide ufɔk odu uwem Abasi, adaha ye isɔŋ eke akpanikɔ Abasi odorode ke esit.

1ŊWED TIMOTHY 5:17

Yak ebat ete, mbiowo eke etimde ekara edot akwa utip; akpan-akpan mmɔ emi ekpade utom ke ukwɔrɔ-ikɔ ye ukpep-ŋkpɔ.

2 ŊWED TIMOTHY 4:2

Sin ifik nam emi, ke edide ekem ini, ye ke minyuŋ idige ekem ini, wut mme owo ndudue mmɔ, sua nɔ mmɔ, kpe ye mmɔ; saŋa ye ofuri ime ye erikpep nam utom emi.

TITUS 1:7

Koro ada idaha ufɔk Abasi enyenede ndidi owo eke mme owo minyeneke se etiŋde edian, nte akama-ukpɔhɔre Abasi. Enye inyeneke ndidi itun, inyeneke ndisɔp nyat esit, inyeneke ndidi owo mmin ye ifiopesit, enye ikponyuŋ idiɔkke itɔŋ ibine idiɔk udori.

MME HEBREW 13:17

Ekop uyo mme andida mbufo usuŋ, enyuŋ esuk ibuot enɔ mmɔ; koro mmɔ ekpemede eyom ufɔn ukpɔŋ mbufo, nte mmɔ emi enyenede ndinɔ Abasi ibat; man mmɔ enam utom ke idara, ekunam ke mfuhɔ; koro emi midorike udori inɔ mbufo.

MME HEBREW 13:7

Eti mmɔ emi ekadade mbuot usuŋ, emi eketiŋde ikɔ Abasi enɔ mbufo. Etim ese se uwem mmɔ ɔwɔrɔde ke akpatre, enyuŋ ekpebe mbuɔtidem mmɔ.

MME HEBREW 3:5

Ndien ke akpanikɔ Moses akanam akpanikɔ ke ofuri ufɔk Abasi nte asaŋutom, man enye edi ntiense mme ŋkpɔ eke editiŋde ke ukperedem;

1 PETER 4:10

Adaŋa nte mbufo kiet kiet ema ekebɔ enɔ ke ubɔk Abasi, eda enam ŋkpɔ enɔ kiet eken nte nti mme akama-ukpɔhɔre nsio-nsio ufɔn Abasi.