LUKE 12:4 - Edisana ñwed Abasi Ibom

⁴ Edi mmɔdɔhɔ mbufo, mme ufan Mi, nte, Ekufehe mmɔ emi ewotde ikpɔhidem, ndien ke ebede oro, mikemeke ndinam nkpɔ efen.

LUKE 12:4 ပူးပေါင်းရင်းမြစ်များ

MME ŊKE 29:25

Uteŋe owo ɔkɔk afia onim: edi eda owo eke ɔbuɔtde idem esie ye Jehovah emenere enye enim ke enyɔŋ.

IKWƆ SOLOMON 5:1

O EYEN-EKA mi, ŋwan mi, mmoduk ke iŋwaŋ mi: mmɔŋ ntaŋ myrrh mi, ye ufuɔŋkpɔ mi, mmɔŋ ndia aran-ɔkwɔk mi, ye obukpa ɔkwɔk mi; mmɔŋ ŋŋwɔŋ wine mi ye mmɔŋ-eba mi. O mme ufan, mbufo edia: mbufo, mbon ima, eŋwɔŋ, eŋwɔŋ uwak-uwak.

IKWƆ SOLOMON 5:16

Inua esie eniŋe eti-eti: ofuri idem esie onyuŋ enem akan. Emi edi ama mi, emi onyuŋ edi ufan mi, O nditɔ-iban Jerusalem.

ISAIAH 41:8

Edi afo, Israel, owo mi, Jacob emi mmekde fi, ubon Abraham ufan mi:

JEREMIAH 1:17

Afo, ndien, bɔbɔ mbɔbɔ ke isin fo, nyuŋ daha da, nyuŋ nam kpukpru se ami nditemede fi tiŋ nɔ mmɔ: kuyak esit ɔduɔ fi ubaŋa mmɔ, mbak ami ndinam esit ɔduɔ fi ke iso mmɔ.

JEREMIAH 1:8

Kufehe iso mmɔ; koro ami ndude ye afo ndinyaŋa fi; Jehovah ɔdɔhɔ.

JEREMIAH 41:18

ebak mme Chaldean, koro efehede mmɔ, koro Ishmael eyen Nethaniah okowotde Gedaliah eyen Ahikam, emi edidem Babylon okonimde ke etubom isɔŋ.

EZEKIEL 2:6

Afo, ŋko, eyen owo, kufehe mmɔ, kunyuŋ udikhe ubaŋa ikɔ mmɔ koro akpap ye ŋkukim ŋkpɔ edude ye afo, afo onyuŋ oduŋ ke otu scorpion: kufehe ubaŋa ikɔ mmɔ, kunyuŋ udikhe ubaŋa iso mmɔ, koro mmɔ edide ufɔk nsɔŋ-ibuot.

MATTHEW 10:28

Ekunyuŋ efehe mmɔ emi ewotde ikpɔhidem, edi mikemeke ndiwot ukpɔŋ: edi ekam efehe Enye emi ekemede ndisobo ukpɔŋ ye ikpɔhidem ke hell.

JOHN 15:13

Baba owo kiet inyeneke ima eke okponde akan enye emi, owo ndikpayak uwem esie nduɔk kabaŋa mme ufan esie.

UTOM MME APOSTLE 20:24

Edi mbatke uwem mi ke ŋkpɔ, man ŋkeme ndifehe mbuba mi mma, nnyuŋ nnam utom oro Ɔbɔŋ Jesus ɔnɔde mi, ete ŋkwɔrɔ gospel mfɔn Abasi.

UTOM MME APOSTLE 4:13

Ke adaŋemi mmɔ ekutde uko Peter ye John, enyuŋ efiɔkde ete mmɔ edi mbon emi mikekpepke ŋwed, enyuŋ edide ndisime ke ifiɔk ŋwed, idem akpa mmɔ; mmɔ enyuŋ ekabare efiɔk ete mmɔ oro ekodu ye Jesus.

ŊWED MBON PHILIPPI 1:28

mme asua mbufo ekusin mbufo ndik ke idem ke baba ŋkpɔ kiet: emi edinyuŋ edide idiɔŋɔ nsobo ɔnɔ mmɔ, edi edidi idiɔŋɔ erinyaŋa ɔnɔ mbufo; idiɔŋɔ oro onyuŋ oto Abasi.

JAMES 2:23

Ntem se ekewetde osu, ete, Abraham onim Abasi ke akpanikɔ, ndien ebat oro enɔ enye ke edinen ido; enyuŋ ekot enye, ete, Ufan Abasi.

1 PETER 3:14

Edi edieke mbufo ekutde ndutuhɔ ŋko ke ntak edinen ido, osuk ɔfɔfɔn ɔnɔ mbufo. Ekufehe se mmɔ etiŋde ndidikhe mbufo, ekunyuŋ eyak esit otimere mbufo;

ERIYARARE 2:10

Kunyene ndik ubaŋa ukut eke ɔmɔŋ edisim fi. Sese, Satan ɔmɔŋ edisin ndusuk mbufo ke ufɔk-ŋkpɔkɔbi, man edomo mbufo ese, ndien mbufo eyekut ukut ke usen duop. Wut idem nte anam-akpanikɔ tutu osim mkpa, ndien nyenɔ fi anyanya uwem.