LUKE 12:32 - Edisana ñwed Abasi Ibom

³² Ekufehe ndik, ekpri otu erɔŋ; koro edide eti uduak Ete mbufo ndida Obio Ubɔŋ oro nnɔ mbufo.

LUKE 12:32 ပူးပေါင်းရင်းမြစ်များ

ISAIAH 40:11

Enye eyebɔk ikɔt esiemɔ nte ɔbɔk ufene: eyetaŋ nditɔ erɔŋ ke ubɔk esie, akama ke ikpanesit esie, onyuŋ ada mme ɔnɔ-mmɔŋeba usuŋ.

ISAIAH 41:14

Kufehe, afo Jacob utuŋ, ye mbufo mbio Israel; Jehovah ɔdɔhɔ ete, Ami mmaŋwam fi; ndien andifak fi edi Edisana Abasi Israel.

ISAIAH 53:6

Kpukpru nnyin idiyo nte erɔŋ: kpukpru nnyin ikabare iduk ke usuŋ nnyin; ndien Jehovah ada idiɔk ido nnyin kpukpru odori enye ke idem.

JEREMIAH 3:19

Edi ami ndɔhɔ nte, Ndinam didie nsin fi ke otu nditɔ mi, nnyuŋ nnɔ fi isɔŋ inemesit, kpa ata ediye udeme udim mme idut? Ndien ndɔhɔ nte, Kot mi, ete, Ete mi: kunyuŋ ufiak edem ukpɔŋ mi.

MATTHEW 14:27

Edi idaha oro Jesus etiŋ ikɔ ye mmɔ ete, Esɔŋ esit; edi Ami; ekufehe ndik.

MATTHEW 20:16

Ntre ke mme ekperedem eyebem iso, mme ebe-iso eyenyuŋ ekpere edem.

MATTHEW 25:34

Ekem Edidem eyedɔhɔ mmɔ emi edude ke ubɔk nnasia, ete, Edi, mbufo emi Ete Mi ɔdiɔŋde, edida ubɔŋ emi ekonimde enɔ mbufo toto ke eritɔŋɔ ererimbot.

MATTHEW 7:15

Ekpeme idem mbak prophet abiaŋa emi efɔrɔde ikpa erɔŋ edi ke ɔtɔ mbufo, kpa ke ini mmɔ edide anawuri-ekpe ke esit mmɔ.

LUKE 10:21

Ke ini oro Jesus okop idaresit ke Edisana Spirit, onyuŋ ɔdɔhɔ ete, Mmɔkɔm Fi, O Ete, Ɔbɔŋ enyɔŋ ye isɔŋ, koro Afo okodipde mbon eti ibuot ye mme asian mme ŋkpɔ emi, onyuŋ ayararede mmɔ ɔnɔ nsek-nditɔ. Edi ntre, Ete, koro enemde Fi ntem ke enyin.

JOHN 18:36

Jesus ɔbɔrɔ ete, Obio Ubɔŋ Mi idige eke ererimbot emi: edieke Obio Ubɔŋ Mi ekpedide eke ererimbot emi, ikɔt Mi ekpe-ŋwana eŋwan, mbak ediyak Mi esin mme Jew ke ubɔk: edi Obio Ubɔŋ Mi itoho do.

UTOM MME APOSTLE 20:28

Etim ese idem mbufo, ye ofuri otu erɔŋ, emi Edisana Spirit okonimde mbufo ke mme andikpeme mmɔ, ete ebɔk mbon ufɔk Abasi, emi Enye ekedepde ke iyip Esie.

UTOM MME APOSTLE 20:29

Mmɔfiɔk nte ke mma nnyɔŋ, mme idiɔk unam eyeduk ke otu mbufo, idiyuŋ ituaha otu erɔŋ mbɔm;

ŊWED MBON ROME 6:23

Koro ŋkpɔ-eyen-utom idiɔk-ŋkpɔ edi mkpa, edi enɔ Abasi edi nsinsi uwem ke Christ Jesus Ɔbɔŋ nnyin.

1 ŊWED CORINTH 1:21

Sia Abasi okonimde ke ɔniɔŋ Esie, ete ererimbot ekuda eti ibuot eke mmɔ efiɔk Imɔ, ɔfɔn Abasi ke enyin ndida ukwɔrɔ-ikɔ, emi owo esede ke ndisime, nnyaŋa mmɔ emi enimde ke akpanikɔ.

ŊWED MBON PHILIPPI 2:13

koro edi Abasi esine mbufo ke idem anam mbufo enyime enyuŋ enam, man eti uduak Esie ediwɔrɔ.

2 ŊWED THESSALONICA 1:11

Kabaŋa ŋkpɔ emi nnyin ikpe ubɔk kpukpru ini inɔ mbufo, ite, Abasi nnyin akpakam abat ete mbufo edot ikot emi ekekotde mbufo, onyuŋ ada odudu Esie anam kpukpru eti uduak ye kpukpru utom mbuɔtidem ɔwɔrɔ osu ɔnɔ mbufo;

2 ŊWED THESSALONICA 1:5

emi edide iŋwaŋ-iŋwaŋ idiɔŋɔ edinen ikpe Abasi; man ebat ete mbufo emedot ndiduk ke Obio Ubɔŋ Abasi, emi ekutde ndutuhɔ ebaŋa enye;

MME HEBREW 12:28

Mmɔdo sia nnyin inyenede Obio Ubɔŋ eke ŋkpɔ mikemeke ndinyeŋe, yak nnyin inyene esit ekɔm, inyuŋ ida emi inɔ Abasi, utom eke enemde Enye esit ke ukpono ye uteŋe.

JAMES 2:5

Ekop, ndima nditɔ-ete mi; nte Abasi ikemekke mmɔ emi ebuenede ke ŋkpɔ ererimbot emi, ite mmɔ eforo ke mbuɔtidem, enyuŋ enyene Obio Ubɔŋ emi Enye ɔkɔŋwɔŋɔde ndinɔ mmɔ emi emade Enye?

2 PETER 1:11

koro edi ntem ke edinɔ mbufo ɔyɔhɔ odudu ndibe nduk ke nsinsi Obio Ubɔŋ Ɔbɔŋ ye Andinyaŋa nnyin Jesus Christ.

ERIYARARE 1:6

Enye omonyuŋ anam nnyin idi obio Ubɔŋ, idi mme oku inɔ Abasi ye Ete Esie; enɔ Enye ubɔŋ ye erikara ekondo ke nsinsi-nsinsi. Amen.

ERIYARARE 22:5

enyiŋ Esie eyenyuŋ odu mmɔ ke ɔkpɔ-iso. Okoneyo idinyuŋ iduhe aba; mmɔ inyuŋ iyomke uŋwana utuen-ikaŋ mme uŋwana utin; koro Ɔbɔŋ Abasi mmɔ eyenɔ mmɔ uŋwana, ndien mmɔ eyeda ubɔŋ ke nsinsi-nsinsi.