LUKE 12:21 - Edisana ñwed Abasi Ibom

²¹ Ntem ke etie ye owo eke ɔkɔde inyene ɔnɔ idem esie, edi minyeneke inyene ke ŋkaŋ Abasi.

LUKE 12:21 ပူးပေါင်းရင်းမြစ်များ

MME ŊKE 13:7

Enyene owo eke ɔdɔhɔde, ete, ke imɔ imenyene ŋkpɔ, ndien baba ŋkpɔ kiet iduhe: enyene eke ɔdɔhɔde, ete, ke imɔ imebuene ndien inyene awak.

HOSEA 10:1

ISRAEL edi vine eke asiahade, enye oŋwum mfri ɔnɔ idem esie: adaŋa nte mfri esie awakde, itie-uwa esie enyuŋ ewak; adaŋa nte ɔfɔnde ye isɔŋ mmɔ, mmɔ enam edifɔn mbiet ŋkpɔ.

HABAKKUK 2:9

Osuk ɔdɔdiɔk ɔnɔ owo eke adiade idiɔk udori ɔnɔ ufɔk esie, onyuŋ emenerede efɔk esie onim ke enyɔŋ:

LUKE 12:33

Enyam se mbufo enyenede eda efɔn ido ye mme ubuene; enam ekpat-okuk eke midikanike enɔ idem mbufo; ebon inyene ke heaven eke midikpuhu mbufo, ke ɔtɔ inɔ misaŋake ikpere, uta-ŋkpɔ minyuŋ ibiatke.

LUKE 16:11

Ntem edieke mbufo midaha ukwaŋ mammon inam akpanikɔ, anie edisin mbufo ata inyene ke ubɔk?

LUKE 6:24

Eyedɔdiɔk ɔnɔ mbufo mbon inyene! koro mbufo emenyene ndɔŋesit mbufo.

ŊWED MBON ROME 2:5

edi ke nsɔŋesit fo ye unana erikabare-esit fo, ɔkɔ iyaresit onim ɔnɔ idem fo ke usen iyaresit ye eriyarare edinen ubiere-ikpe Abasi;

2 ŊWED CORINTH 6:10

edi idu ke idaresit kpukpru ini; ete, enye edi idem-idem owo, edi ke inanam ediwak owo ekabare mbon inyene; ete, enye inyeneke baba ŋkpɔ kiet, edi imenyene kpukpru ŋkpɔ.

1ŊWED TIMOTHY 6:9

Edi mmɔ eke eyomde ndidi mbon inyene eduɔ esine ke idomo ye afia ye ediwak ndisime ye idiɔk udɔŋ, eke edudide owo esuhɔre ke nditaha ye nsobo.

JAMES 2:5

Ekop, ndima nditɔ-ete mi; nte Abasi ikemekke mmɔ emi ebuenede ke ŋkpɔ ererimbot emi, ite mmɔ eforo ke mbuɔtidem, enyuŋ enyene Obio Ubɔŋ emi Enye ɔkɔŋwɔŋɔde ndinɔ mmɔ emi emade Enye?

ERIYARARE 2:9

Mmɔfiɔk ukut ye ubuene fo (edi emenyene inyene) ye isuŋi emi ɔbɔde ke ubɔk mmɔ emi edɔhɔde ete idi mme Jew, minyuŋ idige, edi edi synagogue Satan.