LUKE 12:19 - Edisana ñwed Abasi Ibom

¹⁹ Ndien nyedɔhɔ ukpɔŋ mi nte, Ukpɔŋ mi, omobon ediwak ŋkpɔ nte edikemde ediwak isua; da nduɔk-odudu, dia nyuŋ ŋwɔŋ, nyuŋ dat esit.

LUKE 12:19 ပူးပေါင်းရင်းမြစ်များ

ŊWED JOB 14:1

OWO eke ŋwan amande ɔmuhɔ usen, onyuŋ ɔyuhɔ ukut:

ŊWED MME PSALM 49:18

Koro enye eyediɔŋ ukpɔŋ esie ke uwem esie: ndien owo eyetoro fi, koro afo ɔfɔnde ido ye idem fo.

ŊWED MME PSALM 62:10

Mbufo ekubuɔt idem ke ufik, ekunyuŋ ebure ke mbume: ke ini inyene etɔtde, mbufo ekusin esit ke mmɔ.

MME ŊKE 10:2

Inyene idiɔk ido idoroke: edi edinen ido osio owo efep ke mkpa.

MME ŊKE 14:24

Anyanya mbon eti ibuot edi inyene mmɔ: edi ubɔŋ mbon ndisime edi ebiɔ.

MME ŊKE 18:11

Inyene ɔbɔŋ edi ɔkpɔsɔŋ obio esie, enye onyuŋ ese ete ke etie nte edikoŋ ibibene.

MME ŊKE 23:5

Nte afo ediyak enyin fo efe oduk ke esit? Amanam, enye iduhe: koro enye editibede mba ke idem esie: enye efe ɔnyɔŋ ke heaven nte ntrukpom.

MME ŊKE 27:1

KUBURE mbure ubaŋa mkpɔŋ: koro afo mufiɔkke se usen kiet edimande.

ECCLESIASTES 11:9

O akparawa, dara ke uyen fo; yak esit fo onyuŋ enem fi ke usen emi afo edide akparawa, nyuŋ tiene usuŋ esit fo, ye se enyin fo okutde: edi fiɔk ete ke Abasi edikot fi edi ikpe abaŋa kpukpru ŋkpɔ emi.

ECCLESIASTES 2:24

Baba ŋkpɔ kiet ifɔnke ye owo, ikan ndidia ŋkpɔ, nnyuŋ ŋŋwɔŋ, nnyuŋ nnam ukpɔŋ esie adia se ifɔnde ke utom esiemɔ. Ama edi emi ŋko, ami mmokut nte ke oto Abasi ke ubɔk.

ISAIAH 22:13

Ndien sese mbre ye idara, ke ewot enaŋ, ke ewot erɔŋ, ke eta unam, enyuŋ eŋwɔŋ wine: “Eyak nnyin ita inyuŋ iŋwɔŋ, koro iyekpa mkpa mkpɔŋ.”

ISAIAH 5:11

Ifɔnke fɔn inɔ mmɔ eke ebakde edaha ke usenubɔk ebine mmin: ebigi ke okoneyo, wine obubere mmɔ ibuot!

ISAIAH 5:8

Ifɔnke fɔn inɔ mmɔ eke ekɔtde ufɔk ke ufɔk, edian iŋwaŋ ke iŋwaŋ, tutu ebiet iduhe, mbufo enyuŋ eduŋ ikpɔŋ ke ufɔt isɔŋ.

ISAIAH 56:12

“Mbufo edi! nyeda wine ndi, ndien nnyin iyeŋwɔŋ mmin ikpa; ndien mkpɔŋ eyetie kpa nte mfin, akamba, awak akaha.”

HOSEA 12:8

Ndien Ephraim ɔdɔhɔ ete, Ŋkɔm mmoforo, mmɔkɔ inyene nnɔ idem mi: ke baba utom mi kiet mmɔ idikwe idiɔk ŋkpɔ ye ami eke edide ŋkpɔ isop.

AMOS 6:13

emi edatde esit ke se midige ŋkpɔ; edɔhɔ, ete, Nte nnyin idaha odudu nnyin idori nduk ke idem nnyin?

HABAKKUK 1:16

Mmɔdo mmɔ ewade idiɔŋ enɔ iyire mmɔ, enyuŋ efɔpde incense enɔ mukanda mmɔ; koro oto mmɔ udeme mmɔ enyene isek, udia mmɔ onyuŋ enyene ikpɔŋ.

LUKE 12:18

Ndien enye ɔdɔhɔ ete, Nyenam emi: nyewuri mme ufɔk-ubon-udia mi, nnyuŋ mbɔp se ikponde ikan; do ke ndibon kpukpru mfri ye inyene mi.

LUKE 16:19

Owo inyene kiet okodu emi esinede eti ididuot ɔfɔŋ-idem ye eti ɔfɔŋ linen, onyuŋ adiade edinem udia kpukpru usen.

LUKE 21:34

Edi ekpeme idem mbufo, mbak uyuhɔ udia ye mmin ye ekikere uwem emi edinam esit mbufo odobi, ndien usen oro edibuat mbufo nte ekpɔ;

1 ŊWED CORINTH 15:32

Edieke mma ŋkaŋwana ye mme idiɔk unam ke Ephesus, nte owo edɔhɔde, nso udori ke oro ada ɔsɔk mi? Edieke minamke mme akpa-mkpa eset, yak idia inyuŋ iŋwɔŋ, koro iyekpa mkpa mkpɔŋ.

ŊWED MBON PHILIPPI 3:19

Nsobo eyedi utit mmɔ, idibi mmɔ edi abasi mmɔ, mmɔ eseŋ ke se isuenede mmɔ, mmɔ ekere ŋkpɔ isɔŋ emi.

1ŊWED TIMOTHY 5:6

Edi ebe-akpa eke ɔduɔde oduk ke mbre amakpa ke eyo uwem.

1ŊWED TIMOTHY 6:17

Sɔŋɔ dɔhɔ mme enyene-ŋkpɔ ke eyo emi, ete mmɔ ekumenere idem, ekunyuŋ edori enyin ke se iyaŋade owo nte enyene, edi edori enyin ke Abasi, emi ɔnɔde nnyin kpukpru ŋkpɔ uwak-uwak, ete idara ke esit.

2 ŊWED TIMOTHY 3:4

mmɔ edi mme ada owo nnɔ mme asua, ye mbon idiɔk iwuk, ye mbon ŋkohore-idem; mmɔ ema mbre ekan Abasi;

JAMES 5:5

Mbufo edu uwem, edia nti ŋkpɔ ke isɔŋ, enyuŋ ebine mbre; emebɔk esit mbufo ke usen afai.

1 PETER 4:3

Koro ini emi ama ebe ekem mbufo ndida nnam se idɔŋde mme Gentile itɔŋ, kpa ini emi mbufo esaŋade edu uwem ke use, ye idiɔk itɔŋ, ye eriyuhɔ mmin, ye otime-otime ido, ye eriŋwɔŋ mmin, ye obukpo erikpono ndem;

ERIYARARE 18:7

Adaŋa nte enye akataŋde idem, onyuŋ odude uwem edinem-edinem, kpasuk ntre nɔ enye ndutuhɔ ye eyet. Koro enye ɔdɔhɔ ke esit esie ete, Ntie okim nte ɔbɔŋ-aŋwan, ndige ebe-akpa, ndinyuŋ ŋkwe ntuaŋa.

1 SAMUEL 30:16

Ekem adaŋemi enye akadade enye ɔsuhɔre, sese, mmɔ efuk ofuri iso isɔŋ, ke edia ŋkpɔ, enyuŋ eŋwɔŋ, enyuŋ enek unek, ebaŋa adaŋa ekese mbume oro mmɔ ekebumede ke isɔŋ mme Philistine, ye ke isɔŋ Judah.