LUKE 11:42 - Edisana ñwed Abasi Ibom

⁴² Edi eyedɔdiɔk ɔnɔ mbufo mme Pharisee, koro mbufo esiode ubak ikɔŋ ye etidot ye kpukpru oruk ikɔŋ udia kiet ke itie duop enɔ Abasi, enyuŋ ekaŋade edinen ikpe ye ima Abasi: mbufo ekpanam ŋkpɔ emi, ikponyuŋ itreke ndinam mmɔ eken.

LUKE 11:42 ပူးပေါင်းရင်းမြစ်များ

NEHEMIAH 10:37

ke nnyin inyuŋ ida akpa edikɔk ibokpot nnyin, ye edimenere uwa nnyin, ye mfri kpukpru oruk eto, ye wine, ye aran, isɔk mme oku ke ubet-unim-ŋkpɔ ufɔk Abasi nnyin; inyuŋ inɔ mme Levite ɔyɔhɔ mbak iŋwaŋ nnyin duop, man mme Levite oro enyuŋ eda ɔyɔhɔ mbak duop ke kpukpru obio eke nnyin inamde utom iŋwaŋ.

MME ŊKE 21:3

Jehovah ama erinam eti ido ye edinen ikpe akan uwa.

ECCLESIASTES 7:18

Ɔfɔn nte afo ɔsɔŋɔde omum emi; kunyuŋ usio ubɔk ke ŋkpɔ emi ufep: koro owo eke abakde Abasi eyewɔrɔ ke mme mmɔ emi kpukpru ɔbɔhɔ.

MICAH 6:8

O owo, enye omowut fi se ifɔnde; ndien nso ke Jehovah oyom ye afo, ke mibɔhɔke ndinam se inende, nnyuŋ mma ima Abasi, nnyuŋ nsuk idem nsaŋa ye Abasi fo?

MALACHI 1:6

Eyen okpono ete, ofin onyuŋ okpono andinyene enye: edi edieke ami ndide ete, ukpono mi odu mmɔŋ? Edieke ami nnyuŋ ndide andinyene, uteŋe mi odu mmɔŋ? Ntem ke Jehovah mme udim ɔdɔhɔ mbufo mme oku emi esede enyiŋ mi ke ndek. Ndien mbufo ebup ete, Ke didie ke nnyin ise enyiŋ fo ke ndek?

MALACHI 2:17

Mbufo emefek Jehovah ke ikɔ mbufo: ndien mbufo edɔhɔ ete, Nnyin ifek enye ke nso? Koro mbufo edɔhɔde ete, Kpukpru mmɔ eke enamde idiɔk efɔn ke iso Jehovah, mmɔ enyuŋ enem enye esit: edɔhɔ ete, Abasi ikpe odu mmɔŋ?

MALACHI 3:8

Nte owo okpotuk Abasi, koro mbufo etukde mi? Ndien mbufo edɔhɔ ete, Nnyin ikotuk fi ke nso? Ke ɔyɔhɔ mbak ŋkpɔ duop ye ke edimenere uwa.

MATTHEW 23:13

Edi eyedɔdiɔk ɔnɔ mbufo, mme scribe ye mme Pharisee, mbon mbubik! koro mbufo eberi Obio Ubɔŋ heaven ebaha owo: koro mbufo idukke ke idem mbufo, inyuŋ iyakke mmɔ emi eyomde ndiduk ebe eduk.

MATTHEW 23:23

Eyedɔdiɔk ɔnɔ mbufo, mme scribe ye mme Pharisee, mbon mbubik! koro mbufo esiode ubak ikɔŋ ye mfri ye mkpasip kiet ke itie duop enɔ Abasi, enyuŋ etrede ndinam ikpɔ ŋkpɔ ibet, ikpe, ye mbɔm, ye mbuɔtidem.

MATTHEW 23:27

Eyedɔdiɔk ɔnɔ mbufo, mme scribe ye mme Pharisee, mbon mbubik! koro mbufo ebietde udi eke eyetde ndom, eke eyede ndise edem-edem, edi ke esit-esit eyɔhɔde ye mme okpo mme akpa-mkpa ye kpukpru ndek.

LUKE 18:12

Ntre udia utim ikaba ke urua; nsosio ubak kiet ke itie duop ke kpukpru se nnyenede nnɔ Abasi.

JOHN 5:42

edi mmɔdiɔŋɔ mbufo nte mbufo inyeneke ima Abasi ke esit mbufo.

1 JOHN 4:20

Edieke owo ɔdɔhɔde ete, Mmama Abasi, ndien enye asua eyen-ete esie, enye edi osu-nsu; koro owo emi mimaŋa eyen-ete esie emi enye okokutde ke enyin ikemeke ndima Abasi emi enye mikekwe.

1 SAMUEL 15:22

Ndien Samuel ɔdɔhɔ ete, Nte edifɔp uwa ye uwa emem enem Jehovah esit nte edikop uyo Jehovah? Sese ŋkopuyo ɔfɔn akan uwa, mkpaŋutɔŋ onyuŋ ɔfɔn akan ikpɔŋ okukim.