LUKE 11:41 - Edisana ñwed Abasi Ibom

⁴¹ Ekam eda mme ŋkpɔ eke edude ke esit mmɔ enɔ mme ubuene, ndien sese, kpukpru ŋkpɔ esana enɔ mbufo.

LUKE 11:41 ပူးပေါင်းရင်းမြစ်များ

ŊWED MME PSALM 112:9

Enye amatat ubɔk, ɔnɔ mme ubuene ŋkpɔ; edinen ido esie ebigi ke nsinsi; ubɔŋ emenere nduk esie ke enyɔŋ.

ŊWED MME PSALM 41:1

ƆFƆFƆN ɔnɔ owo eke otimde ndinam ye eyen ubuene: Jehovah eyenam enye ɔbɔhɔ ke usen nnanenyin.

MME ŊKE 14:31

Owo eke efikde eyen ubuene esue Andibot enye: edi atua ubuene mbɔm okpono Enye.

MME ŊKE 16:6

Ima ye akpanikɔ esio isop idiɔk ido: uteŋe Jehovah onyuŋ esin owo akabare ɔkpɔŋ idiɔk.

MME ŊKE 19:17

Atua ubuene mbɔm ɔbuɔt Jehovah ŋkpɔ: ndien Enye eyenɔ enye usiene utom esie.

DANIEL 4:27

Yak item mi, ndien, O edidem, ɔfɔn ke iso fo; da eti ido kibi mme idiɔk ido fo fep, kibi mme ukwaŋ-ŋkpɔ fo fep ke eritua mme ubuene mbɔm; mme oro eyenam ifure fo ebigi.

MATTHEW 26:11

Koro mbufo emenyene mme ubuene ye mbufo kpukpru ini; edi mbufo inyeneke Mi kpukpru ini.

MATTHEW 5:42

Nɔ owo eke ebeŋede fi ŋkpɔ, kunyuŋ udaha ukpɔŋ owo eke oyomde ndibuɔt ŋkpɔ ke ubɔk fo.

MARK 7:19

koro midukke ke esit esie, edi oduk ke idibi esie, onyuŋ ɔwɔrɔ ke ufɔk ekwe? ntre ke Enye owut ete kpukpru udia esana.

LUKE 12:33

Enyam se mbufo enyenede eda efɔn ido ye mme ubuene; enam ekpat-okuk eke midikanike enɔ idem mbufo; ebon inyene ke heaven eke midikpuhu mbufo, ke ɔtɔ inɔ misaŋake ikpere, uta-ŋkpɔ minyuŋ ibiatke.

LUKE 16:9

Mmonyuŋ ndɔhɔ mbufo nte, eda mammon ukwaŋido ekɔ mme ufan enim enɔ idem mbufo; man kini oro ebede efep, mmɔ oro ekpada mbufo eduk ke nsinsi iduŋ.

LUKE 18:22

Edi ke ini Jesus okopde emi, ɔdɔhɔ enye ete, Ŋkpɔ kiet ke osuk anana fi kaŋa; nyam kpukpru se enyenede, deme nɔ mme ubuene, ndien enyenyene inyene ke heaven: nyuŋ di disaŋa ye Ami.

LUKE 19:8

Edi Zacchaeus adaha ada, onyuŋ ɔdɔhɔ Ɔbɔŋ ete, Ɔbɔŋ, ke nɔnɔ mme ubuene ubak inyene mi; onyuŋ edieke ŋkɔbɔde owo ŋkpɔ ke ŋkanubɔk, nsosio usiene utim ikanaŋ.

UTOM MME APOSTLE 10:15

Ndien uyo ɔtɔŋɔ ntak osim enye utim ikaba, ete, Kubat se Abasi anamde asana ke ibet.

UTOM MME APOSTLE 11:29

Ndien mbet eduak nditibe ŋkpɔ, adaŋa nte ukeme mmɔ kiet kiet edide, nnɔ esɔk nditɔ-ete emi eduŋde ke Judaea;

UTOM MME APOSTLE 24:17

Ke emi, ke ediwak isua ema ekebe, ndi edem emi ndida enɔ nsɔk mbio-obio nnyin nnyuŋ ŋwa uwa.

2 ŊWED CORINTH 8:12

Koro edieke erinyime esit odude, enem Abasi esit ndibɔ enɔ nte asaŋade ekekem ye se owo enyenede, idige nte ebede ukeme esie.

ŊWED MBON EPHESUS 4:28

edi yak enye akam anam ɔkpɔsɔŋ utom, ada ubɔk esie anam eti utom, man enye enyene se adade ɔnɔ owo eke odude ke unana.

TITUS 1:15

Kpukpru ŋkpɔ edi edisana ye mmɔ eke esanade; edi ye mmɔ eke ekesabarede idem minyuŋ inimke ke akpanikɔ, baba ŋkpɔ kiet idige edisana; edi ekikere mmɔ ye esit mmɔ edehe.

MME HEBREW 13:16

Ekufre ndinam eti ŋkpɔ ndinyuŋ mfɔn ido ye owo; koro oruk uwa emi enemde Abasi esit.

MME HEBREW 6:10

Koro Abasi ikwaŋake nte efrede utom mbufo ye ima enyiŋ Esie eke mbufo ewutde, ke emi mbufo ekenamde ŋkpɔ enɔ ikɔt Abasi, enyuŋ esuk enanam.

JAMES 1:27

Ido Abasi eke asanade, minyuŋ ideheke ke iso Abasi Ete nnyin edi, ndisaŋa nse nditɔ-akpa ye mme ebe-akpa ke ukut mmɔ, ndinyuŋ ŋkpeme idem ke idiɔk-ŋkpɔ emi odude ke ererimbot.