LUKE 11:4 - Edisana ñwed Abasi Ibom

⁴ Koro nnyin ke idem nnyin idahadedo inɔ kpukpru owo emi ekamade nnyin isɔn. Kunyuŋ uda nnyin usin ke idomo.

LUKE 11:4 ပူးပေါင်းရင်းမြစ်များ

GENESIS 48:16

angel emi akafakde mi osio ke kpukpru idiɔk-ŋkpɔ osuk ɔdiɔŋ nditɔ emi; yak mmɔ enyuŋ ekere enyiŋ mi, ye enyiŋ mme ete mi Abraham ye Isaac; yak mmɔ enyuŋ etɔt ekabare ediwak ke ufɔt isɔŋ.

1 NDIDEM 8:34

afo tie ndien ke enyɔŋ kop, nyuŋ dahado ke idiɔk-ŋkpɔ ikɔt fo Israel, nyuŋ da mmɔ fiak ke isɔŋ emi afo ɔkɔnɔde mme ete mmɔ.

1 NDIDEM 8:36

afo tie ndien ke enyɔŋ kop, nyuŋ dahado ke mme idiɔk ido ifin fo, ye eke ikɔt fo Israel, adaŋemi afo etemede mmɔ eti usuŋ eke edisaŋade ke esit; nyuŋ nam edim edep ke isɔŋ fo, emi afo ɔkɔnɔde ikɔt fo ke udeme.

ŊWED MME PSALM 121:7

Jehovah eyekpeme fi, mbak idiɔk ŋkpɔ ekededi: enye eyekpeme ukpɔŋ fo.

ŊWED MME PSALM 25:11

Dahado ntem ke ndudue mi koro okponde, baŋa enyiŋ fo, O Jehovah.

ŊWED MME PSALM 25:18

Se ukut mi, ye afanikɔŋ mi; nyuŋ dahado ke kpukpru mme idiɔk ido mi.

DANIEL 9:19

O Ɔbɔŋ, kop; O Ɔbɔŋ, dahado; O Ɔbɔŋ, kpaŋ utɔŋ, nyuŋ nam; kubigi, baŋa idem fo, O Abasi mi: koro obio fo ye ikɔt fo ekerede enyiŋ fo.

HOSEA 14:2

Mbufo emen ikɔ mbufo efiak etiene Jehovah: edɔhɔ enye, ete, Men kpukpru idiɔk-ŋkpɔ fep, nyuŋ da eti: ndien nnyin iyenɔ fi uwa mkpɔk-inua nnyin.

MATTHEW 18:35

Kpasuk ntre ke Ete Mi ke heaven edinam ye mbufo, ke mbufo kiet kiet mifenke eyen-ete mbufo ke ofuri esit.

MATTHEW 26:41

Ekpeme, enyuŋ ebɔŋ akam, mbak mbufo ediduk ke idomo: ukpɔŋ ɔsɔp ke akpanikɔ, edi obukidem edi mmem-mmem.

LUKE 11:5

Ndien Enye ɔdɔhɔ mmɔ ete, Anie ke otu mbufo edinyene ufan, edinyuŋ adaha etiene enye ke ufɔt okoneyo, onyuŋ ɔdɔhɔ enye ete,

LUKE 13:4

Ŋko-ŋko owo efureta emi tower Siloam ɔkɔduɔde ɔtɔ mmɔ owot, nte mbufo ese ete mmɔ edi mme abiat-ibet ekan kpukpru mme andiduŋ ke Jerusalem?

LUKE 22:46

Edaha ke enyɔŋ ebɔŋ akam, mbak mbufo ediduk ke idomo.

LUKE 8:13

Mmɔ oro ke enyɔŋ itiat edi mmɔ emi ekopde ikɔ enyuŋ ebɔde ke idaresit; edi mmɔ inyeneke oruŋ, ntre ke mmɔ enim ke akpanikɔ ke ini esisit, enyuŋ efiak edem ke ini idomo.

JOHN 17:15

Mbeŋeke nte Afo osio mmɔ ke ererimbot efep, edi mmebeŋe nte ekpeme mmɔ ke idiɔk esie.

1 ŊWED CORINTH 10:13

Idomo ikosimke mbufo ibɔhɔke se inade owo ndibiom; edi Abasi edi akpanikɔ, idinyuŋ iyakke edomo mbufo ebe se ukeme mbufo edide; edi Enye eyesiak usuŋ ubɔhɔ ɔnɔ mbufo ke ufɔt idomo, man mbufo ekeme ndibiom enye.

ŊWED MBON COLOSSAE 3:13

eme ime ye kiet eken, enyuŋ efen kiet eken, edieke owo mbufo ekededi enyenede ikɔ ye owo; kpa nte Ɔbɔŋ ekefende mbufo, efen mmɔ eŋwen kpasuk ntre.

2 ŊWED THESSALONICA 3:3

Edi Ɔbɔŋ anam akpanikɔ; Enye eyenam mbufo esɔŋɔ eda, eyenyuŋ ekpeme mbufo mbak andidiɔk.

2 ŊWED TIMOTHY 4:18

Ɔbɔŋ eyenyaŋa mi osio ke kpukpru idiɔk ndunam owo, eyenyuŋ ekpeme mi okosim Obio Ubɔŋ Esie ke heaven. Enɔ Enye ubɔŋ ke nsinsi-nsinsi. Amen.

JAMES 2:13

Koro ikpe minyeneke mbɔm ye owo emi mikatuaha owo mbɔm; edi mbɔm obure mbure akan ikpe.

ERIYARARE 2:10

Kunyene ndik ubaŋa ukut eke ɔmɔŋ edisim fi. Sese, Satan ɔmɔŋ edisin ndusuk mbufo ke ufɔk-ŋkpɔkɔbi, man edomo mbufo ese, ndien mbufo eyekut ukut ke usen duop. Wut idem nte anam-akpanikɔ tutu osim mkpa, ndien nyenɔ fi anyanya uwem.

ERIYARARE 3:10

Sia ama ekekpeme uyo anyan ime Mi, Ami nyenyuŋ ŋkpeme fi ke ini idomo, emi ɔmɔŋ edisim ofuri ererimbot, ndidomo mmɔ emi eduŋde ke isɔŋ.