LUKE 11:39 - Edisana ñwed Abasi Ibom

³⁹ Edi Ɔbɔŋ ɔdɔhɔ enye ete, Ke emi ke mbufo mme Pharisee enanam edem cup ye usan asana; edi esit mbufo ɔyɔhɔ ye ŋwo ye udu.

LUKE 11:39 ပူးပေါင်းရင်းမြစ်များ

GENESIS 6:5

Ekem Jehovah okut idiɔk-ŋkpɔ owo nte okponde ke isɔŋ, kpukpru ŋkpɔ ke ekikere esit esie enyuŋ esuk edi idiɔk kpukpru ini.

2 CHRONICLES 25:2

Ndien enye anam se inende Jehovah ke enyin, edi inamke ke ofuri esit.

ŊWED MME PSALM 22:13

Mmɔ eŋwaŋade inua mmɔ ese mi, nte lion eke awaide onyuŋ okunide.

MME ŊKE 26:23

Mkpɔk-inua eke efiopke, ye esit eke ɔdiɔkde, ebiet eso mbat eke ebanade ke mbuk silver.

MME ŊKE 26:25

Ke enye anamde uyo esie enem, kunim ke akpanikɔ; koro mbubiam ŋkpɔ itiaba edude enye ke esit.

MME ŊKE 30:12

Emana odu eke ebatde idem-mmɔ ke edisana, edi iyetke ndek mmɔ ifep.

JEREMIAH 4:14

Ɔdɔdiɔk ye nnyin koro emesobo nnyin. O Jerusalem, yet esit fo idiɔk-ŋkpɔ fep, man enyaŋa fi. Adaŋa didie ke mme idiɔk ekikere fo ediduŋ fi ke esit?

EZEKIEL 22:25

Odu mme prophet esie odu ke esit, kpa nte lion okunide awai ŋkpɔ; mmɔ emeta ukpɔŋ; emeda inyene ye ŋkpɔuto: emenam mme ebe-akpa esie ewak ke esit.

EZEKIEL 22:27

Mbɔŋ esie ke otu mmɔ ebiet wolf eke ewaide ŋkpɔ, ke eriduɔk iyip, nnyuŋ nsobo ukpɔŋ, man mmɔ edia udori utuk.

ZEPHANIAH 3:3

Mbɔŋ esie ke ufɔt esie edi lion mfriori: mme ebierikpe esie edi wolf mbubreyo; mmɔ isuhɔke baba ŋkpɔ kiet inɔ usenubɔk.

MATTHEW 15:19

Koro mme idiɔk ekikere eto ke esit ewɔŋɔ, ye obom, ye efibe, ye use, ye inɔ, ye ikɔntiense nsu, ye isuŋi.

MATTHEW 7:15

Ekpeme idem mbak prophet abiaŋa emi efɔrɔde ikpa erɔŋ edi ke ɔtɔ mbufo, kpa ke ini mmɔ edide anawuri-ekpe ke esit mmɔ.

LUKE 16:15

Ndien Enye ɔdɔhɔ mmɔ ete, Mbufo edi mmɔ emi enamde owo ebat mbufo ke nti owo, edi Abasi ɔmɔfiɔk esit mbufo: koro se ikponde owo ke enyin edi mbubiam ke iso Abasi.

LUKE 7:13

Ndien ke adaŋemi Ɔbɔŋ okutde ŋwan oro, atua enye mbɔm, onyuŋ ɔdɔhɔ enye ete, Kutua.

LUKE 7:19

Ndien John okot owo iba ke otu mbet esie, onyuŋ ɔdɔŋ mmɔ etiene Ɔbɔŋ ekebup Enye ete,

JOHN 12:6

Edi enye idɔhɔke ntem koro enye ekerede mme ubuene; edi ɔdɔhɔ koro enye edide inɔ, onyuŋ akamade ekpat okuk, onyuŋ ososio se isinede ke esit.

JOHN 13:2

Ndien ke ini udia mbubreyo, ke Satan ama okotop ekikere esin ke esit Judas Iscariot eyen Simon ete, ada Enye ɔnɔ;

UTOM MME APOSTLE 5:3

Edi Peter ete, Ananias, nsinam Satan ɔyɔhɔde fi esit, esin osu nsu ɔnɔ Edisana Spirit, omum ubak okuk iŋwaŋ akama?

ŊWED MBON GALATIA 1:14

mma nnyuŋ ndɔdiɔŋ nnim ido eke mme Jew edade ekpono Abasi ŋkan ediwak ŋka mi ke otu ikɔt mi, nnyuŋ mfiop esit eti-eti ndikpeme mme item mme ete mi.

2 ŊWED TIMOTHY 3:5

enyene enyɔŋ-enyɔŋ ido uteŋe Abasi, edi isa ŋake ŋkpɔ ye odudu ke odude ke uteŋe Abasi. Wɔŋɔre kpɔŋ mmɔ eke etiede ntem.

TITUS 1:15

Kpukpru ŋkpɔ edi edisana ye mmɔ eke esanade; edi ye mmɔ eke ekesabarede idem minyuŋ inimke ke akpanikɔ, baba ŋkpɔ kiet idige edisana; edi ekikere mmɔ ye esit mmɔ edehe.

JAMES 4:8

esaŋa ekpere Abasi, ndien enye eyesaŋa ekpere mbufo. Eyet ubɔk mbufo esana, mbufo mme anam-idiɔk: enyuŋ enam esit mbufo esana, mbon esit iba.