LUKE 11:34 - Edisana ñwed Abasi Ibom

³⁴ Utuenikaŋ ikpɔhidem fo edi enyin fo; ke ini enyin fo eneŋerede ese, ofuri ikpɔhidem fo ayayama; edi ke ini enyin fo ɔdiɔkde ofuri ikpɔhidem fo okokim.

LUKE 11:34 ပူးပေါင်းရင်းမြစ်များ

GENESIS 19:11

enyuŋ eberi itim. Ndien mmɔ enam enyin okim mbon oro ke enyin usuŋ ufɔk, ye ŋkpri ye ikpɔ; ndien mmɔ eŋwana eyom usuŋ tutu akak mmɔ.

ŊWED MME PSALM 119:18

Fuhɔre mi enyin, ndien nyekut mme utibe-ŋkpɔ ke ŋwed ido fo.

ŊWED MME PSALM 81:12

Ndien nyak mmɔ nnɔ nsɔŋesit mmɔ: mmɔ esaŋa ke uduak idem mmɔ.

MME ŊKE 21:4

Ntan-enyin, ye mkponesit, ye utuen-ikaŋ mme idiɔk owo emediɔk.

MME ŊKE 28:22

Owo idiɔk enyin ɔkɔ wowo inyene: inyuŋ ifiɔkke ite ke unana edisim imɔ.

ISAIAH 29:10

Koro Jehovah amaŋwaŋa mbufo spirit idap ke idem, onyuŋ ɔbɔp mbufo enyin; enye ofuk mme prophet, ye mbuot mbufo, mbon ŋkukut.

ISAIAH 42:19

Anie edi nnan ke mibɔhɔke owo mi? Anie edi inan nte isuŋ mi emi ndɔŋde enye utom? Anie edi nnan nte enye emi ɔfɔnde ama, ye nnan nte owo Jehovah?

ISAIAH 44:18

Mmɔ ifiɔkke, inyuŋ inimke ibuot: koro enye emesiri mmɔ enyin, man ekukut; esiri esit mmɔ, man ekudi ɔniɔŋ.

ISAIAH 5:20

Ifɔnke fɔn inɔ mmɔ eke edɔhɔde ebaŋa idiɔk, ete, Eti, ebaŋa eti, ete, Idiɔk: eke, enimde ekim ke uŋwana, enim uŋwana ke ekim; eke enimde idot ke iniŋe, enim iniŋe ke idot!

ISAIAH 6:10

Nam esit mbio emi odobi, nyuŋ nam utɔŋ odobi mmɔ, nyuŋ tibi mmɔ enyin: mbak mmɔ edikut ke enyin mmɔ, edinyuŋ ekop ke utɔŋ mmɔ, enyuŋ etim efiɔk ŋkpɔ ke esit mmɔ, enyuŋ ekabare, ndien ekɔk mmɔ. Ndien ndɔhɔ nte, Ɔbɔŋ adaŋa didie?

JEREMIAH 5:21

Mbufo, ndisime ye mbio unana-ibuot, ekop ikɔ emi; mmɔ enyene enyin, ndien ikwe; mmɔ enyene utɔŋ, ndien ikopke: Jehovah ɔdɔhɔ, ete,

MARK 4:12

man mmɔ esuk ese ŋkpɔ, edi ekukut; enyuŋ esuk ekop ŋko, edi ekufiɔk; mbak mmɔ edikabare, ndien edahado enɔ mmɔ.

MARK 7:22

ye obom, ye efibe, ye idiɔk itɔŋ, ye oburobut ido, ye abiaŋa, ye obukpo ido, ye erise owo idiɔk enyin, ye isuŋi, ye iseri, ye ndisime:

MARK 8:18

Nte esit mbufo amakabare ɔsɔŋ? Ke enyenede enyin, nte mbufo ikwe usuŋ? ke enyuŋ enyenede utɔŋ, nte mbufo ikopke ikɔ? nte mbufo inyuŋ itihi?

LUKE 11:35

Kpeme ndien mbak uŋwana eke odude fi ke idem edidi ekim.

UTOM MME APOSTLE 13:11

Ndien ke emi, sese, ubɔk Ɔbɔŋ odoro fi ke idem, afo eyenyuŋ edi nnan, udunyuŋ ukwe utin kaŋa. Idaha oro ekim ofuk enye; enye onyuŋ asaŋa oyo, oyom owo eke omumde enye ubɔk asaŋa.

UTOM MME APOSTLE 2:46

Ndien ke usen ke usen mmɔ enyene iwuk edu ke temple ye esit kiet, enyuŋ ebuŋ uyo ke ufɔk, mmɔ edia udia ke idaresit ye esit kiet, etoro Abasi; kpukpru owo enyuŋ enen iso ye mmɔ.

UTOM MME APOSTLE 26:18

nte atat mmɔ enyin, man mmɔ ekabare ewɔŋɔ ke ekim, eduk ke uŋwana, ekpɔŋ odudu Satan, etiene Abasi, man mmɔ ebɔ erifen mme idiɔk-ŋkpɔ ye udeme ke otu mmɔ emi enamde mmɔ esana oto ke mbuɔtidem mmɔ ye ami.

2 ŊWED CORINTH 1:12

Koro mbure eke nnyin iburede edi emi, kpa ikɔ-ntiense emi esit nnyin etiŋde ete, nnyin ikasaŋa ke edisana ido ye akpanikɔ Abasi idu uwem ke ererimbot; isaŋake ke ikike eke obukidem, edi ke mfɔn Abasi; inyuŋ isaŋa ntem idu uwem ke otu mbufo ikan.

2 ŊWED CORINTH 11:3

Edi mmefehe ndik, mbak ke usuŋ ekededi, nte urukikɔt akabiaŋade Eve ke ŋkari esie, edibiat ekikere mbufo, enam mbufo etre ndinyene esit akpanikɔ ye eti ido ye Christ.

2 ŊWED CORINTH 4:4

emi abasi eyo emi akanamde ikike mmɔ eke minimke ke akpanikɔ okim, mbak uŋwana gospel ubɔŋ Christ, emi edide mbiet Abasi, edisem ɔnɔ mmɔ.

ŊWED MBON EPHESUS 1:17

Mmebeŋe nte Abasi Ɔbɔŋ nnyin Jesus Christ, Ete ubɔŋ akpakam ɔnɔ mbufo spirit ɔniɔŋ ye eriyarare, emi mbufo edidade efiɔk Enye;

ŊWED MBON EPHESUS 6:5

Ifin, esuk ibuot enɔ mmɔ emi edide mme ete ufɔk mbufo ke obukidem, ke uteŋe ye nnyekidem ye ofuri esit, nte enam enɔ Christ.

ŊWED MBON COLOSSAE 3:22

Ifin, esuk ibuot enɔ mme ete-ufɔk mbufo ke obukidem ke kpukpru ŋkpɔ; ekunam utom enyin owo, nte mbon mbukpek, edi enam ye esit kiet ke uteŋe Ɔbɔŋ.