LUKE 11:22 - Edisana ñwed Abasi Ibom

²² edi ke ini owo emi okopde idem akan enye edide eŋwan ye enye onyuŋ akande enye, owo oro ɔbɔ enye kpukpru ŋkpɔ-ekɔŋ esie eke enye ɔkɔbuɔtde idem ke esit, onyuŋ edeme mbume esie.

LUKE 11:22 ပူးပေါင်းရင်းမြစ်များ

GENESIS 3:15

eyenyuŋ adia ntɔŋ ke ofuri ini uwem fo: nyenyuŋ nsin usua ke ufɔt fo ye ŋwan, ye ke ufɔt ubon fo ye ubon esie: enye eyenuak fi ibuot, afo eyenyuŋ anuak enye nditiŋ-ikpat.

EXODUS 15:9

Usua ɔdɔhɔ ete, Nyebine; nyesim; nyedeme mbume: mmɔ eyeyuhɔ itɔŋ mi; nyesio ofut mi; ubɔk mi eyesobo mmɔ.

ISAIAH 27:1

KE usen oro Jehovah eyeda ofut esie emi ɔsɔŋde onyuŋ okponde, onyuŋ odobide, anam Leviathan, ɔsɔp-ukot uruk-ikɔt oro; anam Leviathan uruk-ikɔt emi awaŋade; onyuŋ owot kukubarakpa emi odude ke inyaŋ.

ISAIAH 53:12

Mmɔdo nyedeme ŋkpɔ ke otu ikpɔ owo nnɔ enye, enye eyenyuŋ edeme mbume ye mkpɔsɔŋ owo; koro enye akaŋwaŋade ukpɔŋ esiemɔ ɔnɔ mkpa: enyuŋ ebatde enye esin ke otu mme anam-idiɔk; enye onyuŋ obiom mme idiɔk ido ediwak owo, eyenyuŋ anam mkpe-ubɔk ɔnɔ mme anam-idiɔk.

LUKE 11:21

Ke adaŋemi ɔkpɔsɔŋ owo ɔbɔbɔde ofuri mbɔbɔ-ekɔŋ ekpeme ufɔk esiemɔ, ŋkpɔ esie edu ke ifure;

LUKE 11:23

Owo eke midaha ye Ami aŋwaŋwana ye Ami; owo eke minyuŋ ibokke ye Ami asasuan.

ŊWED MBON EPHESUS 6:11

Esine ofuri ŋkpɔ-ekɔŋ Abasi, man mbufo edikeme ndiŋwana ye ŋkari Satan.

ŊWED MBON EPHESUS 6:13

Mmɔdo eda ofuri ŋkpɔ-ekɔŋ Abasi, man mbufo edikeme ndisɔŋɔ nda ke usen idiɔk, enyuŋ esɔŋɔ eda ke ema ekenam kpukpru ŋkpɔ.

ŊWED MBON COLOSSAE 2:15

Enye ama adianare mme andikara ye mme enyene-odudu ke Idem Esie efep onim nsan-nsan, ayarare mmɔ aŋwa-aŋwa, ada mmɔ nte mbuot-ekɔŋ ke cross Esie.

1 JOHN 3:8

owo eke anamde idiɔk-ŋkpɔ edi eke Satan, koro Satan ananam idiɔk-ŋkpɔ toto ke eritɔŋɔ. Ema esio Eyen Abasi enim ke ntak emi, man Enye akpabiat utom Satan.

1 JOHN 4:4

Mbufo enyene Abasi, ŋkpri nditɔ mi, emenyuŋ ekan mmɔ; koro Enye emi odude mbufo ke idem okpon akan enye emi odude ke ererimbot.