LUKE 11:2 - Edisana ñwed Abasi Ibom

² Edi Enye ɔdɔhɔ mmɔ ete, Ke ini mbufo ebɔŋde akam, edɔhɔ ete, Ete, yak ikpono enyiŋ Fo. Yak Ubɔŋ Fo edi.

LUKE 11:2 ပူးပေါင်းရင်းမြစ်များ

1 NDIDEM 8:43

afo tie ke enyɔŋ, ebiet iduŋ fo, kop, nyuŋ nam kpukpru se esen owo oro edisemede ɔnɔ fi abaŋa: kpaŋ kpukpru mbio ererimbot emi ekpefiɔk enyiŋ fo, enyuŋ ebak fi, kpa nte ikɔt fo Israel enamde: man mmɔ enyuŋ efiɔk ete ke eda enyiŋ fo esio ufɔk emi ami mbɔpde.

2 NDIDEM 19:19

Ke emi, ndien, O Jehovah Abasi nnyin, mbɔk, nyaŋa nnyin sio enye ke ubɔk, ndien kpukpru mme idut ererimbot eyefiɔk ete ke afo edi Jehovah Abasi, afo ikpɔŋ-ikpɔŋ.

2 CHRONICLES 20:6

O Jehovah Abasi mme ete nnyin, nte idige afo edi Abasi ke enyɔŋ? Nte idige afo akara kpukpru mme idut ke ererimbot? Nte odudu ye nsɔŋ-idem iduhe fi ke ubɔk? Ndien baba owo kiet eke ekemde ubɔk ye afo iduhe.

ŊWED MME PSALM 103:20

Etoro Jehovah, mbufo mme angel esie, emi edahade uko, emi enamde uyo esie, enyuŋ ekopde uyo ikɔ esie.

ŊWED MME PSALM 108:5

O Abasi, koŋ kan enyɔŋ: nyuŋ menere ubɔŋ fo kan ofuri isɔŋ.

ŊWED MME PSALM 11:4

Jehovah odu ke edisana temple esie, ebekpo Jehovah odu ke enyɔŋ; enyin esie ese, mkpɔk eyin esie edomo nditɔ owo.

ŊWED MME PSALM 57:11

O Abasi, menere idem fo ke enyɔŋ: yak ubɔŋ fo akan ofuri isɔŋ.

ECCLESIASTES 5:2

Kusɔsɔp inua, kunyuŋ uyak esit fo awara ndisioro uyo ke iso Abasi: koro Abasi odude ke heaven, ndien afo odu ke isɔŋ: yak ikɔ fo edi esisit, ndien:

ISAIAH 63:16

Koro afo edide ete nnyin; koro Abraham mifiɔkke nnyin, Israel midinyuŋ idiɔŋɔke nnyin. Afo, O Jehovah, edi ete nnyin; andifak nnyin edi enyiŋ fo ke nsinsi.

EZEKIEL 36:23

Ɔbɔŋ Jehovah onyuŋ ɔdɔhɔ ete, Ndien nyemen edisana enyiŋ mi emi esabarede ke otu mme idut, emi mbufo esabarede enye ke ufɔt mmɔ, nnim ke edisana; ndien mme idut eyefiɔk ete ke ami ndi Jehovah, ke ini enimde mi ke edisana ke otu mbufo ke enyin mbufo.

DANIEL 2:28

edi Abasi emi ayararede ndibe ŋkpɔ odu ke enyɔŋ, ndien edi enye asian edidem Nebuchadnezzar se ididide ke ukperedem usen. Ndap fo ye ŋkukut ibuot fo ke bed fo ekedi mme mmɔ emi;

DANIEL 2:44

Ndien ke eyo ndidem oro, Abasi enyɔŋ eyenam ubɔŋ eke midisoboke ke nsinsi, adaha ada: ndien idikpɔŋke ubɔŋ emi inɔ mbio efen: enye eyenuak onyuŋ ama kpukpru mme idut emi, ndien enye eyeda ke nsinsi:

DANIEL 7:18

Ndien edisana ikɔt Ata Edikoŋ eyeda ubɔŋ, enyuŋ enyene ubɔŋ ke nsinsi ye ke nsinsi-nsinsi.

DANIEL 7:27

Ndien mmɔ eda itie edidem, ye ubɔŋ, ye ukpono itie-edidem ke idak ofuri enyɔŋ enɔ edisana ikɔt Ata Edikoŋ; ubɔŋ esie edi nsinsi ubɔŋ, kpukpru mbɔŋ eyenyuŋ enam ŋkpɔ esie, enyuŋ ekop uyo esie.

HOSEA 14:2

Mbufo emen ikɔ mbufo efiak etiene Jehovah: edɔhɔ enye, ete, Men kpukpru idiɔk-ŋkpɔ fep, nyuŋ da eti: ndien nnyin iyenɔ fi uwa mkpɔk-inua nnyin.

LEVITICUS 10:3

Ndien Moses ɔdɔhɔ Aaron ete, Emi edi se Jehovah ɔdɔhɔde ete, Kpukpru mmɔ eke esaŋade ekpere mi, enyene ndise mi ke edisana, enyuŋ enyene ndikpono mi ke iso kpukpru owo. Ndien Aaron odop uyo.

LEVITICUS 22:23

Edi afo emekeme ndida enaŋ, mme eyen erɔŋ eke edide utibe, ŋwa ke ŋkpɔ ima esit; edi ama edi akaŋa, idibɔhɔ fi.

HABAKKUK 2:14

esin mme obio ekpa mba ke ikpikpu? Koro ifiɔk ubɔŋ Jehovah eyeyɔhɔ ke ererimbot, kpa nte mmɔŋ ofukde inyaŋ.

MATTHEW 10:32

Mmɔdo owo ekededi eke edinyimede ke iso owo ete, idi okim, Ami nyenyuŋ nnyime enye ke iso Ete Mi emi odude ke heaven.

MATTHEW 3:2

Mbufo ekabare esit; koro Ubɔŋ Heaven ke ekpere.

MATTHEW 5:16

Kpa ntre yak uŋwana mbufo ayama ke iso owo, man mmɔ ekut nti utom mbufo, enyuŋ etoro Ete mbufo emi odude ke Heaven.

LUKE 11:1

EDIKEM, nte Enye ɔbɔŋde akam ke ebiet kiet, ke ini Enye odopde, kiet ke otu mbet Esie ɔdɔhɔ Enye ete, Ɔboŋ, kpep nnyin ndibɔŋ akam, kpa nte John onyuŋ ekpepde mbet esie.

ŊWED MBON ROME 1:7

ewet ɔnɔ esɔk kpukpru mmɔ emi edukde Ke Rome emi Abasi amade, onyuŋ okotde ete edidi ndisana ikɔt Esie. Mfɔn ye emem, emi etode ke ubɔk Abasi Ete nnyin ye Ɔbɔŋ Jesus Christ, akpakam odoro mbufo.

ŊWED MBON ROME 8:15

Koro mbufo mikɔbɔhɔ spirit ufin eke esinde mbufo etɔŋɔ ntak enyene ndik; edi mbufo ekɔbɔ spirit eke enyenede mmɔ emi edade esin ke ubon Abasi, emi anamde nnyin ikot Abasi, ite, Abba, Ete.

1 ŊWED CORINTH 1:3

Mfɔn ye emem akpakam oto ke ubɔk Abasi Ete nnyin, ye Ɔbɔŋ Jesus Christ osim mbufo.

2 ŊWED CORINTH 1:2

Mfɔn ye emem akpakam oto Abasi Ete nnyin ye Ɔbɔŋ Jesus Christ osim mbufo.

ŊWED MBON GALATIA 1:4

Emi akayakde Idem Esie ɔnɔ kabaŋa mme idiɔk-ŋkpɔ nnyin, man Enye akpanyaŋa nnyin osio ke idiɔk eyo emi odude ke emi, nte ekemde ye se Abasi ye Ete nnyin aduakde:

ŊWED MBON EPHESUS 1:2

Mfɔn ye emem akpakam oto ke ubɔk Abasi Ete nnyin ye Ɔbɔŋ Jesus Christ etiene mbufo.

ŊWED MBON PHILIPPI 1:2

Mfɔn ye emem akpakam oto ke ubɔk Abasi Ete nnyin ye Ɔbɔŋ Jesus Christ osim mbufo.

ŊWED MBON PHILIPPI 4:20

Ubɔŋ enyene Abasi ye Ete nnyin ke nsinsi-nsinsi. Amen.

ŊWED MBON COLOSSAE 1:2

ewet enɔ esɔk ikɔt Abasi ye nditɔ-ete ke Christ emi enamde akpanikɔ, emi edude ke Colossae: mfɔn ye emem akpakam oto ke Abasi Ete mnnyin etiene mbufo.

1 ŊWED THESSALONICA 1:1

PAUL ye Silvanus ye Timothy ewet enɔ esɔk ufɔk Abasi mbon Thessalonica, emi odude ke Abasi Ete ye Ɔbɔŋ nnyin Jesus Christ. Mfɔn ye emem akpakam etiene mbufo.

1 ŊWED THESSALONICA 1:3

sia nnyin mitreke nditi utom mbuɔtidem mbufo, ye ɔkpɔsɔŋ utom ima mbufo, ye ime idori-enyin eke mbufo enyenede ke Ɔbɔŋ nnyin Jesus Christ, ke iso Abasi ye Ete nnyin.

2 ŊWED THESSALONICA 2:16

Ndien Ɔbɔŋ nnyin Jesus Christ, ke Idem Esie, ye Abasi Ete nnyin, emi akamade nnyin, onyuŋ ɔnɔde nnyin nsinsi ndɔŋesit ye eti idori-enyin ke mfɔn,

ERIYARARE 11:15

Ekem ɔyɔhɔ angel itiaba ofri ukorowo; ndien mkpɔsɔŋ uyo ewɔrɔ ke heaven, mmɔ enyuŋ edɔhɔ ete, Obio ubɔŋ ererimbot emi amakabare edi Obio Ubɔŋ Ɔbɔŋ nnyin ye Christ Esie. Enye eyenyuŋ ada ubɔŋ ke nsinsi-nsinsi.

ERIYARARE 15:4

Anie editre nditeŋe Fi, O Ɔbɔŋ, ndinyuŋ nnɔ enyiŋ Fo ubɔŋ? Koro Afo ikpɔŋ edi edisana; Kpukpru mme idut eyenyuŋ edi edituak ibuot ke iso Fo; Koro ndinen ikpe Fo ema eyarare ewut idem.

ERIYARARE 19:6

Ndien ŋkop uyo emi ebietde mkpo akwa otu, ye uyom uwak mbufut, ye uyom ɔkpɔsɔŋ obuma ɔdɔhɔde ete, Hallelujah; koro Ɔbɔŋ Abasi nnyin, Andikara kpukpru ŋkpɔ, ada ubɔŋ.

ERIYARARE 20:4

Ekem ŋkut mme ebekpo, owo enyuŋ etie ke esit, enyuŋ eyak ubiere ikpe esin mmɔ ke ubɔk; ye mme ukpɔŋ owo oro ekebigide mmɔ ibuot ke ntak ikɔ ntiense Jesus ye ikɔ Abasi, ye kpukpru mmɔ emi mikatuakke ibuot inɔ unam oro ye mbiet esie, mikonyuŋ ibɔhɔ idiɔŋɔ ke ɔkpɔ-iso ye ke ubɔk mmɔ; mmɔ enyuŋ edu uwem, enyuŋ eda ubɔŋ ye Christ ke tɔsin isua.