LUKE 10:20 - Edisana ñwed Abasi Ibom

²⁰ Edi ekudat esit koro mme spirit esukde ibuot enɔ mbufo; edi edat esit koro ema ewet enyiŋ mbufo ke heaven.

LUKE 10:20 ပူးပေါင်းရင်းမြစ်များ

ŊWED MME PSALM 69:28

Yak esɔhi mmɔ ke ŋwed uwem efep, ekunyuŋ ewet mmɔ esin ke otu mbon utebe-ikpe.

EXODUS 32:32

Afo akpakam efen idiɔk ido mmɔ ndien mmunyimeke, mbɔk, sɔhi mi fep ke ŋwed fo emi afo ewetde.

ISAIAH 4:3

Ndien ama ekem, owo eke ɔsuhɔde ke Zion, eke enyuŋ ekpɔŋde ke Jerusalem, eyekere edisana, kpa kpukpru owo emi ewetde enim enɔ uwem ke Jerusalem.

JEREMIAH 17:13

Idori-enyin Israel edi Jehovah, but eyenam kpukpru mmɔ eke ekpɔŋde fi. Eyewet kpukpru mmɔ eke ekabarede ekpɔŋ mi esin ke ntan-isɔŋ koro mmɔ ekpɔŋde Jehovah, idim mmɔŋ uwem.

EZEKIEL 13:9

Ndien ubɔk mi eyedoro ke idem mme prophet eni ekutde nsu enyuŋ ebrede mfa abiaŋa: mmɔ ididuhe ke odu ikɔt mi, idinyuŋ iwetke mmɔ isin ke ŋwed ufɔk Israel, mmɔ idinyuŋ isimke isɔŋ Israel; ndien mbufo eyefiɔk ete ke ami ndi Ɔbɔŋ Jehovah.

DANIEL 12:1

NDIEN ke ini oro Michael akwa ɔbɔŋ emi adade abaŋa nditɔ oruk fo, eyedaha ada: ndien ini oro eyedi ini ukut emi oruk esie akanam miduhe toto nte idut okodu, tutu osim ini oro: ndien ke ini oro oruk fo eyebɔhɔ, kpukpru mmɔ emi ewetde esin ke ŋwed oro.

MATTHEW 10:1

NDIEN Enye okot mbet Esie duopeba edi, ɔnɔ mmɔ odudu ndibin ndedehe spirit nduɔk, ndinyuŋ nnam kpukpru oruk udɔŋɔ ye kpukpru oruk mmemidem ekure.

MATTHEW 26:24

Eyen Owo ɔmɔŋ ɔnyɔŋ, kpa nte ekewetde ebaŋa Enye; edi eyedɔdiɔk ɔnɔ owo oro edidade Eyen Owo ɔnɔ.Ɔkpɔfɔn ye owo oro nte enye mikamanake.

MATTHEW 27:5

Ndien enye otomo mbak silver oro ɔduɔk ke temple, adaha ɔnyɔŋ ekeyire akpa.

ŊWED MBON PHILIPPI 4:3

Mmonyuŋ nsɔŋɔ mbeŋe fi, ata nsaŋa-utom mi, nte aŋwam iban oro, koro mmɔ ekesaŋade ye ami eŋwana eŋwan ebaŋa gospel, enyuŋ ediana ye Clement nde, ye mme nsaŋa-utom mi eken, emi enyiŋ mmɔ edude ke ŋwed uwem.

MME HEBREW 12:23

emi ewetde enyiŋ mmɔ ke heaven; enyuŋ esaŋa ekpere Abasi, Ebierikpe ofuri ekondo, ye mme spirit ndinen owo emi enamde mmɔ efɔn ema,

ERIYARARE 13:8

Ndien kpukpru mme andiduŋ ke isɔŋ eyetuak ibuot enɔ enye, kpa kpukpru owo emi mikewetke enyiŋ esie isin ke ŋwed uwem eke Eyen-erɔŋ, emi ekowotde toto ke eritɔŋɔ ererimbot.

ERIYARARE 17:8

Unam oro okutde ama odu, inyuŋ iduhe; edi ɔmɔŋ edito ke akwa ukpe ɔdɔk edi, onyuŋ ebe oduk ke nsobo. Idem eyekpa kpukpru mme andiduŋ ke isɔŋ, kpukpru mmɔ eke mikewetke enyiŋ mmɔ isin ke ŋwed uwem toto nte ekebotde ererimbot, ke ini mmɔ esede unam oro, ete ama odu, inyuŋ iduhe, edi ɔmɔŋ edidu mi.

ERIYARARE 20:12

Ndien ŋkut mme akpa-mkpa, ikpɔ ye ŋkpri, nte edade ke iso ebekpo. Ndien ekibɔre mme ŋwed; enyuŋ ekibɔre mme ŋwed mme ŋwed eŋwen, emi edide ŋwed uwem; enyuŋ eda se ewetde esin ke ŋwed oro ekpe ikpe mme akpa-mkpa, nte ekemde ye se mmɔ ekenamde.

ERIYARARE 20:15

Ndien emen owo ekededi eke mikewetke enyiŋ esie ke ŋwed uwem eduɔk esin ke akwa ŋkpɔdiɔhɔ ikaŋ.

ERIYARARE 21:27

Edi baba ŋkpɔ ndek kiet ididukke ke esit, ye owo eke anamde mbubiam ido onyuŋ osude nsu; ke mibɔhɔke mmɔ ikpɔŋ-ikpɔŋ emi ewetde enyiŋ mmɔ ke ŋwed uwem Eyen-erɔŋ.

ERIYARARE 3:5

Owo eke akande, eyesine enye afia ɔfɔŋidem ntem; ndien ndisioho enyiŋ esie mfep ke ŋwed uwem, ndien nyenyime enyiŋ esie ke iso Ete Mi ye ke iso mme angel Esie.