LUKE 10:2 - Edisana ñwed Abasi Ibom

² Ndien do Enye ɔdɔhɔ mmɔ ete, Ke akpanikɔ idɔk okpon, edi mme enam-utom iwakke; ebeŋe ndien Enyene-idɔk, ete, Enye osio mme anamutom ɔdɔŋ edi ke idɔk Esie.

LUKE 10:2 ပူးပေါင်းရင်းမြစ်များ

1 NDIDEM 18:22

Ndien Elijah ɔdɔhɔ mbon oro, ete Ami nsuk ikpɔŋ prophet Jehovah; ndien mme prophet Baal edi owo ikie inaŋ ye aba ye duop.

ŊWED MME PSALM 68:11

Ɔbɔŋ ɔnɔ uyo: ibat emi ekwɔrɔde edi akamba udim.

JEREMIAH 3:15

nyenyuŋ nnɔ mbufo owo eke ebɔkde mbufo nte esit mi amade, ndien mmɔ eyeda ifiɔk ye ɔniɔŋ ebɔk mbufo.

ZECHARIAH 11:17

Osuk ɔdiɔk ɔnɔ obukpo ekpeme-ufene! ofut eyedoro enye ke ubɔk, ye ke enyin nnasia esie! Ubɔk esie eyekpa, eyenyuŋ etibi enye enyin nnasia.

ZECHARIAH 11:5

emi mme andinyene mmɔ ewotde mmɔ, ndien mibatke idem mmɔ ke mme edue-isop: ndien mmɔ eke enyemde mmɔ edɔhɔ ete, Ekɔm Jehovah; koro mforode: mme ekpeme mmɔ inyuŋ ituaha mmɔ mbɔm.

NUMBERS 11:17

Ndien nyesuhɔre ndidɔhɔ ye afo do: nyenyuŋ nda ubak spirit emi esinede fi ke idem, nsin mmɔ ke idem; ndien mmɔ eyetiene fi ebiom mbiomo mbio emi, man afo okubiom ke idem fo ikpɔŋ:

NUMBERS 11:29

Ndien Moses ɔdɔhɔ ete, Nte afo ofibe ufup ɔnɔ mi? Ofuri ikɔt Jehovah ekpakam ekabare edi prophet: Jehovah akpakam ɔnɔ mmɔ spirit esie!

MATTHEW 20:1

KORO Obio Ubɔŋ Heaven ebiet ete-ufɔk kiet, emi abakde ɔwɔrɔ ke usenubɔk ndikpe mbon-utom nsin ke iŋwaŋ-vine esie.

MARK 13:34

Etie nte owo ɔkpɔŋde ufɔk esie aka akadaŋ ke idut efen, onyuŋ ɔnɔ mme anam utom esie odudu, ɔnɔ owo kiet kiet utom esie, onyuŋ ɔdɔhɔ etie-usuŋ ŋko ete etie ekpeme.

MARK 16:15

Enye onyuŋ ɔdɔhɔ mmɔ ete, Eka ke ofuri ererimbot ekekwɔrɔ gospel enɔ kpukpru owo.

MARK 16:20

Ndien mmɔ ewɔŋɔ ekekwɔrɔ ikɔ ke kpukpru ebiet, Ɔbɔŋ onyuŋ anam utom ye mmɔ, onyuŋ ada mme idiɔŋɔ eke esaŋade ye erikwɔrɔ ɔsɔŋɔ ikɔ mmɔ.

LUKE 9:1

EKEM Enye okot mbet Esie duopeba obon ɔtɔ kiet, onyuŋ ɔnɔ mmɔ odudu ye unen ndikara kpukpru mme demon, ndiyuŋ nnam mme udɔŋɔ ekure.

UTOM MME APOSTLE 11:19

Mmɔdo mmɔ eke esuanade ke ntak ukut emi ɔtɔŋɔde ke ikɔ Stephen esaŋa tutu esim Phoenicia, ye Cyprus ye Antioch, edi mmɔ ikwɔrɔke ikɔ inɔ baba owo kiet ke mibɔhɔke mme-Jew ikpɔŋ.

UTOM MME APOSTLE 13:2

Edi nte mmɔ enamde ŋkpɔ enɔ Ɔbɔŋ, enyuŋ etrede udia, Edisana Spirit ɔdɔhɔ mmɔ ete, Edianare Barnabas ye Saul enɔ Mi, man mmɔ enam utom oro ŋkokotde mmɔ nnɔ.

UTOM MME APOSTLE 13:4

Ntre ke ini Edisana Spirit osiode mmɔ ɔdɔŋ, mmɔ esuhɔre eka Seleucia, enyuŋ eto do ewat eka ke Cyprus.

UTOM MME APOSTLE 20:28

Etim ese idem mbufo, ye ofuri otu erɔŋ, emi Edisana Spirit okonimde mbufo ke mme andikpeme mmɔ, ete ebɔk mbon ufɔk Abasi, emi Enye ekedepde ke iyip Esie.

UTOM MME APOSTLE 22:21

Edi Enye ɔdɔhɔ mi ete, Daha: koro nyedɔŋ fi aka anyan usuŋ eketiene mme Gentile.

UTOM MME APOSTLE 8:4

Mmɔdo mmɔ eke esuanade esaŋa ke ebiet ke ebiet ekwɔrɔ gospel.

1 ŊWED CORINTH 12:28

Abasi okonyuŋ emek ndusuk owo onim ke ufɔk Esie; onim mme apostle nte ebe-iso, onim mme asiak-uduak-Abasi ke udiana-akpa itie, onyuŋ onim mme anditeme ke ɔyɔhɔ itie ita, ndien edinim mme anam-utibe-ŋkpɔ, ye mme ɔkɔk-udɔŋɔ, ye mme ɔnɔ-uŋwam, ye mme akama ŋkpɔ, ye mme esem nsio-nsio usem.

1 ŊWED CORINTH 15:10

Edi oto mfɔn Abasi ndi se ndedi: ndien mfɔn emi Abasi ɔnɔde mi ikɔwɔrɔke ikpikpu; edi mmanam utom ŋkan mmɔ kpukpru; inyuŋ idige ami nnam, edi mfɔn Abasi eke odude ye ami anam.

2 ŊWED CORINTH 6:1

NTE mme abuana-utom ye Abasi, nnyin ikpe mbufo ubɔk ite, ekuyak mfɔn Abasi, emi mbufo ekɔbɔde, ɔwɔrɔ ikpikpu;

ŊWED MBON PHILIPPI 2:21

Koro kpukpru owo ke eyoyom ŋkpɔ idem mmɔ, idige ŋkpɔ Jesus Christ.

ŊWED MBON PHILIPPI 2:25

Edi ŋkere nte ŋkposio Epaphroditus ndɔŋ ke ɔtɔ mbufo, emi edide eyen-ete mi ye nsaŋa utom mi ye nsaŋa mi ke ekɔŋ, onyuŋ edide isuŋ mbufo, onyuŋ anamde ŋkpɔ ɔnɔ mi ke unana mi.

ŊWED MBON PHILIPPI 2:30

koro osuk esisit enye ndikpa ke erinam utom Christ, ikereke uwem esie, man enye anam se isuhɔde mbufo ndinam nnɔ mi ɔyɔhɔ.

ŊWED MBON COLOSSAE 1:29

Mmonyuŋ ŋkpa utom mbaŋa ŋkpɔ emi, nda odudu Abasi, emi ɔsɔŋɔde anam utom ke idem mi, ŋwaŋwana ndinam.

ŊWED MBON COLOSSAE 4:12

Epaphras, owo mbufo kiet, emi edide owo Christ Jesus, ete ekɔm mbufo; enye edi owo emi aŋwanade kpukpru ini ke akam esie oyom ufɔn mbufo: man mbufo efɔn ema, enyuŋ etim efiɔk ofuri uduak Abasi.

1 ŊWED THESSALONICA 2:9

Nditɔ-ete, mbufo emeti ɔkpɔsɔŋ utom eke nnyin ikanamde, ye nte nnyin ikakpade mba; ke erinam ubɔkutom nnyin okoneyo ye uwemeyo, mbak nnyin ididi mbiomo inɔ owo mbufo ekededi, nnyin ikɔkwɔrɔ gospel Abasi inɔ mbufo.

1 ŊWED THESSALONICA 5:12

Imebeŋe mbufo, nditɔ-ete, ite ediɔŋɔ mmɔ emi enamde utom ke otu mbufo, enyuŋ ekararde mbufo ke Ɔbɔŋ, enyuŋ enɔde mbufo item.

2 ŊWED THESSALONICA 3:1

KE akpatre itie, nditɔ-ete, enam mkpe-ubɔk enɔ nnyin ete, ikɔ Abasi edifehe asuana onyuŋ enyene ubɔŋ, kpa nte edide ke ŋkaŋ mbufo;

1ŊWED TIMOTHY 4:10

Koro edi emi esin nnyin ikpa utom ye eŋwan, koro nnyin ikodoride enyin ke odu-uwem Abasi, emi edide Andinyaŋa kpukpru owo, akpan-akpan andinyaŋa mbon mbuɔtidem.

2 ŊWED TIMOTHY 4:5

Edi ama edi afo, fara ke idem ke kpukpru ŋkpɔ, biom ukut, nam utom ɔkwɔrɔ-gospel, nam utom fo ma.

PHILEMON 1:1

PAUL, emi edide owo-ŋkpɔkɔbi Christ Jesus, ye eyen-ete nnyin Timothy, ewet enɔ esɔk Philemon, edima ufan ye nsaŋa-utom nnyin,

MME HEBREW 3:6

edi Christ ke anam akpanikɔ nte Eyen, emi akarade ufɔk Abasi: ndien nnyin idi ufɔk Abasi emi, edieke nnyin isɔŋɔde imum uko nnyin ye mbure eke nnyin iburede ke idori-enyin nnyin tutu osim akpatre.

ERIYARARE 2:1

NƆ ŋwed esɔk angel ufɔk Abasi emi edude ke Ephesus, ete: Ntem ke Enye, emi omumde ntantafiɔŋ itiaba akama ke ubɔk nnasia Esie, onyuŋ asaŋade ke ufɔt udiɔk-utuenikaŋ o-gold itiaba, ɔdɔhɔ ete,