LUKE 1:79 - Edisana ñwed Abasi Ibom

⁷⁹ Ndiyama nnɔ mmɔ eke etiede ke ekim ye mfut mkpa; Nditeme ukot nnyin ndiduk ke usuŋ emem.

LUKE 1:79 ပူးပေါင်းရင်းမြစ်များ

ŊWED JOB 10:22

Ke isɔŋ emi okimde ɔkpɔsɔŋ ekim; eke mfut mkpa ye ndutime; emi uwemeyo etiede nte ekim.

ŊWED JOB 3:5

Yak ekim ye mfut mkpa etɔŋɔ ntak eda enye; yak idiɔk enyɔŋ oduŋ ke esit: yak akpakop ndik usen esin enye edige.

ŊWED MME PSALM 107:10

Eduŋ ke ekim ye mfut mkpa, eda ukut ye ukwak ebɔp mmɔ;

ŊWED MME PSALM 107:14

Osio mmɔ ke ekim ye mfut mkpa, onyuŋ obuŋ ŋkpɔkɔbi mmɔ.

ŊWED MME PSALM 23:4

Ndien ŋko ke ini ndisaŋade ke itihere mfut mkpa, ndifeheke idiɔk: koro afo odude ye ami; edi eto fo ye esaŋ fo edidɔŋ mi esit.

ŊWED MME PSALM 25:12

Edi anie owo abak Jehovah? Enye eyeteme enye usuŋ eke emekde.

ŊWED MME PSALM 44:19

eke ekpesinde fi anuak nnyin ke ebiet mme idiɔk unam, onyuŋ ofuk nnyin ke mfut mkpa.

MME ŊKE 3:17

Usuŋ esie edi usuŋ inemesit, kpukpru ɔkpɔ-usuŋ esie enyuŋ edi ifure.

MME ŊKE 8:20

Nsasaŋa ke usuŋ eke enende, ke ufɔt ɔkpɔ-usuŋ ikpe;

ISAIAH 42:16

Ndien nyenam mme nnan esaŋa ke usuŋ eke mmɔ mifiɔkke; nnyuŋ nnam mmɔ edigi ke ɔkpɔ-usuŋ eke mmɔ mifiɔkke: nnyuŋ nnim ekim ke uŋwana, ye mme ŋkwaŋa ŋkpɔ ke se inende. Mmɔ emi edi ŋkpɔ eke ndinamde nnɔ mmɔ nnyuŋ ŋkpɔŋke mmɔ.

ISAIAH 42:7

man atat enyin eke ekimde, onyuŋ osio mbon ŋkpɔkɔbi ke ufɔk ukwak, osio mmɔ eke etiede ke ekim efep ke ufɔk ebuka.

ISAIAH 48:17

Ntem ke Jehovah, andifak fi, kpa Edisana Abasi Israel, ɔdɔhɔ, ete, Ami ndi Jehovah Abasi fo, emi ŋkpepde fi usuŋ udori, nda fi usuŋ eke afo edisaŋade.

ISAIAH 48:22

Jehovah ɔdɔhɔ, ete, Mme idiɔk owo inyeneke emem.

ISAIAH 49:6

Ndien enye ɔdɔhɔ, ete, Emi afo edide owo mi emi edinamde mme esien Jacob edaha ke enyɔŋ, onyuŋ adade nditɔ Israel emi enimde, afiak edi, ekpekpri, ami nyenyuŋ nnim fi ke uŋwana mme idut, man afo ekpedi erinyaŋa mi tutu osim ke utit ererimbot.

ISAIAH 49:9

man afo ɔdɔhɔ mbon ŋkpɔkɔbi, ete, Mbufo ewɔŋɔ; ye mmɔ eke edude ke ekim, ete, Eyarare idem mbufo. Mmɔ eyeta mbiet ke ɔkpɔ-usuŋ, mbiet mmɔ eyenyuŋ odu ke kpukpru iferi obot.

ISAIAH 59:8

Mmɔ ifiɔkke usuŋ emem; eti ido inyuŋ iduhe ke ɔkpɔ-usuŋ mmɔ: emekwaŋa usuŋ mmɔ ke idem mmɔ: baba owo kiet eke asaŋade ke esit ifiɔkke emem.

ISAIAH 9:2

Mbio oro ekesaŋade ke ekim ekut akwa uŋwana: ama edi mmɔ eke eketiede ke isɔŋ mfut mkpa, uŋwana ayama ɔnɔ mmɔ.

JEREMIAH 2:6

Enye Jehovah emi akadade nnyin ke isɔŋ Egypt ɔdɔk? Emi akadade nnyin usuŋ ke wilderness, ke isɔŋ desert ye obube, ke edisat isɔŋ, ye isɔŋ mfut mkpa, ke isɔŋ eke baba owo kiet misaŋake ke esit ibe, eke owo minyuŋ iduŋke do?

JEREMIAH 6:16

Ntem ke Jehovah ɔdɔhɔ ete, Mbufo eda ke mme usuŋ, enyuŋ ese, enyuŋ ebup ebaŋa mme ɔkpɔ-usuŋ eset, ete, Eti usuŋ, enye? ndien mbufo esaŋa ke esit, enyuŋ ekut nduɔk-odudu ukpɔŋ mbufo. Edi mmɔ edɔhɔ ete, “Nnyin idisaŋake.”

MATTHEW 4:16

Mbio oro eketiede ke ekim Ekut akwa uŋwana, Ama edi mmɔ eketiede ke isɔŋ mfut mkpa, Uŋwana ayama ɔnɔ mmɔ.

LUKE 2:32

Ete, edi uŋwana eke ediyararede ŋkpɔ ɔnɔ mme Gentile, onyuŋ edi ubɔŋ ikɔt Fo Israel.

JOHN 1:9

Ata uŋwana emi anamde enyin aŋwaŋa kpukpru owo okododuk ke ererimbot.

JOHN 12:46

Mmedi nte uŋwana ke ererimbot, man owo ekededi eke ɔbuɔtde idem ye ami okusuk odu ke ekim.

JOHN 8:12

Ntre ke Jesus ɔtɔŋɔ ntak etiŋ ɔnɔ mmɔ, ete, Ami ndi uŋwana ererimbot; owo eke etienede Mi idisaŋake ke ekim, edi eyenyene uŋwana uwem.

JOHN 9:5

Adaŋa ini nte ndodu ke ererimbot, ndi uŋwana ererimbot.

UTOM MME APOSTLE 10:36

Enye ɔkɔnɔ ikɔ Esie esɔk nditɔ Israel, ke erikwɔrɔ gospel emem emi Jesus Christ ɔkwɔrɔde, emi edide Ɔbɔŋ kpukpru owo;

UTOM MME APOSTLE 26:18

nte atat mmɔ enyin, man mmɔ ekabare ewɔŋɔ ke ekim, eduk ke uŋwana, ekpɔŋ odudu Satan, etiene Abasi, man mmɔ ebɔ erifen mme idiɔk-ŋkpɔ ye udeme ke otu mmɔ emi enamde mmɔ esana oto ke mbuɔtidem mmɔ ye ami.

ŊWED MBON ROME 3:17

Mmɔ inyuŋ ifiɔkke usuŋ emem:

ŊWED MBON EPHESUS 5:8

Koro mbufo ekedi ekim totoko, edi emewɔrɔ edi uŋwana ke Ɔbɔŋ ke emi: