LUKE 1:77 - Edisana ñwed Abasi Ibom

⁷⁷ Ndinɔ ikɔt Esie ifiɔk erinyaŋa Ke erifen mme idiɔk-ŋkpɔ mmɔ

LUKE 1:77 ပူးပေါင်းရင်းမြစ်များ

JEREMIAH 31:34

Ndien kiet idikpepke aba mbɔhiduŋ esie, ye kiet eyen-ete esie, ite, Mbufo efiɔk Jehovah: koro kpukpru mmɔ, ŋkpri ye ikpɔ, eyefiɔk mi, Jehovah ɔdɔhɔ: koro nyefen mme idiɔk ido mmɔ, ndinyuŋ ntihi aba mme oburobut ido mmɔ.

LUKE 3:3

Ndien enye asaŋa ke ofuri ŋkan-ŋkuk Jordan edikwɔrɔ baptism erikabare esit, man efen mme idiɔk-ŋkpɔ;

LUKE 3:6

Kpukpru owo eyenyuŋ ekut erinyaŋa Jehovah.

JOHN 1:29

Ke ndaŋ-nsiere John okut nte Jesus asaŋade ekpere enye, onyuŋ ɔdɔhɔ ete, Sese, Eyen-erɔŋ Abasi emi emende mme idiɔk-ŋkpɔ ererimbot efep.

JOHN 1:34

Ami mma nnyuŋ ŋkut, nnyuŋ ntie ntiense nte, Emi edi Eyen Abasi.

UTOM MME APOSTLE 10:43

Kpukpru mme prophet eketiŋ ikɔ nte ntiense ebaŋa Enye, ete, owo ekededi eke ɔbuɔtde idem ye Enye eyebɔ erifen mme idiɔk-ŋkpɔ ke enyiŋ Esie.

UTOM MME APOSTLE 19:4

Mmɔ ete, ke esit baptism John. Paul ɔdɔhɔ ete, John okonim owo baptism erikabare esit, onyuŋ ɔdɔhɔ mbio-obio ete, ebuɔt idem ye Enye emi etienede imɔ ke edem, oro edi, Jesus.

UTOM MME APOSTLE 2:38

Edi Peter ɔbɔrɔ mmɔ ete, Mbufo ekabare esit, enyuŋ ena bpatism, kpukpru mbufo, ke enyiŋ Jesus Christ, man efen mme idiɔk-ŋkpɔ mbufo; ndien mbufo eyebɔ Edisana Spirit nte enɔ.

UTOM MME APOSTLE 3:19

Ekabare esit ndien, enyuŋ efiak edem, man esɔhi mme idiɔk-ŋkpɔ mbufo efep; man oto do ini eridemere edito ke iso Jehovah osim mbufo;

UTOM MME APOSTLE 5:31

Abasi akada ubɔk nnasia, Esie emenere Enye onim ke enyɔŋ, ete edi Ɔbɔŋ ye Andinyaŋa, man Enye ɔnɔ Israel erikabare esit, ye erifen mme idiɔk-ŋkpɔ.

ŊWED MBON ROME 3:25

emi Abasi okosiode onim ete edi uwa emem ke iyip Esie, oto ke mbuɔtidem; man Abasi ayarare edinen ido Esie, sia Enye ke ime osioŋode idem efep ke mme idiɔk-ŋkpɔ emi owo ekenamde ke ini eke ebede;

ŊWED MBON EPHESUS 1:7

Nnyin inyuŋ inyene ubɔhɔ-ufin nnyin ke Enye oto ke iyip Esie, kpa erifen mme idiɔk-ŋkpɔ nnyin, adaŋa nte mfɔn Esie awakde.