LUKE 1:49 - Edisana ñwed Abasi Ibom

⁴⁹ Koro Enye emi enyenede odudu ama anam ikpɔ ŋkpɔ ɔnɔ mi: Enyiŋ Esie onyuŋ edi Edisana.

LUKE 1:49 ပူးပေါင်းရင်းမြစ်များ

GENESIS 17:1

NDIEN adaŋa emi Abram osimde isua anaŋ ye efurenaŋ, Jehovah owut Abram idem esie, ete enye, Ami ndi Abasi Ibom, saŋa ke iso mi, nyuŋ fɔn ma.

ŊWED MME PSALM 111:9

Enye ɔnɔ ufak esɔk ikɔt esiemɔ: onyuŋ owuk ediomi esie ke nsinsi: enyiŋ esie edi edisana, onyuŋ enyene uteŋe.

ŊWED MME PSALM 24:8

Anie edi edidem ubɔŋ emi? Jehovah ɔkpɔsɔŋ ye uko, Jehovah uko ke ekɔŋ.

ŊWED MME PSALM 99:3

Mmɔ eyetoro akwa enyiŋ ndik fo: enye edi edisana.

ŊWED MME PSALM 99:9

Mbufo ekpono Jehovah Abasi nnyin, enyuŋ etuak ibuot ke edisana obot esie; koro Jehovah Abasi nnyin edide edisana.

EXODUS 15:11

Anie, ke otu mme abasi ebiet fi O Jehovah? Anie ebiet fi, emi okponde ubɔŋ ke edisana ido, emi eteŋede ke itoro, anamde mme utibe ŋkpɔ?

ISAIAH 1:24

Oro esin Ɔbɔn Jehovah mme udim, Ɔkpɔsɔŋ Abasi Israel ɔdɔhɔ, ete, Ah, nyebiomore mme asua mi ke idem mi mfep, nnyuŋ nsio usiene ye mbon utɔk mi:

ISAIAH 57:15

Koro emi edi uyo Enye emi okoŋde, onyuŋ emenerede ke enyɔŋ, emi oduŋde ke nsinsi, enyiŋ esie onyuŋ edi edisana, ete, Ami nyeduŋ ke edikoŋ ye edisana ebiet, nyenyuŋ nduŋ ye enye emi otukde onyuŋ ɔsuhɔrede spirit esiemɔ, nte ndemere spirit mmɔ eke esuhɔrede idem mmɔ enim, nnyuŋ ndemere esit mmɔ eke etukde idem mmɔ.

ISAIAH 6:3

Ndien kiet ofiori okot kiet, onyuŋ ɔdɔhɔ ete, Edisana, edisana, edisana, Jehovah mme udim: ubɔŋ esie ke ɔyɔhɔ ke ofuri ererimbot.

ISAIAH 63:1

ANIE edi emi otode ke Edom edi? Esine ediyibe ɔfɔŋ-idem oto ke Bozrah? Enye emi esinede ɔfɔŋ-idem ubɔŋ, ke asaŋa ke uwak odudu esie? Edi ami, emi ndɔhɔde nte enende, nsɔŋɔ ke erinyaŋa.

JEREMIAH 10:6

Baba ŋkpɔ kiet ibietke fi, O Jehovah; afo omokpon, enyiŋ fo omonyuŋ okpon ke odudu.

JEREMIAH 20:11

Ndien Jehovah odu ye ami nte owo uko eke enyenede ndik: mmɔdo mmɔ eke ekɔbɔde mi eyeduɔŋɔ, idinyuŋ ikanke: but eyenam mmɔ eti-eti, koro mmɔ mikekwe unen: ke edi nsinsi o-but, owo idifreke enye.

MARK 5:13

Ndidehe spirit oro enyuŋ ewɔŋɔ ekoduk mme edi ke idem; ndien otu edi ebumere efeŋe esuhɔre ke ebedeŋ, eduɔŋɔ ke inyaŋ, ekpaŋa ke mmɔŋ; ibat mmɔ ekpere thousand iba.

LUKE 1:48

Koro Enye ekesede usuhɔre-itie ofin-aŋwan Esie. Koro, sese, ɔtɔŋɔde ke emi kpukpru emana eyedɔhɔ ete, Ɔfɔfɔn ɔnɔ mi.

LUKE 1:50

Mbɔm Esie onyuŋ ana ɔnɔ kpukpru emana, Ɔnɔ mmɔ emi ebakde Enye.

ŊWED MBON EPHESUS 3:20

Enye emi ekemede ndinam ŋkpɔ awak akan se nnyin ibeŋede inyuŋ ikerede, nte odudu Esie eke anamde utom ke idem nnyin edide,

ERIYARARE 15:4

Anie editre nditeŋe Fi, O Ɔbɔŋ, ndinyuŋ nnɔ enyiŋ Fo ubɔŋ? Koro Afo ikpɔŋ edi edisana; Kpukpru mme idut eyenyuŋ edi edituak ibuot ke iso Fo; Koro ndinen ikpe Fo ema eyarare ewut idem.

ERIYARARE 4:8

Ndien ŋkpɔ-uwem inaŋ oro enyene mba itiokiet, emi enyin eyɔhɔde mmɔ ke enyɔŋ ye ke esit. Mmɔ inyuŋ inyeneke nduɔk-odudu ke uwem-eyo ye ke okoneyo, esuk edɔdɔhɔ ete, Edisana, edisana, edisana, Jehovah Abasi, Andikara kpukpru ŋkpɔ. Enye emi okodude-du, emi onyuŋ odude-du, emi edinyuŋ edide.

1 SAMUEL 2:2

Baba kiet isanake nte Jehovah: koro efen miduhe ke mibɔhɔke afo: baba itiat ibietke Abasi nnyin.