LUKE 1:45 - Edisana ñwed Abasi Ibom

⁴⁵ Onyuŋ ɔfɔfɔn ɔnɔ ŋwan emi onimde ke akpanikɔ; koro mme ŋkpɔ oro Jehovah eketiŋde ɔnɔ enye eyesu.

LUKE 1:45 ပူးပေါင်းရင်းမြစ်များ

1 NDIDEM 17:16

Ndom-uyo inyuŋ ikureke ke abaŋ, aran inyuŋ itreke ke ekpeme, ekem ke uyo Jehovah oro enye ɔkɔdɔhɔde ke inua Elijah.

2 NDIDEM 4:5

Ndien ŋwan ɔnyɔŋ ɔkpɔŋ enye, eberi usuŋ abaha idemesie ye nditɔ esie ke ufɔk: ndien mmɔ eda abaŋ esɔk enye, enye onyuŋ ɔtɔhɔ aran esin.

2 CHRONICLES 20:20

Ekem mmɔ ebak edemere ke usenubɔk ewɔŋɔ ke wilderness Tekoa: ndien ke ini mmɔ ewɔŋɔde, Jehoshaphat ada ɔdɔhɔ ete, O Judah, ye mme andiduŋ Jerusalem, mbufo ekop uyo mi: eberi idem mbufo ye Jehovah Abasi mbufo, ndien eyemum mbufo ekama; enim uyo mme prophet esie ke akpanikɔ, ndien mbufo eyekut unen.

LUKE 1:20

Ndien sese, afo eyedi imum, udunyuŋ ukemeke nditiŋ ikɔ, tutu osim usen eke ŋkpɔ emi edisude, koro mukonimke ikɔ mi ke akpanikɔ, emi edisude ke edikem ini mmɔ.

LUKE 1:44

Koro sese, uyo ekɔm fo okododuk mi utɔŋ, eyen ɔfrɔ mi ke idibi ɔnɔ idaresit.

LUKE 1:48

Koro Enye ekesede usuhɔre-itie ofin-aŋwan Esie. Koro, sese, ɔtɔŋɔde ke emi kpukpru emana eyedɔhɔ ete, Ɔfɔfɔn ɔnɔ mi.

JOHN 11:40

Jesus ete enye, Nte ŋkɔdɔhɔke fi nte, edieke onimde ke akpanikɔ, eyekut ubɔŋ Abasi?

JOHN 20:29

Jesus ete enye, Sia ama okokut Mi, omonim ke akpanikɔ? Ɔfɔfɔn ɔnɔ mmɔ emi mikekwe, edi enimde ke akpanikɔ.